За душегрижниците на нашето име
Како никогаш, македонскиот народ е под перфиден притисок за неговото име, но и решен да си го зачува.Се е обединето - Премиерот и Претседателот, позицијата и опозицијата, Македонците и заедниците, власта и граѓаните (НВО-секторот уште со илјадниците писма до Брисел).
Но еве некакви осамени “спасители”, еден новинар и еден политичар кои и отворено се на грчки позиции – смена на името (зошто ли, може само да претпоставуваме ?!). Логиката за компромис,им е оти носел “сигурна” иднина ! А знаат дека “сигурно” нема ништо :
- “сигурна” беше СФР Југославија и ЈНА, во чии граници бевме “непобедливи”- но не било така !
- “сигурен” беше и Варшавскиот пакт – но не бил !
- “сигурен” светски процес беше комунизмот – но не бил!
- “сигурни” беа империите, алијансите и сојузите, кои ја парчосуваа Македонија и и го менуваа името – но не биле, Македонија ги надживеа ?!
Двајцава, говорат за “сигурноста” на децата, но не и колку контигенти денешни деца, допрва ќе треба да испраќаме за да носат “сигурност” по светот, откога ќе влеземе обезличени во ЕУ и НАТО !.
Што ќе ни се таквите ЕУ и НАТО кои не ни го почитуваат основното – името.Растурајќи нации и држави, со компромисната логика, ќе може да ни се нудат нови “придобивки” (отстапки!) заради “сигурното” а тогашно утре !
Оти Грција била помоќна ! Што требало тогаш да прават нашите предци во моќната турска империја, требало ли сите да се испотурчат во името на “посигурната” иднина ?! На што ќе бевме Премиери, Претседатели, Министри, пратеници, директори, новинари, НВО-и и граѓани – ако предците не се бореа за нашето име и беа за компромиси при ропствата.
За крај, на господава “компромисливи” им посочуваме на делот од книгата “И каменот е земја” од Петре Наковски, кога грчката полиција го апси Кољо Шурдов и го носи во Костур пред Началникот, оти не научил грчки и оти не сакал името да му е Кољос Сурдос. Началникот го прашал : “Човеку, па што ти пречи едно “с“ на крајот од името и по едно “с“ на почетокот и крајот од презимето ?“
Грков не сфаќал зошто Кољо не е за компромис со своето македонско име а бидејќи и овие наши господа не сфаќаат, нека си стават по едно “с” во имињата и презимињата, кога имаат храброст нам, на цел народ, да ни предлагаат компромис со националното и државно име ? Нека видат како звучат а потоа пак нека пишуваат бесмислици и “петоколонашки” писанија.
“ па ќе си кажеш МАКЕДОНИЈА и не од навика туку дека е така.:pishtoldz
