Македонската телевизија успеа да ги обезбеди тв правата и за новата сезона на АБА Јадранската кошаркарска лига во која за првпат свој претставник ќе има и Македонија.
Љубителите на кошарката во нашата земја ќе можат да ги следат натпреварите од регионалната лига на програмите на националниот сервис и тоа започнувајќи од саботното деби на МЗТ Скопје на гостувањето кај Цибона, па и сите останати натпревари кои ќе ги игра нашиот шампион во АБА лигата.
Претходно, МТВ ги обезбеди правата за пренесување и на натпреварите од ракометната Лига на шампиони што значи дека ќе бидат пренесувани натпреварите на Металург, но и дел од останатите најинтересни натпревари и фајналфор завршницата во Келн.