Што ми кажуваше еден мој пријател, како било во Швајцарија. Таму луѓето не одат во казина за да заработат пари, туку за да потрошат. Минимален влез за да влезеш во казино ти било 100 евра, а во тоа ти се платени и пијалоците. Таму луѓето одат да се дружат, да стекнат нови пријателства, да се забавуваат. Тие не одат таму со мислата "Е денес парите ќе ви ги земам, ќе ве затворам" како што е кај нас, таму луѓето одат после работа да се релаксираат после долгиот напорен ден, а башка оние проблематичните луѓе одма ги бркаат од локалот. Таму не те пуштаат да влезеш ако немаш соодветно сако, треба да изгледаш како господин, одма те шутираат на улица ич кур не ги боли. Имало случаеви кога ќе влезе некој по сако, а доле носел некакви спортски патики... џабе го бркаат од казино... А кај нас ако имаш макар 100 денари, си влагаш по папучи во казината, како наголем сељак, а за кладилниците да не збориме. Башка што во секоја кладилница МОРА да седи по еден лихвар, да ги лови жртвите на оние што веќе се заразени од овој тим на "дрога". Вие незнаете колку само луѓе си ги упропастиле животи и животите на своите најблиски, ама не се само тие виновни... тука донекаде паѓа и вината врз семејството/најблиските.... имам видено случаеви каде што скоро 60-70% од играчите по кладилниците се кријат од своите најблиски да не дознаат дека се кладат на големо. Фрлаат дневно по 5-6 илјади денари во локалите, а да не збориме за викендите кога врие од натпревари, сумата оди и преку 10000 денари. Се чудам и си мислам, како можат овие луѓе да се кријат од своите најблиски... значи цело време дремат во кладилница и лупаат пари како ненормални. Ај да речеш за 20, 50, 100 па еве и 500 денари да си лупнал, па да не забележат твоите дома дека ти отишле парите во кладилница... ама еј, како може некој што остава по 5000 денари дневно во локалите, а дома ништо не знаат? Малце ми е глупо тоа, да се нема евиденција врз домашниот буџет. Нормално ова е само првиот чекор кон заразата, а тек потоа следува најлошото кога ќе се задолжиш до немајкаде кај лихварите, потоа ни Господ во бели гаќи не ти помага. Ретки се тие луѓе кои расчистиле со коцката, ама нажалост поголемиот број завршиле трагично.