Prime
Оптимус
- Член од
- 4 јули 2010
- Мислења
- 6.013
- Поени од реакции
- 7.730
Бијатлонот, според мене еден од најтешките спортови претставува комбинација од крос кантри скијачко трчање и пукање. Што значи потребна е неверојатна физичка спремност и концентрација. Самите податоци дека метатите се поставени на далечина од 50 метри, пушката е тешка 3,5 килограми а метата која треба да се погоди е со дијаметар од 45mm во лежечкиот стил односно 115mm во стоечкиот стил зборуваат дека овој спорт е еден од најинтересните заради тоа што секундарно се можни промени во пласманот.
Овој спорт најмногу има традиција во војските на западните држави па затоа и пред да дебитира на олимписките игри во овој спорт се натпреварувале националните армии.
За прв пат овој спорт е вклучен во програмата на ЗОИ 1960 година во Скво Вели, САД. Имено тогаш се одржала само една трка во машка конкуренција на 20 km. Во 1968 се вклучиле и машката штафета и трката на 10 km. Во 1992 пак во Абервил за прв пат се вклучил и женскиот бијатлон со трките на 7,5 km, 15 km и женската штафета.
Денес Бијатлонот си функционира засебно со своја федерација откако во 1998 се раздели од заедничката федерација со Модерен петтобој. Овој спорт е прогласен за национален во Норвешка а исто така огромна популарност има во Германија. Исто така во последно време зема огромен замав во Франција, Чешка, Австрија како и во нордиските земји каде и настанал.
Во Сочи натпреварувањата ќе се одржат на Бијатлон и Крос Кантри центарот "ЛАУРА", истиот располага со сопствени два стадиони, со засебен старт и финиш, поделени стази за Бијатлон и Крос Кантри, зона за загревање и нормално стрелачката зона.
Следува објаснување на секоја дисциплина и распоред на натпреварувањето:
СПРИНТ(SPRINT)
Најмасовната и најкратката делница. Натреварувачите стартуваат секој посебно, на секои 30 секунди. Се скијат 3 круга, после првиот круг се пука во лежечки став а после вториот во стоечки став. Секој натпреварувач располага со 10 куршуми, по 5 за двете пукања и за секое промашување треба да помини дополнителен круг од 150 m. Кај мажите патеката е долга 10 km(круговите се подолги) а кај жените 7,5 km.
8-ми Фебруари, Сабота 15:30 Спринт Мажи
9-ти Фебруари, Недела 15:30 Спринт Жени
ПОТЕРА(PURSUIT)
Според времињата од дисциплината спринт, натпреварувачите стартуваат поединечно, победникот од спринт стартува прв а после него по ред како што завршиле и со кое заостанување.
Се скијат 5 круга, што значи се пука 4 пати, два пати лежечи а последните два пати од стоечки став. Што значи имаат 20 куршуми и за секој промашен се надополнува со круг од 150 m. Кај мажите патеката е долга 12,5 а кај жените 10 km.
10-ти Фебруари, Понеделник 16:00 Потера Мажи
11-ти Фебруари, Вторник 16:00 Потера Жени
ИНДИВИДУАЛ(INDIVIDUAL)
Најдолгата и најстара дисциплина, Кај мажите е долга 20 а кај жените 15 km. Натпреварувачите стартуваат секој посебно на интервал од 30 секунди. Се скијат 5 круга, што значи 4 пукања, меѓутоа овде е клучно што на секое промашување се додава 1 минута на времето, значи нема дополнителен круг. Што значи дека натпреварувачите располагаат со 20 куршуми.
13-ти Фебруари, Четврток 15:00 Индивидал Мажи
14-ти Фебруари, Петок 15:00 Индивидуал Жени
ГРУПЕН СТАРТ(MASS START)
Најдобрите 30 натпреварувачи моментално во светскиот куп во двете конкуренции стартуваат заедно(мажи, жени). Се скијат 5 круга, што значи 4 пукања, две во лежечки и две во стоечки став. Значи располагаат со по 20 куршуми. За секое промашување се ские дополнителен круг од по 150 метра.
16-ти Фебруари, Недела 16:00 Групен Старт Мажи
17-ти Фебруари, Понеделник 16:00 Групен Старт Жени
ШТАФЕТА(RELAY)
Секоја репрезрнтација учествува со по 4 натпреварувачи. Секој натпреварувач ские по три круга, што значи по две пукања по еднаш од лежечки и стоечки став. Разликата во куршумите овде е што натпреварувачите имаат 10 куршуми но и плус 6 значи по 3 дополнителни за секој став. Ако од 8 можностит не погоди 5 мети, натпреварувачот ские дополнителен круг од 150 метри за секое заостанато промашување. Кај мажите се трча 4 пати по 7,5 а кај жените 4 пати по 6 km.
Најновата дисциплина во Бијатлонот е мешаната штафета, имено таа е од ист формат како и обичната само што се натпреваруваат две жени и двајца мажи за секоја репрезернтација, 2 пати по 6 плус два пати по 7,5 km. За пукањето и куршумите важи истото како и кај обичната штафета.
19-ти Фебруари, Среда 15:30 Мешана Штафета
21-ви Фебруари, Петок 15:30 Женска Штафета
22-ри Фебруари, Сабота 15:30 Машка Штафета
ЗАПАМЕТЕТЕ ГИ СЛЕДНИВЕ ЛИЧНОСТИ(НАЈГОЛЕМИ ФАВОРИТИ ЗА МЕДАЛИ):
МАЖИ:
Martin Fourcade(Франција), Emil Hegle Svendsen(Норвешка)==> Најдобри моментално и водечки во светскиот куп, навистина не може да се одреди кој би освоил повеќе злата.
Исто така внимавајте на Русите, Германците и останатите Норвежани. Исто така никогаш на олимпијада не треба да се заборават и Американците.
Мој тип: Посебно внимание на Австриската машка штафета.
ЖЕНИ:
Tora Berger(Норвешка), Darya Domracheva(Белорусија), Gabriela Soukalova(Чешка)==> Измеѓу овие три натпреварувачки ќе се бара најуспешната.
Исто така да се внимава на Русиникте, Украинките, Германките и другите Норвежанки. Како можни од сенка што би изненадиле се Французинките, овде иако ги знаеме Американките кои се во спортот немаат никаква искра која би блеснала.
Мој тип: Една од Украинките ќе освои едно злато.
За жал Македонија нема да има натпреварувач, Дарко Дамјановски се натпреварува во второто по ранг натпреварување во Бијатлон, меѓутоа како нација немаме поени за да пратиме натпреварувач.
Од екс-ју просторите ќе го издвојам Јаков Фак, Хрватот со Словенски пасош кој минатата олимпијада изненади со бронзата во индивидуал.
Сите натпревари се атрактивни и ќе бидат пренесувани од МТВ. Оној кој следел еуроспорт ќе му недостига коментаторот Огњен Велиќ ама се надеваме некој од нашите достојно ќе го замени.
, odvaj cekam da pocne.