Мене ме интересираат кој стои позади сето тоа и зошто?
Позади атентатот стојат пред се’ Мусолини и Хитлер, а не секогаш е јасна улогата на Сталин.
Мусолини е во конкуренција со Франција за територии и влијание на Балканот. Политиката на Франција се потпира на зачувување на Версајскиот систем, т.е. на Југославија преку сојузот наречен Мала Антанта, додека политиката на Мусолини - на разбивање на Југославија и завземање на целиот Јадрански брег.
Сходно, под покровителство на Мусолини, се создава и обучува нео-Усташкото движење за независна Хрватска држава во 1929 год. Другите клучни италијански сојузници се Унгарија и Австрија.
Версајскиот систем е под голем притрисок да се распадне (преку војна), и Франција во 1933 год. бара воспоставување на тнр. “Балкански пакт’’ за негово очувување заедно со Турција, Румунија, Бугарија, Грција, и Југославија. Истовремено, Франција поведува политика на зближување со Италија.
Но Кралот Александар имал подруг план. Тој сакал да воспостави пакт пред се со Бугарија и да ја оттргне Албанија од италијанското влијание. Франција врши притисок врз него и се потпишува Балканскиот пакт во 1934 год. Пактот е осуден од новоразбудената Германија.
Сепак, Југославија се соочувала со се поголем притисок од Италија и нејзините сојузници, и за да не се распадне, морала да бара додатен сојузник. Тој сојузник е Германија, со која Југославија морала да се спријатели пред Германија да ја припои Австрија. Ова од причини за Германија да не се узојузи со Италија (чиј сојузник е Австрија).
Значи: Франција се приближува кон Италија, Југославија кон Германија. За Александар, реставрацијата на Хабсбурзите во Автрија под италијанско покривителство е еднакво на губење на државата.
Е сега, Францускиоит министер за надворешни, Луј Барту, ја согледува опасноста од порастот на Германија и се обидува да створи нов сојуз: Малата Антанта на која ќе и се приклучи Италија. А тоа за Александар значи - признавање на СССР и приближување кон Италија т.е. усојузување со новите француски сојузници, Мусолини и Сталин, што по никоја цена не сакал да го стори. Италија веќе почнува да планира војна против Југославија и се става на страната на Германија.
И така кралот Александар е викнат во Франција...