posto na anketava e staven i tito petkovski, me zainteresiraa nekoi negovi stavovi kazani vo predizborieto
За идентитетот
http://nsdp.org.mk/web/index2.php?option=com_content&task=view&id=832&pop=1&page=0&Itemid=334
Фокусирањето на вниманието на проблемите со националниот идентитет и неговото инволвирање во политиката, посебно во предизборен период, креира политичка ситуација во која инструметализирањето на прашањето со идентитетот и неговите мобилизирачки потенцијали, пред се, низ призмата на спорот за името, може да доведе до заобиколување на политичката реалност преку насочување и манипулирање со политичките страсти и емоции.
Во секојдневната политичка употреба на терминот национален идентитет, не се разјаснува прашањето за кој тип национален идентитет станува збор. Дали се мисли за граѓанскиот концепт на идентитетот, втемелен на демос- во смисла на граѓанин на една држава, независно од религиозната, јазичната или културната припадност или пак, станува збор за концептот кој е втемелен на етносот, каде што идентитетот е производ на заедничкото, колективно споделување на еден јазик, на негување и развивање на исти културни практики и обичаи. Реалното политичко искуство во Македонија ни покажува дека нејзиниот нормативен поредок и институции, независно од политичката реторика, се втемелени на етносот. Наместо фаворизирање на индивидуата, на нејзините права и слободи и градење на
граѓанскиот концепт на национален идентитет, како западноевропски концепт на интегрирање на етнокултурните различности, имаме спротивен процес. Но, независно од тоа во политичката реторика на кој тип идентитет се алудира, постојат некои концептуални карактеристики на кој може да се сведе секој идентитет.
Но, идентитетот не може да се сведе на она што сме, на она што сме биле. Тој не е статичен, даден еднаш засекогаш, туку напротив, тој е еволутивен и флуиден, распнат меѓу минатото, сегашноста и иднината, тој дава смисла и вредност на некој однос или збир односи, воден од политичките аспирации (она што сакаме да бидеме) на една нација, тој се менува. Од една страна, тој упатува кон минатото, традицијата, обичаите, културното и историското сеќавање, а од друга страна реферира кон иднината, кон она што сакаме да бидеме.
Европскиот идентитет, како повисок колективен идентитет, нуди интеграција во повисоко единство, кое овозможува и содржи мноштво на различни национални светови.
Кога јазикот на дневната политика се карактеризира со национал-романтичарското навраќање на историските традиции, со претендирање да не „обедини“ преку нагласување на разликите на НАС од ДРУГИОТ и ДРУГИТЕ и нивната наследност може да генерира тешкотии во функционирањето на институциите во согласност со модерните европски институции, кои се втемелени на заедница на еднакви и слободни граѓани. Ова последново во политичкиот контекст на Република Македонија е неприфатливо.
Во теоријата која го третира проблемот на идентитетот, идентификацијата има две значења. Едното е формално, егзактно, но без содржајно, а другото содржајно, но не егзактно. Во првиот случај, идентификацијата значи процес на формално востановување на идентитет, како идентификување на нешто , каде што самиот идентитет е формален, т.е. без внатрешна содржина и смисла.
Низ оваа призма, кога сме кај името на нашата држава, со него само формално се идентификува Македонија, без нешто да се зборува за содржината и суштината на нашиот идентитет, односно за неговиот ентитет. Во другиот случај, идентификацијата ги нагласува антрополошките и социо-културните елементи на идентитетот и претставува процес на негово содржајно воспоставување. Овде се нашите диференцијални карактеристики, овде се јазикот, културата, обичаите, традицијата, тие ја сочинуваат содржината и суштината на нашиот идентитет, тука е црвената линија на компромисот.
znaci spored tito sublimatot koj e karakteristicen za identitetot jazik, tradicija, kultura, obicai moze komotno da se imenuva vo bilo koja forma bidejki tipot osoznal deka povisok koliktiven identitet-evropski e celna destinacija vo problematikata.
ne znam kako moze na nacionalno obelezje da mu dade kosmopolitska odrednica, ali za bivs komunist i ne e za cudenje zasto tie definitivno bea skarani so nacionalno obelezje, vsusnost i negoviov `` evropski identitet `` mi lici na intrnacionala...proleteri od site zemji obedinete se...samo za boravi deka i toj `` evropski identitet `` treba da e konglomerat na
ramnopravni nacionalni identiteti .politicka organizacija kako eu ne e vospostavenost na nacionalni identiteti nego na interesi.
izvor http://nsdp.org.mk/web/index.php?option=com_content&task=view&id=832&Itemid=334