Најпрво, да си ја претставам опремата за тренинг, од марката Speedo, иако понекогаш знам да си купам нешто и од Arena или од TYR. На тренинг носам едноделни купачи, отпорни на хлор, со помалку ликра затоа што ако земам од "нормалните", за месец дена ќе ми се распаднат од хлорот во базен.
Еве отприлика како изгледаат:
Потоа капа и наочари не гледам некоја разлика од тие што ги носам на тренинг и од тие што ги носам на натпревар, единствено можеби бојата е во прашање кај капата, а кај наочарите и дизајнот малку. За тренинг носам црно капче, а наочари со оглед на фактот дека пливам во слабо осветлен базен, најчесто проѕирни, овие ми се омилени:
Ги менувам црни и проѕирни, како кога.
Пераи:
Ама црни со бело
Лопатки:
Наместо темносино, со сиво се
И отпорник кој дојде во пакет со лопатките:
Како и даска за потпирање на рацете, кога ги вежбам само нозете:
Натпревар
Е за натпревар приказната е друга.
Морам да изгледам достојно, поготово ако имам репрезентативен натпревар. Ги имам двата костима, и тој на Иан Торп (Jetconcept) и LZR Racer кој го имам од април некаде годинава. Иако Рејсерот е понов модел, уште го користам и Jetconcept, затоа што е навистина одлично изработен, во пределот кај ребрата и половината има залистоци кои не дозволуваат водата да оди на грбот, туку по страните на телото.
Jetconcept
LZR Racer
Капа користам црна, стандардна, само што таа за натпревари го има моето презиме и македонското знаме. Наочарите се слични како тие за тренинг, иако некогаш за спринтови го користам и Swedish моделот, кој нема гумички на краевите од рамките на очилата, туку кожата се лепи директно на пластиката, што ги прави овие очила повеќе за спринтови, затоа што ако бидат носени подолго време, ќе направат многу големи модрици на очите
Swedish
И, сега за сега, делот од опремата кој едвај го чекав да излезе во комерцијална продажба:
Speedo Aquabeat
Со ова чудо може да се слуша музика под вода, така да ќе ми се најде за маратони колку толку да ми го одвлече вниманието од болката на мускулите, или па за некој подолг тренинг. Го нарачав од страницата на Спидо, едвај чекам да ми стигне
. Вакво, ама црно со бело, не жолто.
Лесно е за вашите спортови што опремата ја имате во доста продавници низ земјава, а мојата опрема или ја нема, или па тука е премногу скапа. За истите пари што го купив LZR Racer, во една наша продавница за спортска опрема ми бараа толку за еден глуп синтетички костим кој не може ни да му припари на овој. Така да, најчесто купувам од странство кога одам на натпревари или па од нет(тоа поретко).
