За една група да напредува константно или пак да одржува некаква константност, пред се е потребно големо замарање на поединци за организација на групата.
Ти колку сакаш имај навивачки потенцијал, фанови на клубот, луѓе кои пратат спорт особено во градови со единствена екипа која е симбол на градот и имаш далеку поголем број публика, ама се е џабе ако немаш помала група на луѓе која ќе ја води целата организација.
Групата се уништува, ако и го уништиш раководството, ако оние млади генерации кои треба да бидат идно раководство налетаат на балон период кога групите функционираат само со појавување на трибина, без ништо спектакуларно.
Јас одам на трибина сто години и ќе одам цел живот (може не со вакво темпо, согласно животните обврски), ама фаци како мене, како стариве чкембоси, сите оние (пред се од екипа пиво) кои редовно одевме на трибина без некаква најава (годината пред короната кога групата беше клинички мртва после цел тој период на политички оркестирани напади од сите страни) само да одржиме континуитет и од љубов кон клубот, не можеме да придонесеме за идно подигнување на групата, само со присуството на трибини. Да, ќе имаме почит кај помладите дека и на овие години сме навивачки активни, ќе учат од наши искуства, може нешто ќе помогнеме со идеи, АМА НЕ СМЕ ОНИЕ КОИ 24/7 ТРЧААТ ВО ОРГАНИЗАЦИЈА. Да се биде во организација значи да се откажеш од голем дел од слободното време, цело време таму да ти биде паметот, да трошиш многу време и пари во разговори со други за кореографии, носење материјали, акции, знамиња, договарање гостувања, а богами и да бидеш управа на клубот (како што е во моментот случајот со Комити). Место во петок да излезеш ко сите други, ти дремеш во некоја маалска сала, низ пола град шетате проектори за да ја направите кореографијата, ја сечете, лепите, ја пробувате, инструкции пишувате за да има добри 5 визуелни минути на утакмицата. И ретко кој ќе те толерира таков живот да тераш
Сите ти пишуваат кај ќе се игра наредно коло, ќе има ли автобуси, кога ќе се трга на гостување, ти откажале комбињата, па молиш на сто страни. Правиш најави, пишуваш извештаи, си губиш неделни вечери да ги средиш клиповите што се снимале за да се долови поентата итн.
Ова што се случува е резултат на работата на помала група Комити кои напорно работат за да изгледаме како што изгледаме. Секоја група го доживува врвот кога има помала група на луѓе кои деноноќно се зафатени со организација и уште поважно кога истите немаат некакво задни намери и интереси од тоа што го прават, туку го прават од љубов кон клубот и групата и затоа што уживаат во ултрас животот.
Зошто напреднаа ФА во тој период? Да, маалските фаци секогаш ќе ги најдеш за да одат на трибина, ама ако ти немаш добра организација, ќе беа како село без кучиња. Ама цела заслуга беше на тие што највеќе се замараа од АРТ екипата, а веќе не одат на трибина.
ЦПБ со Гого ги имаше најјаките времиња. Кој ќе привлече нови членови? Овие мунгосиве партиски што им останаа?
Лозари како се издигнаа?
Затоа што имаат неколку членови што цела Европа ја шетаат на навивачки настани, имаат топ односи со членови на многу групи, учат од нив, ја протнаа идејата за мала група која ќе го обедини цел град, што ќе има топ изглед на трибина. Порано кога ќе се спомнеа Лозари, ми текнуваше на никаква дружина предводена од шерифот (
), што беше поим за потсмев, со наведнати глави како ноеви поминуваа крај 10 Пирати. Види ги сега, имаат уникатни идеи (макар копирани од Фирма и други), топ пиро, фотограф кој е убееееедливо број еден за правење јаки слики, едноставно личат на група. Е сега бројката не е најсјајна, ама тоа е резултат на многу фактори, сепак организационо се одлични.
Чкембари личат дека имаат преродба?
Нормално, друго е кога ќе се растрчаат помладите членови, одма и изгледот им е далеку подобар, се очекува да растат во иднина.
Верувам исто е и со Рибари, гледам и таму има група на неколку души што ги трча сите работи.
Комити беа врв кога беа предводени од Екипа Корео (истата замисла од сега), ама тоа не им се допаѓаше на партиите и не срушија. Сега состојбата е уште подобра со оваа структура и уште поважно, меѓу постарото членство кое е активно на трибина, нема задни намери, не се партиски послушници.
Порано им правиш цел план, картите ги даваш да ги продаваат некои постари, пола си ги лапнале за нив, за групата ништо нема да остане. Сега со целиот начин на самофинансирање, групата си дозволува и да организира настани како прославата и да помага ПАРИЧНО во ФК Вардар.
Ама цел тој наплив на средства не е од небо, туку резултат на макотрпна работа на правење реквизити, налепници итн.
Плус се исчистија генерациите што беа научени на гага, сега секој без проблем плаќа карта, секоја утакмица.
Мора да издвојам дека сегашното раководство ги нема тие проблеми кои ги имаше Екипа Корео во тие години, а тоа беа однесувањето на постарите членови и нивното непочитување на работата на помладите. Едноставно толкав беше јазот во генерациите, што тие беа навикнати да групите бидат финснсирани од клубот, да на трибина бидеш прав индијанец, да се чаталиш на помали (пример пола трибина не пее, ама шамари јадат само најмалите, другарите твои не ги чепкаш, ако уста не отвораат), да те боли кур како помладите треба цел град да го поминат со автобус поминувајќи со реквизити сред непријателска територија, важно да се замастиш во кафана после утакмица, да го дрвиш со "во наше време вака онака". Немаше шанси да направиш ред на трибина, ќе ти се обесат на шипка или ќе дремат горе или ќе ја усерат кореографијата, пола тепачки меѓу себе за тоа се случувале.
Сега активните постари целосно следат инструкции на трибина, даваат поддршка на постарите, се грижат за помладите во смисла на транспорт и организација, буквално се растени во ваков навивачки филм што е предност за сегашното раководство.
Зошто Мајмуни и Винари се распашана команда?
Дека нема здраво водство, нема никакво водство. Они и 10000 ќе се соберат, ама џабе е, ќе личат на багра собрана онака.
Организацијата се гледа и по подгрупите на Комити.
Зошто од некои населби константно имаме највеќе членови? Затоа што има луѓе таму што организираат. Зошто Кисела Вода е нула во моментов, а има најголем потенцијал за мобилизација? Затоа што тие што организираа се иселија, дополнително убиството на Саздо го уби и ентузијазмот кај младината и отиде населбата. Да земе некој да организира, плус 50-100 луѓе би имале од таму уште на првата утакмица.
Многу труд треба за да се крене една група. За жал, си бара и резултати на спортски план, дуели со две навивачки групи, нешто што на македонските групи им е хендикеп. Дополнително не јаде масовната стапка на иселување на младите и голем број изгубени генерации во годините со најголема репресија од мвр (годините на Гоца).
Треба да се искористи моментумот кој го имаат македонските групи за да одат напред, браво за сите што се во организацискиот дел на групите.