Здраво на сите,
Нов сум на форумот, а и на темава. Читајќи ги вашите постови за вашите папагалчиња увидов дека оваа зима дефинитивно беше поразителна за нив. Јас би сакал да го споделам моето искуство со вас. Имавме машка тигрица Роки која ете млада, едвај 3 години, после два месеца третмани ми умре вчера вечерта во рака. Душа невидена беше, се изнамачи два месеца и само се буташе поблиску до врат, го галев, топлев, цифкаше, му се чувствуваше болката. Кај не, го однесов на прегледи, на ветеринарен факултет, по ветеринарни амбуланти, брис му земаа во авицена ништо не најдоа наводно, а сепак се мачеше и ете у пм ми умре вчера и ме скрши. Постојано се тресеше, накострешено, спиеше, немаше сила да лета, да зборува да се игра, а се тоа го правеше во нормални услови. Имаше проливче и приметив дека стомачето му е подуено и модро. Барав на интернет и најдов дека е можно тумор да е. Прашував ветеринари ми рекоа не би требало. Му дававме витамини, ни дадоа крема некоја да го мачкаме местото и вчера вечерта срцето толку силно и толку брзо му чукаше и на крај испушти души. Може за многу ќе звучам патетично ама Роки ми даваше таква безусловна љубов и ... Сега е тивко дома и празно некако... Да, тигрица е - ефтина, може друга да се купи и да, фрлив повеќе пари на третмани, ама сепак е душа и тоа. Имаше таква слобода со нас, зборуваше навиен беше, се враќам дома, отклучував врата и знаеше дека доаѓам и свиреше, пееше, се радуваше многу. Беше питом, беше дел од нашето семејство...
На крај само ќе кажам дека сум разочаран од ветеринарите. Буквално не пројавија голем интерес, водејќи се претпоставувам по тоа дека имаат кучиња, мачиња пациенти па за една тигрица не им се губи време.
Не ми е јасно како резултатите од испитувањата во Авицена и во лабораторијата на ветеринарниот факултет не најдоа ништо
И еден совет за крај,
Штом видите дека папагалчето ви е накострешено, дреме, нема апетит, има проливче, да знаете дека веќе е прилично болно. Во природата им е да ја кријат болеста бидејќи сепак се плен во дивината. Така што штом веќе се воочливи овие симптоми да знаете дека треба веднаш на ветеринар да го однесете