Прашање што ја дели Турција: Што е Ергенекон?
Ергенекон, сега, во својата четврта година, се прошири надвор од судската и политичката арена и се пренесе и на улица, каде што ги подели луѓето во табори. Илјадниците страници обвиненија, конфискуваното оружје и муниција на тајни локации заедно со бескрајните бранови на апсења - вклучувајќи и воени офицери, политичари, новинари, академици - создадоа идеално бојно поле за војна на теории на заговор.
Поддржувачите на процесот посочуваат на историската традиција на Турција на воени удари и веруваат дека Партијата на правдата и развојот (АКП) требаше да биде соборена, соборувајќи ја турската демократија со уште една воена интервенција. Во оваа верзија, ако организацијата наречена Ергенекон не беше откриена, ќе се случеше еден бран на политички убиства и тероризам, како дел од незаконски заговор кој би го создал потребниот изговор за воена интервенција.
Критичарите на Ергенекон тврдат дека војската не планирала да спроведе воен удар и дека Ергенекон не е ништо друго туку измислен заговор од страна на АКП за да ја угнетува и замолчи опозицијата. Ова гледиште е поткрепено од еден општ страв во кемалистичките кругови дека конзервативната АКП има тајна агенда користејќи такије (исламистичка измама) за да ја претвори Турција во исламистичка држава.
Ергенекон: заговор за државен удар или странски заговор?
Сепак, размислувањето за Ергенекон, како што секоја страна го прави преку црна и бела призма ги занемарува сивите зони кои се релевантни за поцелосно разбирање на случајот. Одговорите на прашањето за тоа што е точно Ергенекон потполно се разликуваат во зависност од тоа кого ќе го прашате.
„Ергенекон е ударното крило на една организација организирана меѓу секуларната заедница, предводена од страна на војниците и судството, кое сака да продолжи со туторскиот режим [и] да изврши државен удар со создавање на социјален хаос преку манипулација ", изјави за SETimes, Етјен Махчупјан, колумнист на весникот Заман кој често пишува за "Ергенекон", додавајќи дека верува дека тековниот случај е од клучно значење за турската демократија.
Жандари го чуваат затворот во кој се чуваат многу осомничени од Ергенекон, додека демонстранти протестираат поради апсењата. [Ројтерс]
„Меѓутоа, кога SETimes го запраша Толга Акалин, адвокат на уапсениот Кемал Керинчиз, осомничен од Ергенекон, тој рече дека „Ергенекон значи Турција да биде усогласена со новиот светски поредок преку законот“. Според Акалин, традициите на Турција пред АКП не беа во склад со актуелниот глобален поредок, кој смета дека поддржувачите на претходниот поредок беа елиминирани од системот со незаконско судење засновано на непостоечка организација. Акалин истакнува дека слични заговори беа започнати во Хрватска, Словенија, Србија, Грузија и Украина, каде. исто така, биле одржани судења засновани на наводни тајни организации кои извршиле убиства.
Ергенекон пред АКП
Истрагата за Ергенекон започна во 2007-та година со конфискација на неколку десетици рачни гранати во една куќарка во Истанбул, но првото споменување на Ергенекон датира од 1996-та година, половина деценија пред основањето на АКП. Новинарите Кан Дундар и Челал Каздагли ги објавија гласините за наводната длабока држава на нивното неделно телевизиско шоу "40 Дакика" (40 минути), каде што името Ергенекон се споменува за прв пат. Тие прашуваа дали урбаниот хаос и тероризмот кои го отворија патот за воениот удар во 1980-та година е всушност еден организиран план. Пензионираниот офицер на воената морнарица и писател, Ерол Мутерчимлер беше интервјуиран во една епизода, како некој кој го истражувал предметот цели 13 години. Тој објаснил како некој член на Ергенекон, турски генерал, му кажал за организацијата за прв пат, опишувајќи ја како „организација над началникот на Генералштабот, владејачките администрации, бирократијата; над сите.
Мутерчимлер рече дека неговата сопствена истрага го довела до заклучок дека членовите на Ергенекон вклучуваат воени и полициски службеници, професори, новинари, бизнисмени и обични луѓе. Тој беше приведен во рамките на истрагата за Ергенекон во 2008-та година, но беше ослободен откако беше испрашан.
Ергенекон како производ на Студената војна?
Она што Мутерчимлер го изјави во интервјуто ја поддржува теоријата дека Ергенекон е едно од неколкуте имиња за длабоката држава уште од Студената војна, како што е „Гладио“ во Италија. Адвокатот Орхан Кемал Ченгиз, раководител на Здружението за човекови права и колумнист во дневните весници Заман и Радикал, исто така, смета дека Ергенекон е најновата инкарнација на длабоката држава.
Тој изјави за SETimes дека „Почнувајќи од 1950-тите години, некои организации биле формирани во сите земји од НАТО против претпоставената инвазија на Советскиот Сојуз. Името на таа организација е Специјален воен оддел во Турција, Гладио во Италија и други имиња во другите земји“. Според Ченгиз, оваа организација во сенка ја измени формацијата во подоцнежните фази и вклучи цивили по 1999-та година. „Тоа е формација на длабоката држава која се обидува да го креира како јавното мислење, така и директната политичка моќ преку манипулација и провокација.
Многу еминенти осомничени се уапсени во случајот. [Ројтерс]
Меѓутоа, Акалин не се согласува со теоријата, тврдејќи дека „Нема длабока држава во Турција, има периодични длабоки формации“. Според него, незаконски сојузи во кои се појавуваат како државни функционери, така и цивили, се случуваат од време на време, но без конзистентност.
Самиот судски процес покренува исто многу прашања како и Ергенекон. Американскиот новинар Дејвид Џадсон, поранешен новинар во Вашингтон за „Ју Ес Еј Тудеј“ и поранешен главен уредник на два турски весници, „Реферанс“ и „Хуријет“, му понуди на SETimes став на еден странец.
На прв поглед, Ергенекон е многу задоцнет напор за да се утврди вистината зад години отворено и прикриено мешање од страна на војската во цивилните работи, потеклото и спроведувањето на "валканата војна" во југоисточниот дел на Турција против сепаратистите, актерите зад стотици, ако не и илјадници вонсудски убиства и убиствата на голем број еминентни активисти и новинари --можно-- убиениот турски ерменски новинар Хрант Динк, убиен пред четири години. Ова е привидната причина за истрагата и строго во однос на потребата за едно општество да се помири со својата историја, со цел да се има правда, тоа е разумен предлог“.
Иако Џадсон верува во Ергенекон, тој не смета дека судењето е на вистинскиот пат. „Голем број апсења без јасни пријави или обвинение, притвори и постојано проширување на надлежноста на обвинителството длабоко се однесуваат, не само на многумина во Турција, туку и набљудувачите на човековите права и демократските влади во Северна Америка и Европа“, рече тој.
Како адвокат, Ченгиз рече дека гледа уште еден проблем со судењето. „Обвинителите ги интегрираа сите тврдењата за државен удар во овој судски процес. Сепак, кога ќе погледнеме во него, ние не можеме лесно да ги видиме врските меѓу сите овие тврдењата за државен удар и организацијата наречена Ергенекон“. Според Ченгиз, ова ги збунува луѓето.
Додека тој тврди дека во најголем дел вистинските луѓе се затворени, поддржувајќи ја неговата теорија со немањето на политички убиства од почетокот на судскиот процес, Ченгиз не верува дека сите наводни акции на тајната хунта што се случија за време владеењето на АКП биле поврзани со Ергенекон.
„Судењето е успешно со своите политички резултати; тоа спречи обиди за државен удар против АКП и сериозно ги исплаши оние кои би се обиделе да извршат државен удар. Но, верувам дека тоа е неуспешно на правна основа поради тоа што не ги испитува конкретните кривични дела на луѓето испратени зад решетки. „Голем број од обвинетите се поврзани со сериозни масовни злосторства од минатото, тврди Ченгиз.
Според Акалин, случајот Ергенекон е се само не законски бидејќи истрагата продолжува заедно со процесот на судско гонење што тој го нарекува “законски скандал“. Според него, случајот нема да дојде до правна завршница. „Едно судење каде истрагата продолжува нема крај“, предупреди тој.
Оваа содржина е овластена за SETimes.com.
Јас го спомнав составот на протестантите " професоре", и не направив никаква споредба на Ататурк и Ердоган, или на секуларниот и незнам кој свирипичински систем " професоре"!
И во иднина " професоре" да знаеш дека од мене си на игнор. " Професоре"......
