Ај вака. Бидеќи ти ја отвори темата и напиша за карактер и тренинг на расата, прочитај уште еднаш што си напишал.
Во ред е да кажеме дека расата е слатка, рунтава, флафи, мече, срце и дрн дрн лигавења за истата, но тоа не ја прави помалце опасна. Акитата има генетски предиспозиции исто како питот да биде борбено куче, со една разлика, што плус се користела и за лов. Кога не е во warrior mode, тогаш е во hunting mode. И не зборам за агресивност изразена кон луѓе, туку кон други животни, односно кучиња.
А за тоа што лично ми се обраќаш дека се возбудувам- баш спротивно. Не сакам на отворен форум да се шират дезинформации за одредени раси. Сакам, кога луѓето ќе читаат за оваа раса конкретно, да знаат со што ќе си имаат работа, пошто многу е лесно да кажеме дека одредена раса е супер и мила и фина и све само поради изгледот, и да не се залетуваат по истата без преходно да им бидат пласирани сите информации. Можам да разберам дека си пристрасен кон оваа раса (можеби имаш вакво куче, можеби планираш да имаш) но ова е генерална дискусија и треба да се земат во предвид сите аспекти на оваа раса. Еве лично ја, имам ротвајлер, но никогаш не сум напишала дека ротвајлерите се мили и слатки и фини, само поради тоа што мојот ротвајлер е таков, туку баш спротивно, секогаш кажувам дека овие кучиња се доста специфични и треба да им се пристапи внимателно, и секогаш да ги чуваат искусни познавачи. Малкуте разлики меѓу карактерот на акита и ротвајлер( читај остали работни раси), е тоа што другите раси примаат тренинг и затоа се користат како службени во најголемиот дел од земјите низ светов, а според мене и според многу познавачи, куче кое што тешко прима тренинг не е цвеќе за мирисање.