Контакт од некој колекционер на стар накит и пари ?

[DANI_M]

Ако некој има искуство со продавање на некои стари предмети ( накит и пари ) ве молам информирајте ме. Поздрав

 

[Bibo]

Јас собирам разни монети од цел свет, актуелни и стари (имам некои уникатни кои денес веќе неможат да се најдат), така да ако тоа се рачуна за стари пари може јас спаѓам во групава али незнам колку може да ти помогнам и што точно ти треба...

 

[Eddie_rebel]

Имав порано пријател антиквар и од што се вртев во неговата продавница можам да кажам дека во подобрите случаи ги откупуваше предметите за околу третина од цената за којашто тој после ги продаше. Ама разбирливо е имајќи предвид дека секогаш постои ризик после предметот да не може да го продаде и да му стои во продавница со години. Не е дека сешто би купил, знам многумина враќаше. Ретки се луѓето во ова време кои би фрлале пари по стари предмети.

Ако насетеше дека оној што му ги нуди е очаен или пак дека нема појма што држи во рацете ги земаше и за многу многу помалку. Памтам еднаш купи колекција од марки со класер за не повеќе од 30 евра, а внатре имаше блок марка која сама по себе каталошки вредеше околу 150 евра.

Имаше некои предмети како војнички шлемови (и одредени оружја), за кои нудеше околу две третини (можеби и повеќе) од цената за која после тој ги продаваше, ама за нив знаеше дека туристите ги бараат и дека веднаш ќе ги продаде.

Подобра цена би се извадила доколку директно се продава на некој колекцинер, ама тоа е речиси MI, а и многу има замарање со проценка, со огласи...