Мое мислење е дека религијата како филозофија и учење е делумно погрешно пренесена од одредени индивидуи, а индивидуите на кои требало да биде пренесено знаењето и учењето го сфатиле буквално што во случајов може да алудира на погрешно сфаќање. Сум сретнал многу теоретичари кои укажуваат на тоа дека ете никаква виша сила не постои, но сум сретнал и многу кои го тврдат обратното. Мое мислење за религијата, како учење, е дека истата НЕ не лажи. Религиите ги содржат во својата основа етичките норми и правила. Човекот може да лаже и секоја манипулација која подоцна настанала од типот на "ако лажиш/крадиш/убиваш ќе одиш во пеколот" - настанала од човек. Како пример, пред да ја напише Данте Алигиери неговата можеби највлијателна "Божествена Комедија", верниците немале толкав страв од пеколот. (стварно ми е мака да барам записи по интернет сега пошто претходно сум посветил месец дена време на барање материјали за вакви теми). Од друга страна, светите книги ние секогаш ги читаме буквално. Ниедна книга не кажува што и како треба да направиш иако ние така тоа го преведуваме. Како за пример, Божјите заповеди јас ги сфаќам на еден начин како предлог правила кои една индивидуа ако ги следи, ќе има подобар живот. Моето сфаќање за нив е дека настанале како закони заради недоличното однесување на верниците (исто како на пример, казна за возач кој преминал на црвено). Така да, моето мислење е дека модерниот свет може да лаже и преводите кои истиот може да ги претстави пред другите индивидуи може да бидат изопачени и лажни. Затоа не се застанува на една религија или една света книга. Разгледајте малку пошироко и меѓу редовите на текстот па можеби и ќе најдите некој свој начин на сфаќање на работите. Секое останато мислење го почитувам затоа што секој има причина за своето мислење, но мое мислење е дека религијата е многу добро учење (секоја религија, без разлика). Тоа што децата се на некој начин можеби присилени од малечки да попримат една религија, може да се земе како постапка која го повредува нивното право на постоење и слобода, затоа што пред се тоа претставува манипулација. Од друга страна, културните обичаи скоро секогаш се пренесуваат од колено на колено.
Сумарум - На оваа тема можам да издвојувам само спротиставени мислења бидејќи ниедно не можеме да го поткрепеме со факти. Погоре изложив неколку мои сфаќања кои со тек на време преку едукација сум стигнал до нив. Стравот од смртта е можеби основа за поставување на таа виша сила, за која не постојат факти дека истата не постои. Барањето на постанокот на универзумот кое се смета за спротивност на постоењето на вишата сила, е барање на истата виша сила. За жал, секогаш забораваме на најважното нешто - времето.