Оправдување на црн бизнис?!

[Kadaif]

Апсолутно те разбирам, до некаде дури и поддржувам. Она што никако не можам да го прифатам, е подмолниот начин на уништување туѓ живот или потпомагање во процесот на уништување друг живот на сметка на изговорот, детето ми е гладно. Затоа и примерот со дрогата е екстремен, и најлош, а примерот со житото е... “полесно преминлив“. (јбг, немав друг термин)

Последиците од видот на трговија е она по кое ги разграничувам дилањето дрога и неплаќањето данок.

Моралниот аспект и разумот со кој пристапува евентуалниот дилер, не ги оправдувам и се грозам од нив.

Тука би било интересно да се види мислењето на нихилиста.

 

[burn84]

Трговија на црно е исто така продавање облека на улица или семки на тезга.
Во никој случај не се оправдува затоа што ја кочиш државата во планираниот напредок со тоа што даночната политика не се спроведува како што треба.
Прави и за тебе добро и за другите и сите ќе бидеме во ред!

 

[bucio]

Црни бизниси значи во ова не спаѓа сивата економија затоа што таа е сива .Па не оправдувам многу криминални дејства.Иако лично сум познавал и некои од нив сеуште ги познавам бизнисмени на црно .Дилери на дрога, макро, професионални крадци итн.Ај да сади тутун за да преживее, ги има многумина такви и тоа можам да го разберам.Ама да дила дрога за да преживее тоа не можам да го разберам.
На гости ми дојдоа еден мој другар и еден заеднички пријател (професионален крадец).
Така праевме општ муабет за куќата од каде се влегува, излегува итн.Се запивме вино од моето домашното и тоа мноогу, и пријателов(крадецот) ми вели јас кај што седнувам на маса, јадам, пијам не влегувам.И си го одржа човекот зборот.

Трговија на црно е исто така продавање облека на улица или семки на тезга.
Во никој случај не се оправдува затоа што ја кочиш државата во планираниот напредок со тоа што даночната политика не се спроведува како што треба.
Прави и за тебе добро и за другите и сите ќе бидеме во ред!

Тоа е сива, а не црна економија постои разлика колку од земјава до марс.

 

[Crazy in Love]

Точно е дека е тешко кога немаш средства и за да го нахраниш семејството ќе направиш се, НО има чесни работи, кои иако се тешки, се чесни.

Не можам да го оправдам продавањето дрога, белото робје и слично, затоа што заради тоа се уништуваат туѓи животи. Таа дрога што некој ќе ја продаде, ќе ја конзумира некој и со тоа автоматски се помага во уништувањето на тој некој. Или белото робје па да не ни коментирам.

Разбирам дека е тешко...ама човек секогаш има избор...а дилањето дрога или продавање оружје или бело робје... е секогаш полесниот пат. Потешко е да земеш од нула, ако треба да чистиш, некоја физичка работа...потежок е тој пат.
А овие луѓе го избрале полесниот пат и тоа е тоа. Како и да е, сториле работа која е против законска и без разлика дали е за луксуз или живот, мора да си ги сносат последиците и да бидат санкционирани.

 

[wot]

Читам на една тема за оние неколку велешани кои ги уапсија за продавање дрога. Некои од ставовите велат дека сепак тоа не го правеле за луксузен живот туку бидејќи биле приморани од општеството.

Моето прашање иако тука конкретно се работи за дрога, ќе го поставам општо за нелегалните трговии. Значи, дали можете да го оправдате по било која основа или целосно и секако, зошто?

Случајот го оправдувам до некаде. Продаваат, шверцуват.. никому на сила ништо не прават. Јес да е лошо, но штом посегнале по тој бизнис мора да биле очајни.

Општо за црн бизнис не подржувам никако. Белоробје, оружја и такви ствари.. тоа се преголем грев. Посебни белоробје.
За таквите само столица.

 

[Сатори]

Да се разграничи една работа, тежината на црниот бизнис, мене искрено нема да ми смета што некој ќе крие пари од државата ако има бизнис или ќе продава штипки на улица, нема да ми даде фискална сметка или ќе го прекрши законот со тоа што ќе ми даде пластично ќесе.

Но, дилерите од секој вид, продавање на дрога, луѓе, органи, тука веќе и да гледам на тоа од далеку, по автоматизам се јавува гадењето.Веројатно јас имам лични силни причини за да бидам против растурање дрога наоколу чисто за заработка.Ако имаш болно дете не значи дека треба да се извалкаш и себе и тоа дете, секогаш може да се најде начин, секогаш може да се бориш без да ги уништиш тие што се спремни за тоа да платат.

И не, не можам да ги оправдувам на техниката, сами си ја бараат дрогата, зар дете од 13 години може да расудува комплетно само за себе и да бара еден џоинт за стотче?
Не верувам.
Затоа што ако иронијата на животот е голема, истиот тип што дилал за детето да му оди на операција, кога тоа дете ќе ги наполни истите 13 може да го проба првиот џоинт.
Да не навлегувам во тоа дека голем дел од тие што се земени како бело робје никогаш не излегуваат од тој ланец, а тие што ќе излезат се веќе целосно психички и делумно физички уништени.

Само вистински грозни луѓе би посегнале по животот на други иако будалести млади луѓе!

 

[*pumpkin*]

нема оправдување, тој можеби го направил тоа за да го прехрани семејството, но нели се запрашал и колку животи и семејства уништил, или битно на моите дома нека им биде добро а за другите не ми е гајле!!! нелегалните бизниси се најлесен начин за лесна и добра заработувачка, али сепак мислам дека секој има шанса да најде ЧЕСНА работа, само треба да се потруди!!!

 

[Дивајн]

Читам на една тема за оние неколку велешани кои ги уапсија за продавање дрога. Некои од ставовите велат дека сепак тоа не го правеле за луксузен живот туку бидејќи биле приморани од општеството.

Моето прашање иако тука конкретно се работи за дрога, ќе го поставам општо за нелегалните трговии. Значи, дали можете да го оправдате по било која основа или целосно и секако, зошто?

Не го правеле тоа за луксузен живот? Ам за леб да не го правеле? И кое општество ги приморало? Тоа во кое живеам и јас? Зошто мене не ме приморува? Да не ми остава случајно секое сабајле куферче со пари пред врата? Абе ајде!:uvo:
Инаку не, не оправдувам црн бизнис. Тука и јас не ги рачунам оние ситни нелегални трговии кои ги има по тезгите и сл., но не затоа што се во ред, туку затоа што можам да разберам зошто се приморани на тоа. Башка, со продавање на играчки, шминки и облека без плаќање данок, не се загрозуваат туѓи животи, а се спасуваат тие на семејствата на продавачите. Не е во ред некој да плаќа се`, а некој на тезга да заработува повеќе и да не фрли ни денар на државата, ама кој како ќе се снајде. И подобро е да се снаоѓаат така загрозените луѓе, отколку да просат по улици.
Кога би живееле во посредена држава без крадци на самите врвови, би била строго и против тезгарите. Ги споменувам нив како најсекојдневен и најзастапен пример, а мислам на сите други кои нелегално работаат нормални бизниси.
А тие кои си навлегуваат во тешки и црни бизниси - само доживотен затвор за нив или и нешто полошо. Глумат голтари по улица, а и сами не знаат што да доградат побрзо надвор од земјава и во која банка уште не ставиле пари. Гнаси тешки на кои "потресните" изјави нејќам ни да им ги слушнам!

 

[Desire]

Да видиме како мене татко ми би ми помогнал доколку би бил дилер на дрога:
Да,ќе имам пари за леб,за облека,за школо итн итн.Најпрво,со тоа што секој ден ќе ми доаѓаат дрогираши на врата,иако не мора да значи дека дома ќе ја продава дрогата,со самото тоа што истите тие ќе знаат дека јас сум му ќерка ми го доведува животот во опасност најпрво мене,што сум му ќерка,што тотално се коси со првичната идеја да ми го “подобри“ животот,а после тоа и што загрозува туѓи животи со продавање на дрога.

А како би ми помогнал доколку е хигиеничар,обичен продавач на тезга...:
Ќе имам јадење и облека ништо подобра од таа која би ми ја обезбедил доколку е дилер,ама нема да се секирам дали кој ќе се враќам од школо ќе дојдам дома жива,или ќе ме киднапира некој забеган кризиран дрогираш за едно пакетче кокаин или што и да е,не се разбирам многу у дрогиве.

Така да,колку сака нека е очаен родителот,секогаш има подобро решение од некоја нелегална работа со која сакајќи да му обезбеди подобри услови за живеење на детето,само повеќе го трауматизира.
Колку сакаат нека се правдаат тие дека биле приморани од општеството,не е така,секогаш има подобро решение од тоа,само што не се трудат доволно добро за да си обезбедат пристојна работа,го одбираат “полесниот“ пат.

 

[The Goddess]

Апсолутно не оправдувам.
Со која логика би оправдала некој бизнис кога истиот тој бизнис е нелегален пред се, а патем резултира на ваков или онаков начин и со доволен број на жртви?
Сосема јасно е дека не може да се добие оправдување за некоја таква работа.
А, и не може некој да дојде и да ми каже дека во нашава држава не може да се најде работа или некои си такви бла-бла глупости. Секогаш има работа за тие што сакаат да работаат. Побарај ќе најдеш. Кој сака да работи и овде и во Тунгузија ќе работи. Црниот бизнис е чисто бизнис за перење на пари, а не за прехрана на семејството.

 

[Hooligan]

Не можиме и несмееме да оправдаме криминални активности за ништо !
нека одат нека работат како кенлери , како чистачи ако до толку немале пари и биле “приморани“ како што вели корисникот кој ја отвори темата !

 

[Viktoranius]

Оправдувам со граници.

Значи гледам многу погоре напишале со дилање на дрога се уништува туѓ живот.

Зошто?

Дилерите не те натеруваат на сила да ја земеш дрогата и да ја конзумираш, тие само ја продаваат, а наркоманите ја купуваат самоволно. Не гледам тука никакво оштетување на купувачот од страна на дилерот.

А веќе за други тешки дела како што се бело робје, трговија со органи и други такви гадни работи сум против.

Значи заклучок, има луѓе што се приморани да се баваат со вакви работи, затоа што секој не се родил со среќа па да има за нормален живот.

 

[Дивајн]

Оправдувам со граници.

Значи гледам многу погоре напишале со дилање на дрога се уништува туѓ живот.

Зошто?

Дилерите не те натеруваат на сила да ја земеш дрогата и да ја конзумираш, тие само ја продаваат, а наркоманите ја купуваат самоволно. Не гледам тука никакво оштетување на купувачот од страна на дилерот.

Зошто? Затоа што тие со дрогата што ја продаваат уништуваат туѓи животи, а може да им наштетат и на своите или на тие од нивната близина. Имаше претходно примери и за тоа.
А се сложувам со тоа дека никој никого не тера на сила да купува дрога, но барем кога би се намалил бројот на алчните дилери, сигурно би се намалил и тој на наркоманите. Значи во никој случај, дилањето не е бизнис кој би требало да го оправдуваме или уште полошо посакуваме.

А веќе за други тешки дела како што се бело робје, трговија со органи и други такви гадни работи сум против.

Значи заклучок, има луѓе што се приморани да се баваат со вакви работи, затоа што секој не се родил со среќа па да има за нормален живот.

Приморани луѓе да дилаат, да продаваат органи или луѓе? Никој на тоа не е приморан! Се работи само за нескротлив апетит за брзи и големи пари... за ништо друго.

 

[Гладиус]

Оправдувам со граници.

Значи гледам многу погоре напишале со дилање на дрога се уништува туѓ живот.

Зошто?

Дилерите не те натеруваат на сила да ја земеш дрогата и да ја конзумираш, тие само ја продаваат, а наркоманите ја купуваат самоволно. Не гледам тука никакво оштетување на купувачот од страна на дилерот.

Не те тераат со сила д аја косумираш, меѓутоа самата појава дилање е нелегална и никаква...Се што е црн бизнис не вреди ни да се спомнува, камо ли пак да постои... И да, има оштетување...Кога би немало кој да дила, би немало тие шо ја консумираат од каде да ја најдат, што би било пресудно за фактот дека ќе нема ни кој да ја купува...НЕЛИ?!

А веќе за други тешки дела како што се бело робје, трговија со органи и други такви гадни работи сум против.

Сакаш да кажеш дека за тебе е ок некој да биде наркоман, животот да му виси на конец, и некој да заработува пари од тоа, а некој да се снаоѓа живеејќи од бело робје не е ок...
Извини друже ама многу си само-контрадикторен...

Значи заклучок, има луѓе што се приморани да се баваат со вакви работи, затоа што секој не се родил со среќа па да има за нормален живот.

Викаш дека има луѓе што се приморани да работат на црниот пазар. Епа како што се приморани дилерите на дрога, така се приморани и дилерите на човечки органи...
И заклучокот ни најмалку не ти е на место...
Никој, значи НИКОЈ не е приморан да прави нешто што не сака. Во животот секој го достигнува она за кое се борел. Кај тие луѓе јасно се гледа борбата за опстанок... Ќе работи на црно, и ќе заработи по било која цена...Иако некогаш таа цена знае да биде и самиот живот...
Така да не, јас не оправдувам црн бизнис во никој случај...

 

[Viktoranius]

Еве на пример дете што го напуштила мајкаму од раѓање, и израснува на улица. Каква е неговата иднина? Сигурно ќе нема ни основно образование, и самиот живот го натерува да почне да се бави со вакви работи .....

И пак ќе кажам .... Не се раѓа секој со среќна ѕвезда.