Дефинитивно Леголас! Толку ми е инспиративен и фасцинантен, што доколку би живеал во Средната земја, не би сакал да бидам ништо помалку или повеќе од него! Совршен е
Една од најголемите мои замерки кои ги праќам на адреса на Питер Џексон*, е преувеличувањето на улогата на вилениците, во настаните во Третото Доба, околу Војната за Прстенот, секако. Леголас е очигледниот пример за тоа. Иако, во филмот има и пофлагрантни примери.
Пред се мислам на учеството на виленички воени единици во Војната (кај Helm's Deep).
Оваа раса, (ќе искористам толкинов израз) бледнее во Третото Доба. Во ова доба, не може да стане збор за учество во битки, на никакви виленички организирани воени единици. Таа приказна завршила пред многу векови, уште кај Последната Алијанса. Во Третото Доба виленичкиите сили организирано учествуваат во битка, само кога се бранат (на Северот од Мрката Шума и во Лотлориенските судири, што се споменува во книгата).
Леголас е врвот на ова преувеличување, за кое мора да имаме разбирање**. Во суштина, Леголас направи најмалку за каузата, од сите членови на дружината***. Но не и во филмот, каде скока наоколу како мајмун и ја развеселува публиката. Орландо Блум, да не беше филмов, ќе останеше полупознат глумец, со соодветни улоги.
Можеби Леголас е
фасцинантен и инспиративен , што и да се подразбира под овие изрази, кога се користат за него. Тоа е субјективно.
Ама
совршен, не можеш да кажеш.
Во никоја смисла на зборот,
совршен не може да се закачи на еден Синдар, кој никогаш не ја видел Светлината на Дрвјата - во превод значи дека е (генетски, цивилизациски, културно, духовно - стави кој збор сакаш) далеку од високородните виленици, како Глорфиндел, на пример. А па со некој високороден виленик од највисок ранг, како Галадриела - едноставно нема ни споредба. Тоа ти е како да сакаш да споредуваш Т'га за Југ со Шато Камник Тен Барелс. Кај нас има луѓе кои мислат дека Т’га е меѓу најдобрите наши вина. Но тоа е само затоа што никој не пиел друго нешто, како гореспоменатото, на пример. А не затоа што е субјективно - кое е најдоброто вино.
Сепак, ја рaзбирам фасцинираноста на публиката со филмскиот Леголас и вилениците. Тоа и била намерата на П.Џ..Но во светот на Толкин не е баш така.
Едноставно, бордот во Мирамакс заклучил дека не е добро за филмот да нема главна женска улога или пак една фасцинантна раса какви се вилениците да бидат прикажани во реалната состојба во која се наоѓаат кон крајот на Третото Доба. Но тоа е тоа, режисерските филмови почнаа да изумираат со појавувањето на Војната на Ѕвездите, и грубо кажано од тогаш, главниот збор го нема режисерот туку продуцентската куќа.
* чиј што филм ми е број еден на сите времиња
** пошто, е направено од комерцијални причини. самите одговори на публиката на форумов, се прв показател
*** Толкин, "Незавршени Приказни", 502 страна (од српско издание)
