Моето искуство со Cudy WR3000 AX3000 Mesh Wi-Fi 6 после 3 недели користење:
Имам купено 3 парчиња, моментално ги користам вака:
Спрат 2 → главен рутер (Mesh Master)
Спрат 1 → поврзан со кабел
Спрат 3 → Mesh преку Wi-Fi (без кабел)
Интернет 200 mbit и околу 20 уреди поврзани: 2 компјутери, 2 4К телевизори, мобилни телефони, машина за перење, сушење алишта, клима уреди, топлинска пумпа и доста Shelly уреди (сензори за мерење струја, температура, следење потрошувачка и слично.
Посебно ме изненади Mesh точката на 3-ти спрат каде што имам 4К телевизор директно поврзан (Wi-Fi) → Netflix HDR, YouTube 4K, без никакви проблеми.
Сакав да земам Asus ZenWiFi Mesh систем, но кај нас не се баш достапни по продавници, особено поновите модели. Не сум фан на "евтино по секоја цена", ова беше само еден тест проект што многу позитивно ме изненади.
План ми беше ако не се покажат добро да ги ставам во викенд куќата за CCTV камери. Ама за сега остануваат дома.
3 недели работа → ниту едно рестартирање, ниту еден проблем.
Софтвер едноставен, ама доволен. За цена од 45€ по парче — навистина топ опција за тие што сакаат Mesh мрежа без да дадат многу пари.
Ќе видиме како ќе се однесуваат на подолг рок, ама за сега само позитивно искуство.
Се надевам дека некому ќе му користи инфото.