Чекајте мене овде нешто не ми јасно во дискусииве.
Како прво кој закон во македонија се носи по теркот на тие што највеќе ќе бидат погодени од него? Одговор НИКОЈ.
Ова со поместување на старосната граница сигурно не им одговара на работниците на: скеле (градежници), во рудник, или што работат било која потешка физичка работа.
А сте прашале ли на пример доктор (тука се и сестри, техничари...), професор (било факултетски било во средно или основно), судија, нотар, адвокат, министер (еве ви го Маневски) или било кој од сличниве професии дали сака да оди во пензија со 55 г.
Наведете ми пример на доброволно заминат во пензија со наполнети 60 и помалку години од предходно наведените професии.
Ако им спомнеш нешто такво очи ќе ти извадат.
Затоа и имаме невработени “млади“ (со 40 и кусур години
) доктори на науки, магистри и еден куп со завршен факултет. Овие метузалеми кои се на функции ќе бараат доживотно да се на работа иако едвај гледаат и се пола сенилни.
Пензиите се нездраво мали (поради преголемата невработеност и немањето од кого да се земе за пензиско) затоа дури и овие што имаат тешка физичка работа стискаат заби да работат подолго за да не останат на работ на егзистенција со минимална пензија.
Кај нас пензионерите се социјална категорија, јас не гледам дека некој се радува кога оди во пензија и е со идеја дека ќе ужива и ќе шета по светот како што е тоа случај на запад.
Кога ќе биде невработеноста сведена на под 5 %, кога ќе бидат платите (не виртуелно туку реално) задоволителни, кога пензијата ќе биде доволна за достоинствен живот тогаш е реално да се намалува старосна граница. Во вакви услови какви што имаме, јас не гледам оправданост.
Ќе работиш тоа што го работиш дури те држи снагата, после си бараш чаре со нешто полесно а како крајност секогаш останува можноста да се занимаваш со градинарство, земјоделие и слично кое што ем ќе те држи повитален ем ќе ти обезбедува каква таква егзистенција.
Идејата дека по пензионирање ќе шеташ и уживаш по белиот свет е утопија кај нас.
