Се мислам и се согласувам со себе, дека летово ќе се трудам да ја остварам дамнешната желба за една севкупна пелистерска турнеја: има да фатам од Лавци, на Неолица, па преку Скрково и Орлови Бари на Големо Езеро, кај шо е небото посеано со ѕвезди, има да се искапам стопати во тоа окото, па после до антена, па до Копанки, па Јоргов Камен... може и до Гопеш да се оди ако постои расположение, и за крај, the ultimate tour: Копанки - Брајчино....
пак ќе се вљубам во неа и таа во мене и после, и после.... ќе го прелетам и Преспанско, ќе ја допрам и Галичица и ќе нурнам во Охридско, како во мислите што си нурнува чоек, како во себе.... во мисливе од убаини, оти така оди тоа, времето запира и целиот простор (ако постои веќе) се исполнува - со љубов, со убави мисли, слободни мисли, јазици модри од боровинки и треперливи утроби - од убаини....
Каков план сум си стокмил.....
