Тоа е вториот филм направен по Процес. Првиот е во режија на легендарниот Орсон Велс, самиот тој има изјавено дека од сите филмови што ги направил тој му е омилен. Го имаше на јутуб до скоро со одличен квалитет, ама гледам поради копирајт дека го тргнале.
Најдобрата дефиниција за Кафка е дека Кафка не трпи дефиниции и токму тоа го прави толку загадочен и генијален како автор. Големи имиња на светската книжевност меѓу кои и нобеловци-Томас Ман, Габриел Гарсија Маркез, Хорхе Луис Боргес, Милан Кундера, Карлос Фуентес, Салман Ружди се само дел од имињата кои го ставаат Кафка како влијание. Дел и дале свои критики на интерпретација и тоа сосем различни. Едни мислат дека Кафка цели кон религиозните тематики, други кон отуѓеноста, трети кон бирократијата, четврти кон правото, петти кон нешто сосем петто. Набоков пак се осврнува на симболиката на делата на Кафка и оди до таму што истражувал зоологија за да види на која бубачка мислел Кафка во Преобразба. Во истото дело Набоков тврди дека голема симболика игра бројот 3-3 писма стигнуваат во делото, 3 одаи се главните сцени каде се одвива приказната, 3 жени се спомнати во раскажувањето итн... Кога критичари од такво реноме и познавање имаат толку различни мислења и толкувања, јас како обичен смртник воопшто нема ни да се обидам да тврдам со сигурност било што. Од соц-реалистичките методи (кои толку ги презирам) на толкување и критика на книги ќе се сложам со една работа. За поголема веродостојност при анализа на едно дело строго препорачливо е да се земе личниот живот на писателот, неговата биографија, што се му се случувало во животот, неговите лични преференци и вкусови, подеми и падови и слично со други зборови да му се направи еден психолошки профил. Втора работа која треба да се земе е околностите во кои живеел и условите. Односно тековните историски збиднувања, локалната културата каде што живеел авторот, начинот како општеството тогаш функсионирало и било регулирано и слични параметри и варијабли. Од побитните работи аа Кафка се знае дека бил генерално асоцијална особа, имал проблеми со ерекцијата, немал многу среќа во љубовта (се спомнуваат 3 големи љубови Фелис Бауер, Милена Јесенска и Дора Дијамант), имал строг и авторитативен татко кој имал преголеми очекувања и му вршел преголем притисок на синот. Се знае дека на млади години бил анархист, атеист, пацифист и марксист за подоцна да се наврати на корените-еврејската култура, јудаизмот, ционизмот. Од друга страна станува доктор на правни науки, има значителен прогрес во кариерата и има напишани неколку повеќе стручни критики од областа на правото. Умира од туберкулоза, поточно прегладнетост затоа што не можел повеќе да голта од болки и последните зборови му биле-Убијте ме или сте убиец. Сакал сите негови необјавени дела да бидат запалени и никој повеќе да не ги види што можеби сигнализира крајна несамодоверба дури можеби и срам во сопствениот труд. Да додадеме дека Чешка е генерално резервирана земја во која луѓето се поладни, и дека тој период бил карактеристичен со зголемени технолошки иновации меѓутоа и зголемена експлоатација на трудот, огромни хангари и фабрики кои штанцаат вработени и зомбификација на човекот и токму таа зомбификација и отуѓеност Велс фантастично ја доловува не само во фимот туку и во други негови филмови на огромни библиотеки, архиви со досиеја и колосални згради а внатре нема никој.
Кафка се смета за основоположник на многу работи во литературата од надреализмот кој подоцна Андре Бретон ќе го дефинира во својот Mанифест на надреализмот и ќе го промовира со своите пријатели Луј Арагон, Пол Елијар и многу многу други, до магичниот реализам популаризиран од Маркез, Боргез и останатите претставници од тој таканаречен Латиноамерикански литературен бум, до дистопискиот роман кој ги им донсесе слава на Земјатин, Хаксли и Орвел со нивните последователни дела Ние, Храбар нов свет, 1984 и Животинска фарма, до експресинизмот во литературата кој Брехт ќе го земе како главен правец во своите драми. Со други зборови Кафка е бигбенгот на нешто што подоцна ќе биде именувано како генерална терминологија-модернизам во која спаѓаат малтене сите движења во 20-тиот век. Исто како што на Адам, Ева, Ное, Абрахам, Исак, Јаков не можеме да им ја монополизираме припадноста во чисто јудаистичка, христијанска или муслиманска религија така и Кафка не може а и не смее да се дефинира како правец. И не само тоа, Кафка поставува дилеми кои се разгледувани и од филозофски аспект па му се препишува и е разгледуван и како филозоф од егзистенцијалистичката фела.
Како што може да се види кај самиот Кафка се случувале различни и често контрадикторни вкусови, парадокси и иронии во едно општество непомалку заебано од самиот живот на Кафка. Мислам дека Кафка одлично ги сфатил тие парадокси и иронии и ги внел во своите дела. Зачудувачки ми падна моментот што Кафка кога им читал делови од Процес на пријателите, сам се смеел што остава отворено прашање дека делото го гледал и од хумористично-сатирична нота. За мене тоа беше приметно да речеме во делот кога се среќава со сликарот Титорели, и тој (Титорели) му објаснува дека има два начина како сака да му тече процесот. Еден сликар знае повеќе за правната терминологија од адвокатот претходно спомнат, и му кажува два начина кои се стварно глупи и смешни меѓутоа и крајно логични и Велс одлично го кине тоа во филмот ставајќи го К. во позиција на потење и збунетост од раскажувањето додека мали деца надвор сакаат да влезат во импровизираното живеалиште на К. Иако несомнен е правниот аспект на Процес, еден мој другар се осврна на тоа дека многу е можно и самата туберкулоза да има голем удел во делото на Кафка, он е осуден на таа болест од која бара конечен лек по санаториуми, кои само одолговлекуваат но и не помагаат и сето тоа го има направено низ призмата на правото односно неговата бранша, нешто што и јас лично често и несакајќи го правам, анализа на збиднувања низ моноколот на мојата струка. Оној монокл, златарскиот, што повеќе личи на минијатурен дурбан. Проблемот што ако така се гледа Кафка низ тој монокл се добива прецизност од еден аспект на толкувањето меѓутоа се губи визијата на големата слика. Ако пак ја гледаш големата слика ги губиш деталите. Токму тоа е стапицата во дефинирањето на Кафка.
Сето тоа ти е како интерна зафрканција. Онака седиш ти во друштво со уште 3 другарки и едната од нив кажува некој збор пример-чаша и сите почнуваат да се смеат а тебе не ти е јасно зошто. Сфаќаш само дека е некој интерна зафрканција што им се десила претходната ноќ кога ти не си била со нив, и се дур не ти ја раскажат ти не сфаќаш што е, а дури и да ти ја раскажат нема да ти биде толку смешна колку што им била на нив бидејќи присуствувале додека се случувала. Значи едино чаре е да го воскреснеме Кафка и да го прашаме-Шефе на што печурки си бил бре ти и што ти значеше тебе Процес. Неговиот одгвор најверојатно ќе почнеше со-Ах тој Макс Брод да му ебам мајката, не можеш ни на другар да му веруваш.
Во отсуство на методот на воскресение единствено ни останува методот на толкување. И тука доаѓа до најинтересниот дел. Интерпретацијата на Кафка е како сложувалка. Таман ќе мислиш дека си ги нашла аголните пузли кој нели сите на почеток ги бараат оти се најлесни за воспоставување на рамката, сфаќаш дека тие воопшто не се аголните пузли. Како одиш понатаму сфаќаш дека уствари нема аголни пузли односно дека оваа сложувалка има некоја кружна или овална форма, за после некое време да кажеш дека оваа сложувалка нема форма, за после тоа да кажеш дека веројатно е дека нема форма ама не си сигурна. Толкувањето на Кафка претставува лавиринт како што е и самиот Процес, каков што и му се случува на Јосеф К, како што и Грубах го доживува упадот на апсачите (еден Чех, еден Германец и еден Евреин укажувајќи дека кога си наебал твојата наебаност не е расистички настроена) како што... Влегуваш во лавиринт, на лавиринт на лавиринт. Односно твојата реалност станува реалноста од делото, исто како што почнува филмот на Орсон Велс
Оние децана од 9gag инспирирани од филмот Inception најверојатно истото ова би го нарекле Kafkaception. Сликовито тоа изгледа вака
http://www.google.com/imgres?q=picture within a picture within a picture illusion&num=10&um=1&hl=en&biw=1366&bih=667&tbm=isch&tbnid=SlUOYI8jvmd0cM:&imgrefurl=http://www.maniacworld.com/trippy_mirror.htm&docid=XrkwjKEweXy3eM&imgurl=http://www.maniacworld.com/trippy_mirror.jpg&w=377&h=353&ei=iPALUKTYEfLE4gTp6YHNCg&zoom=1&iact=hc&vpx=1021&vpy=143&dur=605&hovh=217&hovw=232&tx=100&ty=120&sig=100869633477004747720&sqi=2&page=1&tbnh=144&tbnw=151&start=0&ndsp=19&ved=1t:429,r:5,s:0,i:87
или како еден спот од љубимците мои Бленк енд Џоунс преработка на друга песна од Кошин (топло ти препорачувам да го изгледаш спотот)
Единствен излез од лавиринтот е да не влезеш во лавиринтот. Ама па ти веќе си таму.
Ете затоа плавоока немој да се трудиш да го сфатиш делото, оти и самиот Кафка криптографски ти препорачува да не го правиш тоа и да се заебеш како него.
И не се секирај и јас кога ќе си го препрочитам постот ќе си кажам
edit Да не заборавам
Режисерот Стивен Содерберг и сценаристот Лем Добс си го доживеале Кафка на свој начин и решиле да снимат филм онака како тие го гледаат Кафка. Филмот е фантастичен, креативност каква што ретко сум сретнал во филм со Џереми Ајронс во улогата на Франц Кафка. Импресијата ми е дотоклу поголема затоа што станува збор за еден автор толку тежок за даунлоадирање и миксање.
Гледајте го пред да го тргнат ради копирајт
Исто го препорачувам и овој анимиран филм кој го опишува животот на Кафка според неговите дневници. Креативно фо филмот е додадена нота на магичен реализам согласно делата на автророт. Осум дела се јас го ставам само првиот другите ќе си ги најдете. Филмот има доста награди добиено и тука би го пофалил режисерот за идејата и креативноста
