Темава е мислам вистинското место за информација како оваа:
Македонската алпинистичка федерација ги поканува сите свои членови на традиционалниот меморијален алпинистички собир „Македонски алпинистички великани“, кој ќе се одржи за време на викендот 10-ти/11-ти мај во кањонот Матка.
Во исто време МАФ упатува и јавен повик до сите заинтересирани (планинари, рекреативци...) коисамо сакаат да пробаат да качуваат, кои сакаат да почнат да работат алпинизам, кои сакаат да научат да бидат самостојни и безбедни во планините и да ги научат алпинистичките техники од искусни алпинисти и инструктори, дека во текот на овој Меморијал, на 11-ти мај (Недела), МАФ ќе организира „отворен ден“ во текот на кој сите заинтересирани ќе добијат соодветно основно запознавање со алпинистичката опрема и основните техники на качување на карпа, а потоа ќе можат да продолжат со алпинистичка обука во еден од алпинистичките клубови, членови на МАФ.
Официјалниот почеток на програмите ќе биде во 8 часот наутро на 10-ти и 11-ти мај, во дворот на манастирот Св. Никола. Отворениот ден ќе започне во 10 часот на 11-ти мај.
Така да кој сака да проба качување на карпа, нека повели во недела 11 мај во 10 часот.
