Љубов

[Joshua_Tree]

Да,тоа е суштината на мојот пост...нема логика,само убави чувства

 

[NeytiriteTskahaMo'at’ite]

Луѓето не веруваат во вистинска љубов бидејќи не ја искусиле. А поголем дел, скоро сите, не го разбираат тој поим на љубов, што многу ме иритира. Љубовта не е емоција, љубов е кога правиш нешто за другиот, не за себе. Love is not an emotion, it's an act. Љубов не е кога ти имаш потреба од него/неа, туку кога живееш за него/неа. Кога ја посакуваш повеќе неговата/ нејзината среќа, отколку твојата. На многумина ова им изгледа невозможно, научна фантастика, ама тоа е само поради нивната скептичност и негативност. Толку од мене.

 

[Jagod4e]

Свети Павле во своето Прво послание до Коринтјаните ја напишал : Химната на Љубовта

Да зборувам на сите човечки јазици,
па дури и на ангелски
штом љубов немам,
ќе бидам бакар, што ѕвони или кимбал што звечи.

Да имам пророчки дар
и да ги знам сите тајни,
да ги имам сите знаења за сите работи,
а и така силна вера, што и планини да преместувам
ако љубов немам, ништо не сум.

И да го раздадам целиот свој имот,
да дозволам телото да ми изгори,
штом љубов немам, ништо не ми користи.

Љубовта е долготрпелива, полна со добрина,
љубовта не завидува
љубовта не се превознесува,
не се гордее,
не прави што е непристојно,
не бара свое, не се срди,
не мисли зло,
на неправда не се радува, а на вистина се радува
се извинува, во се верува
на се се надева, се претрпува.

Според Ерих Фром зрелата љубов значи врска во која се зачувува сопствениот идентитет, својата индивидуалност. Љубовта е активна сила на човекот, сила која ги урива ѕидовите што ги разделуваат човекот од неговите ближни, која него го соединува со другите луѓе. Љубовта му помага на човекот да го совлада чувството на осаменост и одделеност, а сепак му дозволува да биде свој, да го задржи својот интегритет. Во љубовта се случува парадоксот две суштества да стануваат едно, а сепак да останат две!

 

[Љубовен Каскадер]

Технички, привлечноста, физичка и психолошка се јавува како показател дека потсвесно нашето тело ни вели дека оној/онаа што не привлекува поседува здрави, добри гени за продолжување на лозата. Љубовта е всушност некој вид на емоционален нус продукт кој се јавува кај парот, производ на поривот да се зачува плодот.

Бидејќи оваа карактеристика е сеопфатна за целиот човечки вид, сосем природно и нормално е да се јави и кај нехетеросексуални единки.

Привлечноста е водена од 2-3 невротрансмитери. Допаминот, кој е одговорен за desire-reward ефектите во мозокот, адреналинот, кој всушност ги побудува "пеперутките во стомакот" и серотонинот кој е главен виновник за просторот кој вашиот сакан го зафаќа во вашите мисли.

Приврзувањето, љубовта или како и да е, од друга страна е поврзан со окситоцинот и вазопресинот.
Окситоцинот се лачи при оргазам и веројатно ја "продлабочува" врската на партнерите. Овој хормон е виновен за она спомнато малку погоре, тоест, грижата за плодот. Окситоцинот е причината поради која кај мајката се лачи млеко при самото присуство на доенчето.
Експериментирање со стаорци покажало дека инјектирање окситоцин во единка која немала секс придонело до тоа да истата присвои и чува туѓи млади како свои.

Вазопресинот се лачи по сексот и заедно со бубрезите ја контролира жедта.
Експерименти покажале дека единки со потиснат вазопресин биле неуспешни во обидите да изградат стабилни врски.