Има асфалтен пат.Дали знае некој да ми каже како се стигнува до езерото Козјак од Скопје ? Дали постои пат до таму и колку км е далеку ? Фала однапред
Ако си бил до Марков манастир, тоа е истиот пат (за Маркова Сушица вртиш лево, а за Козјак продолжуваш право.
Ако не си бил, тогаш тргни кон Драчево и пред мостот, пред самиот влез во населбата, сврти десно.
Има вкупно околу 30-35 километри.Не знам дали функционира патот преку Сопиште-Соње-Света Петка...
Инаку, во околината на Скопје - Патишка Река. Многу живописно селце, со многу викендички, сместени во кањонот на истоимената река. Во близината е Базгунската пештера, а во позадина во секое време се гледа Солунска глава. Се стигнува по истиот пат како за на езерото Козјак, со тоа што се скршнува лево неколку километри пред браната (има патокази).
За жал, во Патишка река нема ресторани, но кога јас бев таму последен пат, сопствениците на викендичките беа исклучително гостољубиви и ни понудија место за подготовка на скара/ручек.
Не знам дали сеуште постои планинарскиот дом Китка, мислам дека го запалија 2002/03?
Инаку, местото е фантастично - се стигнува по шумска патека од селото Горно Количани (дотаму се стигнува со автобус на ЈСП). Кога јас ја одев оваа патека, тоа беше во склоп на еден меморијален марш, ова време од годината отприлика.
За други места во Македонија: Во Брајчино не сум бил одмана, ама последниот пат бевме поголема група, сред лето. Бидејќи бевме прилично расположени, знаевме да напраиме по некоја седенка, а и да им исполниме по некоја музичка желба на иселенците дојдени на одмор.Цело време пиевме на туѓа сметка (од што инсистиираа да не` почестат, а и да се наддаваат еден со друг - еден повратник од Америка, друг од Австралија, трет од не-знам-каде)
На крајот на селото има традиционален македонски ресторан со домашни специјалитети - одличен избор.
До Големо Езеро на Пелистер од Брајчино се стигнува после 5-6 часа пешачење, кое вреди за сите очи.
После спиење во планинарскиот дом (пожелно е да се резервира), вреди човек да се симне до Нижеполе и потоа до Дихово кај Перо (и порано сме го спомнувале на форумов).
Доста е како за „од прва“.