Драга...
... моментално учам за Наполеон, а утре полагам колоквиум, па затоа сум „у фазону“ да пишувам за него. Најголема негова доблест била што секогаш се опкружувал со способни лица. Значи не му било битно на каква политичка идеологија припаѓале, дали се противеле на неговиот режим, дали биле левица или десница, битно му било за сите важни позиции да има квалитетен кадар, кадар со кој ќе се советува. Луѓе кои ќе му кажат „не си во право, не треба така, вака треба“. Секако, на него останувало дали ќе прифати или не, но во секој случај го ценел нивниот совет и не гледал да форсира свои луѓе на значителните места во државата. Секако дека постоеле позиции кои ги пополнувал со свои луѓе, но позиции кои му служеле само за да обезбеди контрола. И гледај баш што го направило таквиот пристап, нема човек во светов кој не слушнал за него, подемот на неговата држава од него почнала и сеуште трае.
Како и да е, сакам да повлечам паралела и да споредам со тоа кај јас живеам, во какво општествено уредување се наоѓам денес, со тоа што го изучувам за него во почетокот на 19ти век. Не зборам глупости кога викам дека државава ни е многу време уназадена. Такада апел до луѓето во нашава држава, гледајте да не повлекувате врски, без разлика дали се за ваша корист или правите услуга на некој ваш. Колку и да е тешко (а е, и те како, лично сум искусил и секојдневно ме обесхрабрува и мене), пробајте да го заработите своето место во општеството и гледајте да ги бирате луѓето според нивната способност, бирајте ги според тоа какви се, а не кои се. Пошто ако во оваа област сами не си помогнеме, никој нема да ни помогне. Ако сами не почнеме да правиме промени, никој нема за нас тоа да го направи. Be the change you want to see in the world. Кај секого од нас е моќта, колку банално и да звучи тоа. Нема никоја влада да ни угоди специјално на нас ако не и е во прилог, едноставно некои работи не можеме да ги бараме од други. А со оглед на тоа што сме мала држава, не треба многу напор за да пробаме да го средиме овој проблем кој упорно не кочи. Ние сме државата. Pretty please!