ЕУРОМИЛК – АКАДЕМИЈА ПАНДЕВ 1-2
Тимот на Академија Пандев продолжува со одлични игри во Втората фудбалска лига на Македонија. Составот на Панче Стојанов славеше со 1-2 на гости против Еуромилк и се одлепи на првата позиција на табелата со 13 освоени бода. Зоран Балдовалиев и Љупчо Дориев донесоа водство од 0-2 за Академија Пандев по само 12 минути, а Андријан Чаволи во 50.минута го постигна единствениот гол за домашниот тим.
МЕТАЛУРГ – ЉУБАНЦИ 3-1
Металург го совлада Љубанци 1947 со 3-1. Иако гостите први поведоа преку Тасевски во 11.минута, „металрузите“ беа разиграни во вториот дел. Колевски го израмни резултатот, Дигаловски донесе водство за Металург, а Стајев го потврди триумфот од 3-1.
Х. ТУРНОВО – ВАРДАР НЕГОТИНО 4-1
Хоризонт Турново го победи Вардар Неготино со 4-1. Мерсовски го отвори резултатот, а Илиев донесе солидно водство по првиот дел. Иванов од пенал зголеми на 3-0, Божинов беше стрелец на четвртиот гол за турновци, а почесниот погодок за Вардар Неготино беше дело на Петковски.
ВЕЛАЗЕРИМИ – СКОПЈЕ 2-1
Велазерими освои три бода на домашен терен против Скопје, триумфирајќи со 2-1. Ерсин Фетахи беше двоен стрелец за Велазерими, а погодокот за гостите го постигна Чуљевиќ.
ТЕТЕКС – НОВАЦИ 1-1
Тетекс и Новаци ремизираа 1-1. Дервиши го доведе Тетекс во водство во првиот дел, но Неданоски возврати во продолжението за поделба на бодовите.