Не е вест: Министерството за одбрана на Русија ќе тестира нова електромеханичка нечујна пушка со перформанси далеку подобри од оние на снајперот. Вест: Инвентор на оружјето е дете од осмо одделение.
На 15-годишниот Максим Котелников од градот Уфа, му била потребна цела година за да го направи оружјето а идејата ја добил од ТВ емисија посветена на употребата на слични пушки во САД и Кореа. Како основа за пронајдокот, искористил скршена играчка од негов пријател.
Пушката тежи речиси шест килограми, работи исклучиво на струја и испукува специјални куршуми кои претходно мора да бидат магнетизирани.
“Уникатна е затоа што е нечујна. Истрелот не произведува пламен и не предизвикува удар. Ниту еден снајпер нема такви карактеристики. Дијзанирав сопствен систем, кој го нареков ‘Нуклеус’”, објаснува момчето.
Откако својот пронајдок му го покажал на наставникот по физика, бил испратен во Санкт Петербург на форумот “Млади руски интелектуалци”. Таму освоил прво место и добил специјална покана за пракса во Министерството за одбрана, од каде му побарале дозвола за тестирање.
Доколку тестот се покаже успешен, голема е веројатноста електромагнетскиот снајпер да почне сериски да се произведува за потребите на руската армија.
Ако навистина се покаже како успешно "оружјево" браво за детето!
Извор:
On Net
