Се надевам дека Македонците не се откажале, бидејќи целото тоа бугарско писмо, со своите неосновани и нелогични тврдења, не успева да обезбеди ниту една конкретна и валидна причина за отфрлање на предлогот. Сè е рекла-казала. За секоја реченица кои бугарите ги напишале во писмото, постојат безброј документи што ги докажуваат нивните лаги, и тоа директно од архивите на американската влада. Ова е затоа што Америка е присутна тука веќе 200 години.
Понатаму, постоењето на оваа организација, „Потомци на бегалци од Северна Македонија“, е од сомнителен карактер. Тројцата потписници на писмото, вклучувајќи го и проф. Трендафил Митев, се истите и познати пропагандисти кои активно шират навреди и невистини за македонскиот народ веќе три децении. Тие објавуваат книги и често се појавуваат на бугарската телевизија, каде што ги навредуваат Македонците. Ниту еднаш во нивните објавени дела или телевизиски настапи не ја споменале оваа организација. Дополнително, оваа организација нема ниту веб-страница, ниту сцијална мрежа или Фејсбук профил, што ја доведува во прашање нејзината легитимност, особено бидејќи тврди дека има 400,000 членови. Нема информации за целите на организацијата, што сака да постигне или како може да се донираат средства.
Дигитализацијата на архивите што започна пред неколку години во САД, Велика Британија, Грција и Русија, испумпа богатство на документи и информации во корист на Македонија што претходно беа непознати или недостапни. Не е чудно што авторите на ова писмо напишале такви изјави во писмото што се сосема различни од нивните претходни изјави и тврдења, наведувајќи различни датуми, личности и бројки. На пример, во неговите книги од 1999 и 2005 година, Трендафил тврди дека Македонците биле создадени од Тито и комунистичка Југославија во 1945 година. Сепак, во ова писмо, тој за првпат ги споменува Советскиот Сојуз и комунистичка Бугарија, и ја наведува 1934 година како годината на создавање на Македонците.
ОВА Е МНОГУ БИТНО:
1, Фактот дека Бугарија не е во право е многу пати докажано во Меѓународниот Суд за Човекови права. Сите Македонци кои ја тужеле до сега Бугарија, сите го добиле случајот, а Бугарија во сите од нив прогласена за виновна. Еден од нив е и случајот на Станков и ОМО Илинден против Бугарската држава. Линк: овде
2, Нивното писмо е полно со навреди и содржи најлоши можни карактеризации за Македонија, но не успева да понуди ниту една валидна причина за одбивање на предлогот. Слично како на пример, ако Франција и Италија се расправаат дали пицата е италијански специјалитет или француски, и после Франција почнува со навредувачки тон да ја обвинува Италија дека биле фашисти и Мусолини убил безброј луѓе. Оваа изјава на Франција нема врска со тоа чија е пицата, а најмалку дека е француска. Исто и ова писмо на бугарите, епитетите дека македонците се србо-македонци и титови комуности, немаат никаква врска со оваа декларација, не се никаково објаснување и не дава одговор на прашањето зошто барањето на македонците треба да се одбие, а зошто пак бугарското да се прифати.
3. Прославата се однесува на Македонско-Американското пријателство во целиот период од Илинденското Востание до денес. Бугарското писмо тврди дека оваа декларација за Македонско-Американското пријателство задира во бугарското социо-културно наследство, бидејќи и таа и Грција имаат право што се однесува на регионот Македонија. Оваа нивна изјава е неоснована бидејќи декларацијата не се однесува за прослава на географскиот регион Македонија, туку на сојузништвото помеѓу македонскиот и американскиот народ во последните 125 години. Бугарите не се дел од ова, па дури и да сакаат да направат нешто слично и посебно, тие немаат основа за тоа, бидејќи во текот на овие последниве 125 години, особено во најтешките моменти за САД, како во Првата и Втората Светска Војна и Студената Војна, Бугарија секогаш доброволно ја заземаше непријателската страна на САД и војуваше против неа, нејзините интереси и нејзините западноевропски сојузници. Нема ниту еден дел од нејзината историја каде Бугарија може да се пофали дека некогаш била сојузник на САД, па сега се обидува тоа постигнување на Македонците да го претстави како свое - бугарско, а во спротивно ако не успее, тогаш се обидува да го оспори, со тезата, која веќе и не и работи, а тоа е дека не постојат македонци. Му доаѓа некако како: “ ...или славеникот ќе биде Бугарија или никој...“
4. Во Втората Светска Војна, на 13 Декември 1941 година Бугарија официјално и објави војна на САД и Велика Британија и се приклучи на страната на Хитлер, каде што ја спроведуваше нацистичката идеологија врз Македонците и изврши невидени злосторства против човештвото, вклучувајќи го и холокаустот, каде што Бугарите ги депортираа сите македонски Евреи во концентрационите логори на смртта. Бугарија изврши нечуени злосторства за кои никогаш не беше казнета, ниту пак до денес се има извинато. Овие информации се изоставени во ноивното писмо. Ги заборавиле или не ги знаат?
5. За разлика од Бугарите кои официјално се прогласија за непријатели на САД во таа војна, Македонците и во Америка и во С Македонија застанаа на страната на САД како нивни сојузници. Еве неколку документи од архивата на САД, каде во 1940 година, Македонците во САД се приклучуваат во Американската војска. Македонците беа сојузници на Американците и се бореа рамо до рамо против непријателите на САД. И тоа е суштината на оваа декларација, прослава на сојузништвото и придонесот на Македонците во развојот и одбраната на Американското опшество, каде што непријателството на Бугарија кон САД во таа и другите војни не е за славење. Овие документи исто така ја докажуваат нивната лага во тврдењето дека во 1945 година Тито и комунистичка Југославија вештачки ги создаде “Македонците“. За контраст, подоле се закачени две слики: една од американски весник, друга од веб-страницата на Американската Амбасада во Софија, кои покажуваат дека Бугарија и објавила војна на САД. Тоа се едни од најглавните карактеристики, размислување и менталитет по кои се разликуваат Македонците од Бугарите, бидејќи нацистичката идеологија меѓу бугарскиот народ денеска е најизразена од било кога. Софија е преплавен од наци графити. Еве некулку слики од различни делови од Софија.
6. Веднаш по завршувањето на Втората Светска Војна, Бугарија се приклучи на страната на Русија и Сталин во Студената Војна против САД и беше еден од основачите на Варшавскиот Пакт, кој беше специјално создаден против САД. Како дел од таа војна, Бугарија половина век (1945-1991) учествуваше во пропаганди и ширеше непријателство против САД и беше членка на тој пакт до последната милисекунда од неговото постоење. Бугарија израсна неколку генерации под таа пропаганда, вклучувајќи ги и овие тројца потписници на тоа писмо. И овие информации недостасуваат во нивното писмо, а се многу важни, кога ќе земеш во предид се тоа што напишале.
7. Гробиштата на англиските и француските војници во Македонија (Калето во Скопје, Битола, Дојран), кои во текот на Првата Светска Војна херојски се бореа и ги агубија животите за да ја ослободат Македонија од бугарскиот окупатор, сведочат за сојузништвото кое Македонскиот народ го има со Америка и нејзините западни сојузници.
ЗАКЛУЧОК:
Точно е дека Бугарија е дел Македонската историја, ама тој дел се однесува на непријателската и губитничката страна. Додека оваа декларација се однесува помеѓу оние кои беа сојузници и победници, а тоа се Американците и Македонците, а не Бугарите. Кога некој не те кани на роденден и гледаш не ти отвара врата, ти намерно и упорно ѕвониш и тропаш со намера да замараш и да да уништиш забава.
ОРГАНИЗАЦИЈАТА:
Тврдат дека се потомци на бегалците од Северна Македонија и дека кога Тито дошол на власт, си ги спасиле своите животи пребегувајќи во Бугарија.
Прва работа: Бегањето во Бугарија, во земјата која беше комунистички уште пострашна, е периодот точно кога Сталин се уште бил жив и ја имал Бугарија под своја власт. Со други зборови, бугарите во тоа писмо им кажуваат на американските политичари дека Сталин ги спасил/бил спасител и ги заштитил нивните човекови права и слободи од демонот Тито (во писмото го нарекуваат Диктаторот). Кој нормален би пребегал кон Сталин и да бара Сталин да му ги заштити неговите човекови права и слобода (или да тврди дека Сталин му ги заптитил неговите човекови права)?
Втора работа: Бидејќи познавам неколку фамилии Бугари во Скопје, кои со генерации живеат во Скопје, и никогаш немале проблем ниту биле гонети од ниедна власт, останува заклучокот дека овие таканаречени бегалци се всушност оние Бугари - бегалци кои учествувале во грабежите и масакрите и/или го помагале депортирањето на Македонските Евреи за време на Бугарската окупација на Македонија. Кога веќе станало јасно дека Хитлер ќе ја изгуби војната, овие Бугари, плашејќи се од мислата дека треба да се соочат со лицето на правдата и фактот дека ќе треба да одговараат за своите злодела, се одлучиле на бегство. Потсети се: 11 илјади депортирани Евреи од Македонија никогаш не се вратија. Испарија како водена пареа од зовриена вода. До сега никој не одговарал за ова злосторство. Епа кој ќе одговара, кога сите пребегале во Бугарија!
Инаку, слично такво писмо имаат пратено и до претседателот на Хрватска и претседатлот на Словенија, со клевети против Македонците. А друго писмо пратиле и до Албанските политички партии во Македонија, раскажувајќи им на албанците како бугарите и албанците биле сојузници во минатото против србите, потикнувајќи ги и давајќи им подршка да се креваат и сега на бунтови против македонците-титови комунисти.
Да не замарам многу, зошто вака можам до бескрај за бугарските лаги и пропаганди. Или да пратам писма таму каде што бугарите го пратиле тоа нивно писмо и да ги разобличам сите нивни лаги, кои иначе не се ни многу, ниту јаки. Да се претставам како “Друштво на избеганите Македонци од окупираниот дел на Македонија кој се уште е под Бугарска окупација“ со број на членови околу пола милион. Или “Друштво од духовите на Македонските Евреи кои во гасните комори беа убиени од рацете на бугарскиот народ“.
Еве една анализа од 1918 година од американски експерт кој дава точна анализа на карактерот на Бугарија и препорака до властите во САД како да ја казнат Бугарија за нејзиното нечовечко однесување во таа (Првата Светска) војна. Опишаниот карактер е истиот кој и денес го има.
New York Tribune, Октомври 13, 1918 г.
Во одлучувањето на иднината на Бугарија, сетете се на нејзиното минато - од Е.М. Чедвик
Нејзините зделки секогаш биле дволични
Нејзините зделки секогаш биле дволични
Основната точка што мора да се има предвид во секој обид да се разбере или да се справи со Бугарија е дека таа не признава никаков морален закон за нациите и дека нејзиниот единствен водечки принцип е нејзиниот сопствен материјален интерес.
Како што штотуку ги предаде Централните сили на првиот здив на поразот, така сигурно ќе не предаде и нас кога ќе смета дека е во нејзин интерес. Единствениот начин да ја држиме надвор од неволји е да ја разоружиме и да преземеме контрола над секое средство преку кое може да ни наштети.
Навистина, некултурен дух владее во Бугарија. Понекогаш се искушуваме да се прашаме дали таа некогаш може да се цивилизира самата. „Вредностите“ на штедливост и индустрија, кои про-бугарите толку гласно ги тврдат за неа, не се доказ за цивилизација, бидејќи се ограничени на чисто материјалнa благосостојба и се одделени од сите оние идеални аспирации кои единствено ја осветуваат и штедливоста и индустријата. Бугарите малку се промениле од времето кога кинески историчар пишувал за нивните хунски предци во предхристијански времиња: „Кога имаат предност, напредуваат; кога немаат предност, се повлекуваат; не се срамат да бегаат, а кога ја задржуваат предноста,тогаш тие не признаваат ни обичај, ни правда... Тие ја почитуваат силата и енергијата; ја презираат староста и слабоста.
Бугарите со оружје во рака претставуваат најголема закана за цивилизацијата. За нашата безбедност, а особено за безбедноста на нашите верни балкански сојузници, кои се бореа толку херојски во долгиов конфликт со многу малку поддршка, не можеме да имаме доверба во Бугарија. Никогаш не било можно, а оние кои се обиделе, платиле висока цена за експериментот. Историјата на Бугарија е полна со прекршени договори, предавства, неблагодарности и лаги. Никогаш големите сили не вложиле повеќе напори за мала нација отколку за Бугарија, но нема ниту една од нив чија рака таа не ја 'каснала' порано или подоцна.
Лукавото патување на пропагандата
Фактот дека улогите на Бугарија во врска со нејзиното минатото обично се занемаруваат или забораваат, тоа не ја намалува нивната важност. Тоа е само резултат на бугарската активност во други насоки. Во својата пропагандна работа, Бугарите покажаа нешто што приближува на генијалност. Многу од извонредните заблуди што сè уште постојат овде (во Америка) во врска со однесувањето на Бугарија, не само во минатите времиња, туку и за време на оваа војна (Првата Светска), и уште повеќе за време на балканските војни од 1912-'13 година, се должат целосно на ефикасноста на нејзината пропаганда.
Искористи човек, па прободи го во грб
Исмејување
Во претстојните месеци, може да биде корисно да се потсетите како Бугарија се однесуваше со своите пријатели. Бугарија го должи своето постоење на Русија, и додека можеше да извлече корист од тоа, ја истакнуваше својата (иако мала) словенска крв да ги придобие руските симпатии. Откако ја искористи Русија за да го обезбеди своето ослободување од Турција и реши дека во иднина повеќе корист може да добие од тевтонски, отколку од словенски сојуз, таа ја отфрли целата словенска врска и се сврте кон Австро-Унгарија. Нејзиниот изговор беше стравот дека Русија ќе ја апсорбира на патот кон Константинопол. Факт е дека, иако Русија во минатото работеше на воспоставување на словенско влијание на Балканот наспроти австриското, таа постојано ја третираше Бугарија подобро од другите словенски држави. Ако требаше да се жртвува една балканска држава за предноста на друга, секогаш Бугарија излегуваше најдобро кога Русија можеше да го направи тоа. Бугарија, навистина, ѝ должи на Русија многу повеќе од својата обична слобода; но во раните денови на нејзиното учество во оваа војна, бугарските весници во Софија беа преполни со груби и невкусни шеги кои ја исмејуваа реакцијата на Русите кога дознаа дека Бугарија им го свртила грбот и се приклучила на страната на Австро-Унгарија.
На ист начин, таа се сврте и против Англија, без оглед на огромните напори на Гладстон во нејзина корист и огромната количина на помош, симпатии и поддршка од секакви видови што ги доби од Англија и Британците. Дури и антибританската насоченост на германскиот печат бледнее кога ќе се спореди со навредите фрлени од Бугарија на Британците. Франција, исто така, доби дел од бугарските навреди и исмејувања, и покрај нејзината долга пријателска врска со Бугарија; и покрај нејзините повторени напори да ја подобри мизерната состојба на Бугарите во деновите на турското владеење.
Најмалку што можеме да направиме за да им помогнеме е јасно да покажеме дека нивниот поглед на светот е неподнослив во оваа фаза на развојот на светот.
Немезис, во најсоодветна форма, конечно ја зафати Бугарија и ја предаде нејзината судбина во рацете на сојузниците. За безбедноста на сето што го држиме свето, да се сетиме на минатото на Бугарија при одлучувањето за нејзината иднина.
