Вранишковски и владиката Петар роварат во Австралија

[ohridmkd]

ako ima laga vo gore kazanoto ajde kazi deka e laga, mozes da kazez deka e laga samo ako nemas obraz, zasto toa i jas go znam i ti si svesen deka e taka.

 

[Piters]

ako ima laga vo gore kazanoto ajde kazi deka e laga, mozes da kazez deka e laga samo ako nemas obraz, zasto toa i jas go znam i ti si svesen deka e taka.

Неможеш да најдеш ниту лага, ниту вистина. Има само лична омраза и заслепеност од лични интереси. Видиш, не случајно им го поставив прашањето за тоа, - кое е решението на проблемот, чисто да ја видам длабочината на нивното размислување, меѓутоа, сем повторно плукање по МПЦ и институциите, не ке межеш да најдеш ниедна паметна работа..

За жал тоа е реалноста..!! :kesa:

 

[theMac3donian]

Гледајте...

http://www.youtube.com/view_play_list?p=F09B579040931B83

 

[Piters]

Гледајте...

http://www.youtube.com/view_play_list?p=F09B579040931B83

Ти благодарам за видеото. Провери ги клип 2 и клип3 милслам има технички проблем од половина натаму..

BTW: Пријатно сум изненаден од Миле..

 

[курдоколенко]

Видиш, не случајно им го поставив прашањето за тоа, - кое е решението на проблемот, чисто да ја видам длабочината на нивното размислување, меѓутоа, сем повторно плукање по МПЦ и институциите, не ке межеш да најдеш ниедна паметна работа..

Аман бе брат, има ли поголемо плукање по МПЦ од тоа да ја изедначуваш светата Црква со моралната мизерија на Петрета, и да велиш “Петре е МПЦ“?

Еве, ако сакаш малку размислување за принципиелно решение на проблемот.. точно е дека имаше недомаќинско трошење на црковните пари. Ќе спомнам два примери:

1. Најблиските соработници на Петар:

• Боб Спасеновски кој во периодот 1994-95 за само девет пати патуваше од Австралија за Македонија на трошок од црковната каса
• Александар Дупешовски нешто поскромен, само три патувања.

Нормално дека меѓу луѓето имаше реакции на ваквото расфрлање. Што направи Петар кога дојде тука? Ги даде на суд оние што протестираа против ова нецрковно однесување.

2. Финансирањето на ДПМНЕ од касата на МПЦО Свети Илија во Футцкрај во периодот 1992-94, кога под непосредно раководство на Иван Соколов беше на чуден начин создаден долг од 900 000 долари. Повторно, главните актери во играта се најблиските соработници на Петар. Повторно Петар, на кој ваквите афери му беа изговор да дојде во Австралија, ниту збор не изустува за неправилностите, туку на суд ги дава оние кои со право протестираат на ваквите злоупотреби.

Самиот еднаш рече, братко, дека денес никому не можеш да му продаваш слама. Луѓето гледаат, и колку и да се прости и необразовани, не можеш бесконечно да ги лажеш. Дури и оние кои во почетокот се крстеа во Петар - многумина од нив веќе им е јасно со кого имаат работа и не сакаат повеќе да го видат.

Така, да ако сакаш принципиелно да зборуваш, првин извади ја гредата од твоето око па потоа жали се дека ти пречи сламката во окото на брат ти.

 

[Piters]

Брат, си помешал многу лончиња. Бркај си своја работа.. Прочитај ги моите постови повторно..!

Пријатен ден..

 

[курдоколенко]

Не сум помешал ништо. Сосема добро ми се познати работите, и однадвор и однатре.

Прочитај ги моите постови повторно..!

се потрудив, прочитав, и еве на што ми остана вниманието:

неможе на било кој Митре или Ставре да му текне дека му се допаѓа или не некој владика.

За жал, може. Ако си подзаборавил, да те потсетам на тоа како гореспомнатиот Спасеновски и дружината му ја удрија клоцата на Тимотеј. Доколку си во тек со работите, сигурно ја памтиш хајката од напади, навреди, плукања, организираните насилнички напади со јаца и домати, недоличните писма и притисоци врз свештениците блиски до Тимотеј. Сигурно, исто така ја памтиш седницата на Синодот со која практично раководеше Боб Спасеновски, со тупаница на маса: “Тимотеј не може повеќе да биде владика во Австралија“. Сигурно и памтиш со колкава покорност и пиетет Синодот во целост ја исполни волјата на Спасеновски.

Истоа так, сигурен сум дека памтиш дека по преземањето на испразнетото владичко место, Петре веднаш покажа дека најмили од сите “верници“ во Австралија му се плукачите по Тимотеј. Сигурно и не си заборавил дека Спасеновски по милоста Петрева а поради заслугите во плукањето по Тимотеј стана првиот претседател на Петровата епархија.

Е, сега за тебе има уште едно прашање. Нели Тимотеј е владика на МПЦ, исто како Петре. Тогаш, дали плукањето по Тимотеј е плукање по МПЦ или не?

Ако одговорот е да, тогаш значи го осудуваш Петре како плукач по МПЦ. Ако пак одговорот е не, значи го одобруваш плукањето по владиците. Многу ме интересира кој е твојот избор.

Се на се, приказната е напишана одамна, пред повеќе од 2000 години. Кој ветар сее, бури ќе жнее. Како што спомна некој во првите денови по доаѓањето на Петре: “сега, штом научивме на кој начин се менува владика, го знаеме патот за натаму“.

Додека е во Австралија, Петре може само трње да собира, зашто тоа е единственото што го посеал. А човекот што ќе си посее, тоа и ќе си жнее, нели?