Значи, пред се од мене целосна подршка за оваа тема и добро е што младите и кај нас започнуваат да стануваат свесни за проблемот со антибиотиците, започнуваат да се интересираат повеќе за нивното дејство и причините поради кои е неопходно да се земе антибиотик, и кога тоа е апсурд, па дури и опасно.
Ќе кажам неколку збора од мене ...
Која е причината зошто матичните масовно препишуваат антибиотици?
1. Причина. Можност за секундарно бактериско буење. Т.е некои вируси доволно го исцрпуваат телото или делот од делото кое е нападнато од вирус, да за време на таа состојба, некои бактерии кои нормално биле присурни во тој дел од телото стануваат патогени и започнуваат да стануваат опасни дури и поопасни од примарната болест. Ова секако не е целосно оправдување, според мене пациентот треба да се следи често во тек на примарната состојба, и да се дадат антибиотици само у случај ако се забележи бактериско буење.
2.Причина. Лекарот кој за покачена температура, настинка малаксаност или општа слабост, не даде антибиотици, често предизвикува револт кај пацинтот, особено кај родителите или лицата кои не се доволно запознаени со проблемот, често тие сметаат дека лекарот не е доволно обучен или од некоја си негова неспособност не е сигурен каков лек да им даде. Чаеви и хигиенско диететски режим како предлог за терапија скоро никогаш не се прифаќа, т.е. пациентите бараат "капсули" бидејќи се убедени дека само со тоа ќе им помине.
Дали е оправдано превентивното давање на антибиотици?
Според мене да, но само во услови кога постои навистина реален и голем ризик од сериозна бактериска инфекција(тешки повреди, лацерации, изгореници, отворени рани, хируршки интервенции). Настинка, грип, малаксаност и слично никогаш не треба да бидат причина за превентивно емпириско давање на антибиотици со широк спектар на дејствување.
Резистенцијата како проблем
Според мене, огромен проблем, бектерии кои скоро и беа исчезнати од оваа планета, ради неконтролирано и неправилно давање на антибиотици стануваат резистентни и делуваат само на многу мала група на антибиотици, која може да направи резистенција (отпорност) и може да прави поголеми штети на човекот како лек, за разлика од пеницилинот на пример.
Делува ли антибиотик на вирус, и има ли лек против вируси?
Антибиотик не делува на вирус, лекови против вируси ИМА, но се за мизерно мала група на вируси и претежно практично не се вируси туку вирусостатици (Acyclovir, Gancyclovir, Tamiflu и сл.). Повеќето од овие антивируси, делуваат само во периодот на размножување на вирусот во организмот и ако се дадат во точно време може да се стопираат компликации.
Дали да се ограничи употребата на антибиотици?
Според мене, мора, да се ограничи и тоа строго, дури сметам дека треба да се препишуваат на секундарно ниво, можеби ќе речете дека е престрого, но ако не превземеме нешто наскоро ќе си имаме работа со бектерии кои носеле милиони човечки животи во минатото.
Дечки, јас се извинувам ако се повторувам, не ја изчитав целата тема, сакав само накратко да кажам и јас мое мислење, мислам дека ние како млади и како малку пообразовани од постарите треба да им ги одговориме овие прашања кои ги напишав на нашите родители, баби, па и другари, бидејќи ако сите ги знаат овие факти самите ќе си влијаат на себе си во превенирање од земањето непотребно антибиотици.
И, да, уште нешто МНОГУ важно. За жал глобално се труеме со антибиотици преку месото, млекото и сличните продукти кои доаѓаат од исхраната, антибиотици давани на живина, дури и никогаш да не сме се напиле антибиотик. Така да не сме целосно безбедни, но да го направиме она што е наша можност.
Како што кажа некој погоре, антибиотиците се едно од најголемите откритија во човештвото, и не треба да се злоупотребуваат ...
