Инвестициите во енергетиката достигнаа 629 милиони евра
Албанскиот министер за економија и енергетика Дритан Прифти изјави дека во седумте месеци од годинава инвестициите во енергетиката достигнувале вредност од 629 милиони евра. Тој ова го поткрепи со барањата доставени до Министертвото за изградба на 51 хидроелектрична централа (ХЕЦ) и осум еолски паркови, чија вкупна инсталирана моќност изнесува 590 мегавати.
-Во Министерството за економија и енергетика само во изминатите седум месеци од годинава доставени се 51 барање за изградба на ХЕЦ, потпишани се 19 договори за изградба на исто толку ХЕЦ, додека 32 се во фаза на тендерирање или пред потпишување договор. Само за изградбата на ХЕЦ се предвидени 258 милиони евра, а ќе бидат со инсталирана моќност од 215 мегавати, изјави Прифти.
Што се однесува до осумте паркови за производство на електрична енергија од ветер, инвестицијата изнесува 434 милиони евра, а ќе бидат со инсталирана моќност од 375 мегавати.
Според Прифти од претходно издадените концесии, се изградени 30 ХЕЦ, некои од нив веќе почнале со работа, а 12 други се очекува да стартуваат со производство до крајот на годинава.
vecer
--- надополнето ---
Тројно зголемено домашното производство на нафта во Албанија
Домашното производство на нафта во Албанија, во првото тромесечие од годинава, е поголемо за три пати, споредено со истиот период лани.
Од нафтените извори во областа Патоз-Маринез просечното дневно производство изнесува 8282 барели (околу 1400 тони).
Во истовреме, двојно е повисока и цената на албанската нафта, од 24,73 долари за барел лани, на 47,16 долари годинава.
Албанската Влада преку нафтената компанија „Албпетрол“ годинава добила во просек по 9,65 долари по барел врз основа на правото на користење кое и е дадено на приватна компанија за ископ на нафта. Лани владата добивала по 6,61 долар за барел.
Поголемата количина од нафтата од изворите Патоз-Маринез се извезени за италијанските рафинерии преку пристаништето Валона.
Зголеменото прозиводство и повисоката цена, условиле приходите реализирани од споменатите извори, во првото тромесечие, да достигнат 35 милиони долари, наспроти ланските 13 милиони долари.