дечки, “обичен“ договор заверен кај нотар е секогаш во полза на закупецот. така да другар ти ич да нема гајле, едноставно за да има хатриена трага нека му прати препорачано писмо на закуподавачот дека го раскинува договорот барем 15 дена однапред, или повеќе во случајов и нека си брка работа. је да и идењето кај адвокати нема да биде на одмет, но по мене тоа е непотребно.
П.С. некој ќе ме реплицира во врска со тој “обичен договор“. па “необичен“ е кога е со солемизација, односно со извршна клаузула. јас имам таков направено со закупецот. Солемизацијата ги дава обврските и правата и на закупецот и на закуподавачот. сите се заштитени од несакани дејствија
ДОГОВОР ЗА ЗАКУП
Склучен на ден 14.12.2012 година
Помеѓу:
1)
XYZ од Скопје со ул.????? бр.??, ЕМБГ ??????? i бр лк ???? , во понатамошниот текст
закуподавач и
2)
XYZ од Скопје со адреса ул. ?????? бр.??? со ЕМБГ ????????, со бр. на л.к. во понатамошен текст
закупец.
Член 1
Предмет на овој договор за закуп е издавање на недвижен имот-наместен стан во Скопје на ул. ?????? устроен на КП ??? згр. бр.? вл.???, кат ??, број ??? запишан во Имотен лист бр.??? за КО ???, во површина од ??м2.
Член 2
Закуподавачот му го издава просторот опишан во член 1 од овој договор на закупецот за период од 12 (дванаесет) месеци, почнувајќи од ??Јуни 2012 година до 31 Мај2013 година со можност за продолжување со Анекс Договор со најава од 30 (триесет) дена однапред.
Член 3
Месечна закупнина изнаесува
???? денари
Начин на плаќање:
Закупнината закупецот ќе ја плаќа месец за месец, од 03
ти до 08
ми за тековниот месец.
Сметките за струја, вода, кабловска телевизија и интернет ќе ги подмирува закупецот и истите ќе треба да ги даде на увид на закуподавачот до 23
ти за претходниот месец.
Член 4
На денешен ден закупецот ќе исплати сума од
???? денари во готовина на име
депозит, кој ќе се врати на закупецот по предавање на станот во исправна и исплатена сметковна состојба, а сумата од
????денари на име месечна кирија за периодот од ???.2012 година ќе ја плати на денот на вселувањето.
Член 5
Закупецот нема право да го издава објектот во подзакуп и истотака нема право да ја менува употребата и структурата на станот.
Член 6
Закуподавачот се обврзува:
· Да ги отстрани сите дефекти кои произлегуваат од дотраеност или не се последица на несовесно дејствување на закупецот;
· Да го предаде недвижниот имот во чиста и исправна состојба;
· Доколку сака да го посети за контрола недвижниот имот должен е тоа да го усогласи 24 часа однапред;
Член 7
Закупецот се обврзува:
· Просторот да го користи со внимание на добар домаќин;
· Изнајмениот недвижен имот да го врати во состојбата во која го примил, освен нормалните трошоци на амортизација;
· Да ги надокнади штетите во станот настанати како резултат на небрежно однесување;
· Закупецот е должен да го врати станот чист и во исправна состојба.
· Закупецот е должен да плати половина од нотарската такса за заверка на документов;
Член 8
Во случај на оштетување на објектот предизвикано од закупецот, истиот е должен да изврши поправка, или доколку е тоа невозможно да изврши замена.
Член 9
Во случај на оштетување на станот предизвикани од амортизација, дотраеност, лош квалитет или дефект на водоводната или електричната инсталација, кои не се предизвикани од страна на закупецот, трошоците на поправка или замена ги сноси закуподавачот.
Член 10
Закуподавачот поседува право да го прекине договорот доколку закупецот не се придржува кон своите обврски кон договорот или додека го користи станот, истиот не го чува и го оштетува, не ги плаќа сметките до додговорениот датум или не ја плаќа закупнината во согласност со условите на договорот. Во тој случај закуподавачот ја има слободата да донесе еднострана одлука за иселување на закупецот, и притоа на истиот да му ја наплати штетата.
Член 11
(извршна клаузула)
Доколку закупецот не ја подмирува закупнината согласно роковите од чл.3 од овој договор, закуподавачот има право еднострано да го раскине договорот во рок од 15 дена од паѓањето во задоцнување на закупецот, за кое нешто закуподавецот ќе го извести закупецот на адреса од предметниот стан со препорачана пошта.
Закупецот е должен во рок од три дена од приемот на известувањето за раскинување на договорот, да го испразни од лица и ствари предметниот стан и во целост да му ги подмири на закуподавецот задоцнетата закупнина, комуналните трошоци и предизвиканата штета.
Согласно член 43 од Законот за нотаријат странките изрично се согласуваат да му дадат на овој договор својство на извршна исправа и истиот да претставува извршен наслов врз основа на кој закуподавецот ќе може да поведе извршна постапка против закупецот за исселување од предметниот стан, наплата на задоцнетата закупнина и задоцнетите комуналните трошоци сметано до моментот на исселувањето на закупецот од предметниот стан.
Извршноста на овој договор настапува со давањето на изјава од страна на закуподавачот дека закупецот не го испразнил од лица и ствари предметниот стан во рокот од три дена од денот на приемот на известувањето за раскинувањето на договорот, дека не ја платил закупнината најдоцна до 21
ви за тековниот месец и дека не ги подмирил комуналните трошоци до крајот на тековниот месец во кој истите се доставени за наплата.
Член 12
За сé друго што не е регулирано со овој договор важат одредбите од законот за облигациони односи.
Член 13
Овој договор за закуп е составен во 3 (три) еднакви примероци, по еден примерок за договорените страни и третиот за нотарот.
Член 14
Закуподавачот и закупецот го задржуваат правото да го раскинат овој договор, со претходно известување со отказен рок од 30 (триесет) дена.
Член 15
Во знак на согласност договорените страни го потпишуваат овој договор при чиста совест, здрав разум, не присилувани од никого и самоволно.
Член 16
Секој спор во врска со реализацијата на правата и обврските на договорените страни кои произлегуваат од овој договор за закуп, истите ке се обидат да го решат спогодбено во духот на добрите деловни обичаи, во спротивно надлежен ќе биде Основниот Суд во Скопје.
Закуподавач: Закупец:
