- Член од
- 25 февруари 2006
- Мислења
- 254
- Поени од реакции
- 28
Граѓаните во Македонија секојдневно се соочуваат со овој феномен, но верувам на многуте им годи а останатите кои не го подржуваат не го забележале и не помислиле дека баш претставува еден многу чуден феномен. Имено, од описменувањето на македонецот околу поимот што е Забавна Музика (по периодот на Цветанка Ласкова) Македонија за прв пат се здоби со богата забавна музика која беше наменета за најмладите, оние кои се родија како вистински македонци а ова поле беше празно и претставуваше голема опасност од содржината со кој ќе се пополни.
Иако тогаш тазе и млад, македонецот го направи еден од најважните чекори (за жал овој беше последниот, од тогаш македончето седна скрс нозе и почна да јаде алва) кон суштинското и духовното осамостојување, прифаќање на вредноста на својата забавна музика. Излегоа еден куп групи чии песни станаа хитови, Ристо Бомбата, Студени Нозе, Ена Веко, и еден куп други. Со ова се спречи асимилацијата на гнасните турбо фолкерски шофери кои владееа низ Југословенскиот простор. Но за жал, со принудената актуелност во Србија, од '99 навака со тешко срце морам да кажам дека македонската забавна музика потона во ново формираните турбо фолкерски сељачишта (порано наречени пролетери) кои на тони започнаа да се слушаат најпрвин во оние смрдени бедни биртии каде исклучиво беа посетени од Циганскиот народ, за подоцна неколку сељачиња од Драчево и слични населби да почнат да ги слушаат касетите на цел глас во нивните југа и скапани мерцедеси од 1972.
Седум долги години подоцна, оваа навидум забавна музика е во секоја пора на нашето живеење, младите чочеци секој петок и сабота прават нови години на Синан Шакич, кршат глави од лустери на Драгана Миркович, го носат своето достоинство и вкус на работ од тоталното вредностно осиромашување на песните од Стоја, лудуваат по Београѓаните како биле најпознати на светот заедно со Џогани и ја трошат својата 4 и пол месечна заштеда на концерот на Цеца и дупењето во здравиот разум на музичка основа оди до бескрај и се враќа назад. Еве, откако ви го доловив чувството, еве да ви го кажам вистинскиот феномен околу ова. Она што мене многу ме чуди е следново; како е возможно, народ кој не произведува ниту еден музички тон на турбо фолкерска основа со убиствена тематика, да е толку запален по неговото слушање и покрај тоа што во земјава имаме најразличен вид на квалитетна музика, од домашен и странски карактер?! Ве молам, некој нека ми го објасни, нека се потруди ќе го сватам.
Напишете во коментари, во пораки, гулап пратете ми, било како само сакам да разберам, зошто ова ни се случува? Зошто на Хрватските и Словенските телевизии не можам да видам таква музика, зошто не можам да видам еден српски филм или српска вест на нивните телевизии? А кај нас најгледана е Пинк, БН, ОБН, РТС им е како национална. Нели се стремиме и сакаме да се приклучиме кон Европската Унија, зошто тогаш не гледаме пример по Словенија која веќе е членка на Унијата, зошто не гледаме пример по Хрватска која веќе е на прагот и чекори кон Унијата? Зошто во недостиг на вистински вредности одиме кон прифаќање на оние подолните, а не се стремиме кон повисоките, позаслужните и поблагородните? Секој потекнува од некаде, секој доаѓа од некаде, секој има своја историја.
Мислам дека почнувам да се двоумам што го имам ова потекло, од оваа измислена земја, со невидено благо ретардирани луѓе кои не сваќаат дека со ова само ја покопуваат оваа земја, каква и да била. Зошто, о зошто сакаме пак да бидеме офчари? Зарем не се научивме од нашите дедовци кои шетаа измеќари? Дали сакаме пак?
Блогот на Националист
