ElNinho
Мадридиста!
- Член од
- 17 јули 2009
- Мислења
- 20.959
- Поени од реакции
- 57.695
Група на стари познаници кои во минатите години си ги одмерувале силите низ евро и континенталните собири.
Без да ја должиме многу, одиме со претставувањето на екипите:
Германија:
Двоктратниот и актуелен европски шампион, на ова првенство влегува со делумно променет ростер и нов тренер.
Спојот на играчи со завидно искуство кои се влезени во најдобрите ракометни години, секако ги става во прв план, ако не за одбрана на титулата, барем за борба за медал. Скупина на играчи од бундеслигата, со капитенот Генсхајмер како единствен „интернационалец“ од ПСЖ.
На голот треба да доминира најдобриот голман од минатото ЕП, Андрес Волф, а негова замена е искусниот Силвио Хајнвитер.
Левокрилната позиција е резервирана за Уве Генсхајмер откако Руне Дамке беше неочекувано изоставен, а на десната ќе ротираат Рајхман и Грецки.
Бековската позиција им е сочинета од типични бундес бомбардери како најстариот меѓу нив, Штефан Вајнхолд и помладите Кун, Фатх, Друкс, Хафнер и дебитантот Максимилан Јанке.
На пикерската позиција се одлично покриени со Винчек и Пекелер кои ќе покираат во два правци, но и младиот Колбахер кој може да биде скриено оружје во нападот.
Тренер:
Тренер на Германија е речиси анонимусот Кристијан Прокоп кој минатаат 2017 беше назначен за наследник на Сигурдсон. Во квалификациите рутински си ја заврши својата работа, но неговото кратко CV е најголемата енигма околу Швабите. Досега го има тренирано само РК Лајпциг и е прогласен за тренер на годината во Бундес пред 2 сезони.
Црна Гора:
Најмладата екс југолсовенска република веќе го бележи својот четврти настап на европските ракометни собири. Во квалификациите почна катастрофално, но се прероди после промената на тренерот. Предводена од Вуко Борозан успеа да го освои второто место во својата квалификациона група.
Ростерот за ова ЕП, очекувано им е целосно интернационален сочинет од неколку бундеслигаши и уште 2-3 играчи кои играат во силни клубови, додека втората половина од тимот доаѓа од релативно просечни екипи.
Голманската позиција им е многу интересна затоа што меѓу стативите ќе бидат ветеранот Раде Мијатовиќ и еден од најдобрите млади голмани во Европа, несудениот играч на Вардар, Небојша Симиќ, актуелен голман на Менслунген.
„Фамозното“ бековско дуо Борозан - Липовина, за жал веројатно нема да го гледаме, бидејќи ударната сила на црногорците, Вуко Борозан доживеа сообраќајна несреќа која го стави под знак ? неговото учество на ова ЕП. Без него покрај Липовина, товарот на навалната линија треба даго превземе Васко Шевављевиќ, поддржан од младиот Штефан Чавор. Повикани се и неколку искусни играчи како Стефан Вујовиќ и Жарко Пејовиќ.
Ако имаат солидна бековска линија, тогаш внатрешната линија им е просечна, за европски стандарди. На крилата ќе бидат играчи како Вујовиќ, Марковиќ, Ласица и Радовиќ. На пикерската позиција ќе бидат Немања Грбовиќ и некогашниот Вардарец, Вук Лазовиќ.
Тренер:
Некогашен Вардарец а и краткотраен селектор на Македонија ќе биде и на клупата на Црна Гора. Тоа е Драган Џукиќ, кој на клупата на Црногорците седна по оставката на Обрадовиќ и успеа со серија добри резултати да се пласира на ЕП. Во својата кариера има сменето премногу клубови и репрезентации.
Словенија:
Носителите на бронзен медал од последниот Мундијал минатата година, на ова ЕП влегуваат со многу проблеми кои ќе им отежнат во обидот да го повторат успехот од СП. На Веселин Вујовиќ во пресрет на шампионатот му се повредија Јуре Доленец и Матеј Габер. И покрај тоа, Словенија има неколку квалитетни играчи кои го чинат еден од посилните ростери на ова ЕП.
На голот друштво на Матевж Скок ќе му прави Урбан Лесјак.
Доколку Јуре Доленец нема да може да настапи, товарот на десната бековска позиција ќе биде над Вид Кавтичник, а во комбинација може да влета и универзалниот Блаж Јанц. На плејмејкерската позиција се сигурно Зарабез и Бежјак, додека лево главен бомбардер треба да биде Маковшчек. Жига Млагар и Нејц Цехте ќе ја чекаат шансата од клупата.
Без Габер, одговорноста на пикерската позиција целосно ќе остане на Благотиншек, додека на крилата Цингесар и Маргуч би требало да се сигурни.
Тренер:
Ако Ѓукиќ е заборавен екс тренер на Вардар, за македонската јавност тоа сигурно не е Веселин Вујовиќ. Миленикот на Комитите како селектор на Словенија освои бронзен медал на претходното ЕП а на ОИ во Рио заврши шестопласиран. Неговата кариера ни е позната.
Македонија
И за крај, нашите момци. Најдобрата генерација на македонскиот ракомет својот последен бал ќе го одигра во државата каде што и започна турнеата на Македонија низ континенталните и светските собири, Хрватска. Според многумина, последната шанса, на „близок“ терен да се направи уште еден подвиг и да се заврши во подобрата половина од табелата.
Со неколку стари волци кои се ближат веќе кон својата петта деценија од животот и неколку млади таленти кои сеуште не покажаа ништо од најавеното, бар на големата сцена, предводени од актуелниот европски шампион Раул Гонзалез и најверојатно со голем ветар во грб од верната Фаланга, македонската ракометна репрезентација на ова ЕП влегува со недефинирана цел.
Во голем дел тоа се должи и на не така лесната и незгодна група и со вториот исход на ждрепката, односно со противниците кои би ги добиле во евентуалната втора фаза каде што најверојатно не чекаат Шпанија и Данска.
Но да видиме со кои сили ќе располагаме ние на ова ЕП:
На голот сеуште ќе се нервираме со „Министерот за одбрана“, кој е тазе верен, па се надеваме дека на ова ЕП ќе пружи бар 1 добра партија на секои 3, наместо неговиот просек од последните каде што пружаше 1 добра партија на секои 5. Негова верна замена ќе биде сеуште талентираното момче Николче Митрески, а уште еден талент, Златко Даскаловски ќе чека шанса од трибините.
Големи се шансите ова да биде и последен настап на легендата на македонскиот и светскиот ракомет, еден од најдобрите бекови кои некогаш заиграле со топката излепена со восок, големиот Кире Лазаров. Немајќи ги Омејер и Наѓ, сега Ќиро со своите 37,5 години ќе биде најстариот играч на првенството. Иако во кариерата релативно се чуваше од повреди, оваа сезона не му се посреќи и ја игра можеби најслабата сезона во својата вонземска кариера. Засега не му легна Нант и формата му беше лабилна ко целата кариера на Борко Ристоски. Се надеваме дека ќе смогне сили и уште еднаш ќе уживаме во неговите бомбардирања, овојпат со редуциран и специјален режим од Раул, неговиот дамнешен познаник од Сиудад Реал и Атлетико Мадрид.
Неговите замени, односно наследници во репрезентацијата, дуотот Филили, Кузмановски и Талевски, сеуште не можат да ги пополнат ниту патиките на третиот Филип, Лазаров, братот на Кире. Иако Фитиљо на минатото ЕП одигра неколку добри партии и најави дека ќе биде нашиот нов бомбардер, слабата форма како последица на повредите го спречи од добри и константни партии оваа сезона. Талевски пак во РНЛ повеќе го челичат за одбрана, што може да делува и добро и за нашата игра, па со тоа да го намалиме ротирањето кое ни е останато на ниво на ракомет од минатата деценија.
На плејмејкер имаме уште двајца ветерани. Стандардниот Жути како прв избор, кој во Бундес лигата игра колку што може со неговите години и 14987 повреди, а кревок е и Немања Прибак кој исто така има проблеми со повредите. Тука ќе биде и стаднардно Филип Лазаров да влезе во игра кога ќе имаме играч вишок на теренот.
Вреди да се напомене и дека после долго време, замена за Кире нема да биде легендарниот Влатко Митков, туку сега шанса од клупата ќе чека младиот Мартин Велковски.
Одбранбеното дуо Ацо Јоновски и Велко Марковски веќе не е тоа што беше, но и од нив се надеваме на последно успешно млатење на противничките играчи.
Столе е како и секогаш во последниве собири прва опција на пикер, а резерви исто како и секогаш во последно време му се Жаре Пешевски и Никола Марковски.
И нашите стартни крила се дел од тимот кој е веќе долго време непроменет, Дејан Манасков и Гоце Георгиевски, а нивни замени ќе бидат Ојлески и Поповски.
Тренер:
Овојпат, ја имаме честа, тренер одосно селектор на репрезентацијата да ни биде најдобриот ракометен тренер во светот, актуелниот освојувач на Лигата на Шампионите, моментален командант на Вадар и за жал иден тренер на ПСЖ, the silent genius Raul Gonzalez. Не знам што би пишал за него а што не го знаеме, човекот веќе ни е познат толку добро колку што тој добро зборува македонски. Он е на ова првенство можеби нашиот најголем адут, дека со своето магично стапче ќе успее да извлече максимум од овие играчи и ќе завршиме на респектабилно место.
Што се однесува до нашата „историја“ со противниците од групата, и со Словенија и со Германија имаме негативен скор. Односно само еднаш ја имаме добиено Словенија, трипати загубено од нив, а и трипати загубено ви трите меча против Германија. Ова ќе ни биде дебитантски настап на големите натпреварувања против Црна Гора.
На сите три последователни европски првенства до сега успевавме да го минеме првиот круг. Тоа и овојпат би било она „остварување на првичната зададена цел“ и небрукање. Реално, пласман на финалната табела во топ 8 би бил успех, а све над 6 место би било чудо.
Тоа е што засега би се пишало за „нашава“ група, нека ни е со среќа, па да ја обоиме Арената во Загреб во црвено-жолто.
.Како од рускиот фронт да се вратени, Сталинград 1941 година.
.
зошто горе долу знаеш дека имаат само една јака постава, овие имаат неограничени резерви и не знаеш од кај ќе те удрат.
и да го фаќа нервоза, а познато е дека е со краток спој, муви ќе брка цела текма.
, тука ако ја завршиме работата како треба и многу полесно ќе им е и на голманите да фатат некоја топка,и не само тоа,а ко им го умртвиме нападот ќе останат и крилата неразиграни, многу е важно ова, со оглед на тоа колку им се уиграни крилата, значи ќе мора и техничките грешки во напад да се сведат на минимум, ако не тешко ќе оди.
)))