Ех, за оправдувања е лесно. Плус, немаше никаков притисок од надвор за амнестијата на убијците. Таа амнестија беше монета за поткусурување при поделбата на идните тендери.
Ах, не само што немаше никаков притисок однадвор за прекин на процесуирањето на случаите (со амнестија). Напротив. Притисокот однадвор беше ДА СЕ процесуираат случаите. Ние еднаш годишно, имаме делегација од советот на Европа, која ни укажува на потешкотиите со кои, правно, ќе се соочиме при евроинтегративните процеси, баш поради амнестијата на воени злосторства.
Претставници од Советот на Европа и Стејт департментот бараат власта да ги казни воените злосторства од 2001 година
Актуелно
извештајот за Македонија во кој се опфатени два аспекти со човековите права во Македонија, што денеска беше објавен во Стразбур. Вчера, амбасадор на американскиот Стејт департментот и порача на македонската власт да ги истражи и процесуира хашките пресуди.

Во извештајот кој е долг 32 страници, Комесарот за човекови права на Советот на Европа се осврнува на неразрешените прашања од конфликтот во 2001 година, поврзани со човековите права. Според него, „континуираната неказнивост за тешките прекршувања на човековите права или сериозните кршења на меѓународното хуманитарно право извршени во 2001 е еден од факторите што ги попречуваат напорите да се постигне општествена кохезија и помирување во поранешната југословенска Република Македонија”.
Правдата, вели тој, е потребна не само за преку праведна постапка да се обезбеди одговорноста на сторителите на ваквите прекршувања, туку е потребна, исто така, и за да се повратат правата на жртвите кои дополнително страдаат од постојаното неприфаќање дека им е нанесено зло.
Понатаму, тој објаснува како амнестиите не треба да важат за тешки прекршувања на човековите права бидејќи тоа е веќе потврдено од Комитетот на министри на Советот на Европа во Упатствата за искоренување на неказнивоста за сериозни кршења на човековите права од 2011 година. Потсетува, Европскиот суд за човекови права во неодамнешната пресуда „Маргуш против Хрватска“, е нагласено дека предмет што опфаќа воени злосторстваа против цивили и давањето амнестија во поглед на „меѓународни злосторства” е всушност термин што опфаќа злосторства против човештвото, воени злосторства и геноцид. Констатацијата на комесарот е дека амнестијата се повеќе се смета за забранета со меѓународното право.
Комесарот е информиран дека се уште е непознато што се има случено со 14 лица исчезнати во тек на конфликтот, смета треба да се вложат сите напори за да се разјасни нивната судбина. Што се однесува до ситуацијата со 95 раселени лица кои се се уште во колективните центри, Комесарот препорачува да се даде приоритет на изнаоѓањето трајни решенија за нивно домување.
Амбасадор на Стејт департментот и порачува на македонската власт да ги истражи и процесуира хашките предмети

Вчера, пак, на трибината организирана во Институтот Брукингс во Вашингтон, амбасадорот за воени злосторства Стивен Рап проговори за таканаречените хашки случаи кои во земјава беа вратени од Хаг и од пред некоја година амнестирани со Законот за амнестија.
„Сметам дека пресудите што се носат на меѓународно ниво треба да бидат ограничени на најсериозните дела коишто имаат најшироки последици. Но, на ниво на државите исто така треба да има гонење на сериозните прекршители и тоа треба да се направи на балансиран начин. Ако имало кршење на правото од двете завојувани страни, тогаш двете страни треба да бидат истражени и обвинети. Ова се одлуки коишто треба да ги донесат обвинителите, во демократски процес, заснован на владеење на правото и треба да ги одразат погледите на општеството. Без навлегување во индивидуални одлуки, секогаш интерес е правдата да биде фер и независна од етничката припадност, националноста и религијата. Сериозните злосторства треба да се соочат со правдата, независно од која страна доаѓаат“, изјавил амбасадорот на американскиот Стејт департмент за воени злостоства, Стивен Рап.