H
Hip.Hop_MKD
Гостин
Невообичаени туристички дестинации
Ридот на крстовите,Литванија
Kryžių kalnas- Ридот на Крстовите, кој што се наоѓа на 12 километри од малиот индустриски град
Šiauliai
е литванско место за аџилак. На малиот ред се поставени повеќе од пеесет илјади крстови кои што ја претставуваат христијанската посветеност и симбол за литванскиот национален идентитет. Потеклото на првите крстови е непознато, но и покрај пстојаните обиди на комунистичката власт за време на 20. век да ги отстранат крстовите, тие сепак се враќале во илјадници.
Местото само по себе не е страшно, но концептот на мистериозното појавување на илјадници крстови, и тоа како да се појавиле сами од себе, може да биде вознемирувачки во извесна мера.
Замокот Машкул (Château de Machecoul), Франција
Овој замок бил дом на Жил де Ре (1404 – 1410) , бретонски витез, соборец на Јованка Орлеанка, како и маршал на Франција, но најпознат е како сериски убиец на деца. Во 1434-35, тој се повлекол од воениот живот, и се впуштил во некаков окултизам, потрошувајќи го своето богатство во поставувањето на некаков екстравагантен театарски спектакл. Некаде пролетта во 1432 се појавил првиот случај на убиство на дете, и потоа следувале слични злосторства. Бројот на жртвите се искачил на стотици. Откако ги силивал момчињата кои ги грабнувал, им ги пресекувал грлата и мастурбирал врз нивната крв и внатрешни органи. Следува запис од неговото судење:
„... Кога децата ќе умреле, тој ги бакнуваше и тие кои што имаа најубави екстремитети и глави ги држеше во рацете восхитувајќи им се, и потоа сурово ќе ги распореше нивните тела насладувајќи се на глетката на внатрешните органи. И многу често кога децата умираа тој седнуваше на нивниот стомак и уживаше гледајќи ги како умираат, и се смееше...“
Бил погубен со бесење во Нант на 26 октомври 1440. Жил де Ре е инспирација и за приказната за Синобрадиот. Сите овие злосторства се случувале во внатрешноста на овој замок. Жртвите биле соѕидувани во ѕидовите, фрлани во оџаците, и погребувани околу местото.
Европските костурници
Костурниците се згради или места кои што служат за оставање на коските на починатите луѓе. Тие често се употребуваат кога нема доволно место за вообичаено погребување. Вакви места можат да се најдат насекаде низ Европа. Меѓу најпознатите се катакомбите во Париз кои што се мрежа на ходници полни со скелети веднаш под париските улици. Фотографијата погоре е од Санта Мариа дела Кончезионе деи Капучини, црква во Рим, Италија, изградена по нарачка на Папата Урбан VIII во 1626. Во неа се наоѓаат остатоците на 4000 фратри. Некои од скелетите се недопрени, но во поголем дел одделни коски се употребени во создавањето на сложени украси. Тоа е само една од морничавите костурници кои што можете да ги посетите.
Трак лагуна во Микронезија
На морското дно во оваа лагуна ќе најдете огромен број на потонати бродови и носачи на авиони, како и секаков вид на воена опрема и возила. Подводен музеј.
Чернобил, Украинa
Најсмртоносната експлозија во нуклеарна централа, денес е сеуште напуштена и изгледа како сцена од некој хорор филм.
Салем – Масачутес, САД
Овој американски источен брег има маѓепсана историја, со тоа што во 1692 таму се вршело судењето за магиите во Салем. За време на судењето, 19 мажи и жени биле осудени за вештерство и однесени на ридот Gallows за да бидат обесени. Овој рид можеби е најморничавиот дел на Салем, но вистинското дрво на кое виселе обесените вештерки повеќе не постои, а големата јама каде што се фрлале мртвите тела се затворила сама од себе. Но, вашата потрага по возбуда сè уште може да ја задоволите во музеите Salem Witch и Witch Dungeon, како и во восочниот музеј Wax Museum of Witches and Seafarers.
Ако знаете и вие некоја чудна туристичка локација споделете со нас, и внимавајте на содржините зошто може да предизвикаат вознемиреност кај некој луѓе!