Ме "фасцинираат" размислувањата, ќе продавале органи, 65 годишни педофили, во кој мафијашки морбиден филм сте влегле!
Во принцип, не се согласувам со тоа да треба да потпишеш дека не сакаш, обично оди обратно, но нашиов менталитет е чуден, па никој не би се откажал од нешто свое иако не може да му користи после смртта.
Прво, законот не може да е само за тоа дека ако умреш ти ги разграбуваат органите. Сигурно има одредби и за тоа кој ќе ги добива, како ќе функционира тоа и сл.
Не се филмајте дека органите ќе се купуваат и продаваат како пипер во септември. Постојат правила кои мора да се следат инаку нема да постои воопшто програма за трансплантација во Македонија. Докторите и здравството, колку и да се корумпирани, не смеат да прават малверзации со трансплантација на органи, инаку ќе бидат јавно распнати, со уништена кариера и во затвор. Верувајте, за другите работи може не е така, ама за трансплантација постојат СТРОГИ правила кои се на меѓународно ниво и МОРА да се почитуваат, во спротивно програмата се затвара и луѓе умираат чекајќи да им се одобрат трансплантации во странство. За Македонија да учествува во тие меѓународни програми за трансплантација, мора да има и локална база на донори. Наједноставно претставено би дошло како размена на органи на меѓународно ниво. Не "траат" органите по пола саат-саат и не се прави тоа така филмски како што очигледно имате стекнато впечаток (веројатно од House и Grey's anatomy). За да може ние во Македонија да повлечеме орган од странство, мора да постои можност да и странските бази потенцијално добијат орган од тука. Морбидно звучи, ама така функционира. Едно што ретко кој би сје*ал меѓународна програма, а друго што едноставно не може да си го земат бубрегот во фриго ќесичка и да го прошверцаат скриен во гаќи.
Мислите така се продаваат органи. Така само во Индија, а сепак, ние сме на маааалце повисоко ниво од Индија.
Патем, јас ниту сум 65 годишен богат педофил, ниту корумпирав некој, ниту моите се припадници на Рокфелер лозата, па бев ставена регуларно на листа и еве ме сега. Исто така, познавам уште неколку луѓе за чија трансплантација ниту беше некој убиен, ниту "купија" органи.
На се' мора да се исплука, што мрчало народ ќе бевме. Излезете од Бал-кан-кан филмот, не е толку лесно да се продаде орган и да се изманипулира целиот систем, а и не сум слушнала некој да се разбудил без еден бубрег и со чуден рез на грбот.