Бесплатни домови + здрав живот

[Mister No]

Што мислите за ваква понуда?

Дали само давање на куќи се доволна причина за да се вратат луѓето во напуштените села и да основаат дом и семејство?
Иако во глобала ја одобрувам идејата како почеток на нешто, лично мислам дека без други дополителни работи тешко може да биде реализирана.

Каде ги гледам причините :
Потреба од инвестиции во тие стари градби, проблеми со инфраструктура / патишта, сообраќајна поврзаност, водовод, амбуланти....

Било кој да реши да се насели треба да мисли на вработување и егзистенција, освен ако не се работи за пензионери со редовни пензии, но и таму ке се јават проблеми со немање амбуланти, редовен автобуски превоз и сл.
За млади луѓе е уште попроблематично, вработување, деца / училишта, амбуланта, превоз....

http://faktor.mk/archives/21721
Примамлива понуда за живот во Мариово-бесплатни домови и здрав живот!

Со цел да се зачува Мариовскиот крај, Општина Новаци понуди иновантно и несекојдневно решение. Донесена е одлука со која на сите оние кои сакаат да се вратат да живеат и работат во Мариово да им издаде општински згради без надомест на користење на долгорочен закуп од неколку децении.


- За да го вратиме животот во Мариово ние донесовме одлука да им го отстапиме на користење
нашите објекти, кои со територијалната децентрализација државата нам ни ги отстапи. На тој начин мислиме дека ќе наговориме некои Мариовци или други наши жители, да дојдат во Мариово, но не само за викендите туку и да останат да живеат – изјави градоначалникот Лазар Котевски.

Во мариовскиот крај постојат голем број на опустошени села без жители.

 

[nikola_bb]

Доколку обезбедат инфраструктура како што треба јас лично би отишол да живеам

 

[Mister No]

Сега за сега, Мариово го знаеме....
--- надополнето: 23 јануари 2013 во 13:33 ---
Инаку, да има решено инфраструктура, прво очекувам дека голем број пензионери би решиле да побегнат од гужвата во градовите.

Понатаму, мислам дека пример, на корисници на социјална помош, подобро би било да им обезбедат пример, еднократна помош во вид на обезбедување стока, овци, кози,земја, незнам што, е подобро решение од постојана месечна социјална помош од 2 или 3,000 денари. Ако не грешам, тој крај со векови живееле од сточарство и земјоделие

 

[bucio]

Така е ова на ти овци паси .
Море школа животна е тоа од дете ако не си со стока растен шо се вика кај ќе одгледуваш.

 

[boki_mkd]

И јас сум ЗА, ама со инфраструктура.
Срамота е во 21 век, 100км пруга да ги патуваш 5 саата ако не и повеќе.
Да има асален систем за превоз што ќе ми овозможи да стасам на работа
на време па макар и да станам 2 саата порано би одел.
Од скопскиов воздух по гнасно нема ништо во цела држава.

 

[lazar31]

Мерката на општината за давање живеалишта е добра но не и доволна за нешто помасовно населување на тие напуштени краишта. Добра е за некого кој веке има некоја поврзаност со тој крај и веке нешто работи таму па ова ке му биде добредојде, но тешко дека некој друг кој нема што да работи таму ке се насели само затоа што ке му се даде живеалиште. Покрај живеалиште треба да се обезбедат и други предуслови како: квалитетна земја која може да се наводнува, механизација, стока, убави патишта, амбуланти, училишта, некоја фабрика..... па во тој случај мислам дека би имало заинтересирани за населување на тие области, повекето би биле луѓе кои некогаш се иселиле од таму но сигурно ке има и по некој кој за прв пат би се населил таму.

 

[Strider]

Убава како идеја, но не се сложувам со тие што спомнале да се направи индустрија (фабрики) за да има кај да работат таму луѓето. Кај е недопрен и чист тој крај, уште индустрија му фали. Идеален е тој предел за сточарство развивање, па и за туризам може да се инвестира, голф терени и слично.
Нека им даде општината бесплатно живеалишта, нека им даде државата бесплатно земја за обработување на луѓето па кој сака нека работи живее. Нормално, проблем е инфраструктурата, но ако се врати (теоретски) животот таму и инвестициите полека ќе си дојдат. Вистинскиот проблем е што никој не сака крави и овци да одгледува или оранжериско производство...

 

[Muranyi]

Јас би отишол меѓу врачевите,шаманите,со нив да живеам.Ама во Мариово-не,не е тоа за мене.

 

[Anco]

Ај, станими Стале Попов,и кажи ни, на арно ли ќе е ова,
што се мисли со твое Мариово............и твојте празни села...
каде петли веќе одамна не пеат и магариња не рикаат.
Карши „Мекиците од Стража“- сега очекувам во најбрзо време,да се отвори продавница со нов македонски бренд,
„Воздухот од Мариово“ - ќе го има прво како пакуван производ,за лична употреба,а потоа се очекува и пуштање на употреба,
„Соба со Мариовски Воздух“ - каде понатаму ќе се и служи само Мариовски производи: дињи,круши,мед,сирење,вино.....
--------------------
Јас секако ќе бегам од овдека,ќе ја напуштам дедовината и ќе се навраќам понекогаш, бидеиќи им е овдека и вечниот дом.

 

[khz777]

Во селата нема вода , а не па инфраструктура .

 

[PurplePuma]

Во најмала рака, може да се поздрави одлуката на општината, која со сигурност не располага со големи средства. Следниот потег треба да биде на државно ниво, односно, Владата да инвестира тука. Ако никој друг, еден куп невработени има што би работеле било што и би имале ако ништо друго, кров над глава.

 

[Змејко и]

Во најмала рака, може да се поздрави одлуката на општината, која со сигурност не располага со големи средства. Следниот потег треба да биде на државно ниво, односно, Владата да инвестира тука. Ако никој друг, еден куп невработени има што би работеле било што и би имале ако ништо друго, кров над глава.

Владата да инвестира, да направи фабрики и облакодери, а за невработените да отвори универзитет "Св. Робинзон Крусо" со што ќе можат да се едуцираат и да станат компетитивни на пазарот на труд во Мариово.

 

[PurplePuma]

Владата да инвестира, да направи фабрики и облакодери, а за невработените да отвори универзитет "Св. Робинзон Крусо" со што ќе можат да се едуцираат и да станат компетитивни на пазарот на труд во Мариово.

Срцка си бе, срцка.

 

[boki_mkd]

Во селата нема вода , а не па инфраструктура .

Има, има. И тоа каква вода има. Само се запустени бунарите и чешмите.
Таа вода е 1000 пати почиста и поздрава од ова ѓубре што го пиеме тука
по градовите. Абе оди седи еден месец само на леб, сол и вода и после
напрај крвна слика, па ќе праиме муабет.