Всушност, изненадени беа кога дознаа дека пумпата која доаѓа со котелот не работи 24/7, туку се вклучува само кога температурата на водата во цевките ќе достигне температура од над 40 степени Целзиусови, или ако котелот не работи, а температурата на водата во цевките достигне помалку од 5 или 10 степени Целзиусови, пумпата автоматски се вклучува за да ја раздвижи водата низ цевките за да не пукнат на прениски температури.
Подоцна кога викнавме друг мајстор за да монтира вентили за испуштање на воздухот од радијаторите, го прашавме зошто најоддалечениот радијатор не се загрева со иста брзина како останатите радијатори, а неговиот одговор беше дека дебелите цевки требале да бидат продолжени за 2 до 3 метри за притисокот да биде посилен, но сега кога инсталацијата е направена таква каква што е, решението е да се затворат по малку вентилите на останатите радијатори на истата хоризонтала, за повеќе вода да оди до најоддалечениот радијатор.
Ги отворам вентилите до крај, а потоа ги затворам за 3 цели круга, со исклучок на вентилите кај најоддалечениот радијатор, каде што вентилите ги оставам отворени до крај, и сега се загрева со истата брзина како и останатите радијатори.
Ни јас не сум мајстор, но и јас знам дека алупексот е незаменливо лесен за работа, но можеби во 2012 година не можеле да најдат подебели алупекс црева, или можеби поевтини и поисплатливи им биле металните цевки.
Како и да е, домашниот систем за парно греење ми функционира вака веќе 5-та грејна сезона по ред и максимално сум задоволен од истиот.
во право си за пумпата - таа е регулирана од автоматика и си има одреден момент кога се уклучува сама и кога се гаси НО.... има многу случаеви каде што после некоја година пумпите знаат да запечат односно да зарибаат заота што преку лето водата мирува и нема потреба да се движи а со самото тоа и пумпата не врти... претпоставувам дека затоа и се чуделе мајсторите затоа што на старите системи пумпата рачно се уклучувала да врти и тоа на 3 брзини што исто така рачно се подесуваат...
за последниот радиатор што не ти се загрева брзо како и другите ти одговорив погоре во постот - има и за тоа решение - ке си ставиш термостатски вентили и ке го решиш проблемт - само скапи се многу и не се толку потребни - најдечсто проблемот се решава како што ти кажале и како што правиш ти... првите вентили што се до котелот поблиску ке ги подзатвориш другите максмално отворени и пролемот е решен
Заради таа причина и проблем со нееднаквост во загревањето на радијаторите напоменав дека е најдобро да биде со разводна кутија бидејќи секој радијатор е приклучен на посебна линија.Линиите за радијатори доколку има можност би било најдобро да бидат со приближна одалеченост-должина а разводната кутија да биде поставена централно.
Секако сите овие работи се добри доколку има можност а тоа е најлесно на нова градба.
А во случај како кај мене и многу други на стара градба тогаш изведбата на било кој систем е посложена или невозможна.
ова со разводните кутии е точно што го кажуваш а уште поточно е дека се прави на нова градба со претходно точно утврден план каде ке стои таа разводна кутија каде ке има подно каде радијатор....
значи еве ке пробам да појаснам подетално како функционираат тие разводни кутии
на сликава е прикажана кутија каде што се разделува водата поеднакво до секое грејно тело... цевките од десна страна се главен довод и поврат од котелот до разделниот.. значи - скроз горе десно е доводот на толата вода - од тука влегува во разделницата и после секое црево од разделницата оди до довод на секој радијатор односно секоја просторија каде што има подно греење....
долниот дел од разделницата е повратот на водата каде што подеднакво се собира водата од секое грејно тело и се враќа према главната цевка (доле десно) која е пак главен поврат до котелот.. водата во котелот се догрева повторно и пак се враќа како главен довод... овој процес се повторува континуирано цело време - убава и паметна работа е што ако несакате одреден радијатор да ви работи од икс причини потребно е само да го затворите вентилот кој е наменет за истиот тој радиатор или ако сакате еден да грее повеќе за разлика од друг го регулирате исто од тука.
НО мора да напоменам дека системот за парно може да работи и без оваа разделница како што е случај кај декстер - ме мрзи да објаснувам и да пишувам сега како функционира тоа со детали зашто напишав километарски пост... ако некого го интересира нека ме цитира па ке објаснам и за ова.
Еве како се наместени цевките, поточно полиетиленските црева.
Треба да обрнеш внимание дека почетните цевки од котелот за накај радијаторите мораат да бидат метални и подебели, а понатаму кога веќе одат накај радијаторите можат да бидат вака стеснати. Кај мене дома подебелите метални цевки се под земја, односно под паркетот, додека цевките кои одат накај радијаторите се полиетиленските црева кои се прикажани на сликите.
Многу е важно луѓето кои ќе ти ја местат инсталацијата да се разбираат од парно греење, односно да знаат до каде треба да одат металните подебели цевки, а од каде треба да продолжуваат потесните полиетиленски црева.
ова што го кажуваш со „подебели“ и „потенки“ цевки ме збуни на почетокот ама те сватив.. за некој друг да не се збуни - станува збор за различно ФИ на цевката односно различна големина која претежно кај металните цевки се мери во цолови... - не ми е јасно тука и не гледам никаква логика зашто на почетокот на излез од котелот треба да бидат метални а понатака пластика пекс алупласт или слично... водата излага со една демпература и треба да продолжи со истата према радијаторите - во радијаторите се случува онаа промена на температура односно додека металот се загрева и ослободува оплина према воздухот - тогаш водата се лади и се враќа како повратна во котелот за да се догрее
друго... судејки според сликиве незнам какви мајстори ти работеле тебе на инсталацијава.... прво ми падна чудно кога прочитав дека имаш паркет а цевки/црева ти поминуваат под него... апсолутно погрешно - паркетот не трпи да му доаѓа топлина поготово не од доле под него.....
друго - погледни ги двете слики - едната покажува дека цевките се монтирани НА ѕид со шечни а другата покажува дека цевките се ставени доле на паркетот што е исто така погрешно....
Tемава почна да станува феноменална. многу многу дилеми кои што ги имав веке ми станаа кристално јасни а дискусијава постана и те како поучна и ни е од помош на сите нас кои што имаме во план да поставиме таков систем за греење. браво за сите кои несебично го споделуваат своето искуство и со самото тоа ни помагаат во нашиот избор за што и како да планираме за во иднина.
би сакал да поставам уште некои прашања кои ми се нејасни.
1. дали чистењето на камините и котлите во принцип е сличен или кај некои е полесно во однос на другиот. мислам на споредба општо камин v.s. котел а не на тоа од која фирма е произведен истиот?
2. пепелта се чисти со класична правосмукалка или има специјална за таа намена?
3. дали пелетите што би ти останале од оваа сезона може да се употребат за следната грејна сезона и дали губат на квалитет,калоричност,согорување?
4. дали ако се чуваат во подрум вреќите со пелети можат да пропуштат влага и со самото тоа да го намалат квалитетот насамите пелети. ова го прашувам пошто подрумите колку и да се изолирани тие пак си имаат некоја своја минимална влажност на воздухот. за дрва знам дека не е но дали за пелетите тоа би представувало проблем?
5. дали може самиот систем да се поврзе и со соларно греење и дали тоа би представувало помош на печката/котелот и со самото тоа би се намалила потрошувачката на пелети??
6. дали после падот од 18% на 5% на ддв-то кај пелетите има промена во цената?
благодарам за одговорите.
воглавно ти ги одговорија прашањата а јас ке ти пообјаснам малку за 5то прашање.
кога се збори парното да се поврзе со соларот многу луѓе грешат и автоматски мислат дека ако постават соларен панел ке ги греат радиаторите дома.... - е брат ова е возможно само ако го наредиш цел кров кај тебе со панели и кај уште 2 3 комшии крововите да ги наредиш со панели.. а ти прави есап колку ке те кошта тоа
значи ај посериозно - кога се збори да се искористи парното со соларот се мисли да се искористи топлата вода која циркулира низ радиаторите за да ја загрее санитарната вода која е во бојлерот!!! - обично оние кои имаат солаен систем дома имаат и бојлер кај што ја чуваат таа вода нели - е сега за да се биде на чисто мора да се знае дека ако сакаш да го користиш парното за да грееш вода во бојлер прво треба да имаш бојлер со 2 изменувачи од кој едниот изменувач е за соларните панели а вториот е за парното и треба да се знае дека оваа комбинација е можно ако имаш соларен систем од затворен тип односно кој функционира „под притисок“...
еве како изгледа тоа и на шема... левиот дел го прикажува соларот како функционира а десниот дел покажува котелот како функционира.....
значи на кратко да сумираме - топлата вода од котелот која излага кружи во спирала во бојлерот каде што ја оддава топлината на санитарната вода и се враќа пак назад да го ја догрее..
