Денеска имало јавна расправа за Предлог-законот за изменување на Законот за заштита од пушењето.
Пратеникот Томислав Тунтев образложувајќи го предлогот нагласи дека целта е бришење на дел од еден став од законот кој го дефинира просторот надвор од угостителскиот објект и дека воопшто не станува збор за дозволување на пушењето таму каде што е забрането или ускратување на правата на непушачите, ниту за легализација на диви објекти.
Сите да имат исти услови, односно делот што е надвор од објектот, делот што е тераса, летна бавча, што е дефиниран дека мора да биде отворен од три страни и покриен или затворен од три страни или откриен, пушењето каде што и сега е дозволено, да не зависи од моменталните метеоролошки услови, рече Тунтев.
Мене болдиранава реченица ме буни, дали тоа значи дека голем број на кафичи и барови за храна ќе мораат да ја остранат едната страна од заштитната церада?
Затоа што во поголемиот број на кафичи, зимно време терасите се целосно затворени со најлонски церади и внатре е пушница.
Еве дел од ставовите од јавната расправа:
Д-р Елена Ќосевска од Институтот за јавно здравје која е вклучена во изработката на повеќе студии на СЗО за употребата на тутунот кај тинејџери од 13 до 15 години, рече дека во изминатите години кај младите се бележи значително намалување на пушењето.
– Не можеме да поддржиме нешто што можеби во иднина ќе се одрази неповолно на резултатите што досега ги имаме постигнато кај децата, затоа што сметаме прогресивно дека тие деца ќе пораснат. Ако ние продолжиме добро со овој тренд за непушачи кај деца, тие ќе продолжат да бидат непушачи како возрасни, рече Ќосевска.
Од здруженијата за респираторни заболувања посочија дека 15 различни болести и десет видови канцер се поврзуваат со пушењето и дека лекувањето на пациентите е поголем товар за буџетот отколку превенцијата. Укажаа на опасноста од терцијарното пасивно пушење односно дека подеднакво штетни се и честичките од чадот на нивната облека додека поминуваат во просторија каде што се пуши.
Кардиологот Јорго Костов рече дека законот не треба да се либерализа, туку да се надгради за целосно одвикнување од пушење.
– Со овој предлог се подотовора вратата за потоа да има друг чекор назад. Затоа сум за нулта толеранција. Кога му е загрозен животот од акутен инфаркт, тој веќе не мисли во каква тенда ќе седне, туку веднаш ги остава цигарите, рече Костов.
Угостителите нормално ги интересира бизнисот, а здравјето не ги интересира доколку и на клиентите не им е битно.
Целиот текст може да се прочита
тука.