m.Uslugi - дигитален паричник (дигитална лична карта / возачка дозвола)

[Acid]

Конечно, дочекавме да добиеме е-паричник!
Лично, како миленијалец со над 25-години дигитално искуство, мора да кажам дека со голема возбуда и нетрпение го дочекав пуштањето на апликацијата m.Uslugi. Првенствено, затоа што ич не сум фан на дебелите паричници и затоа што до сега ги имам дигитализирано (достапно на телефон) сите картички, од платежни - loyalty (за поени). Си викам, еј, топ, конечно нешто корисно. И затоа, веројатно сум еден од првите корисници кои ја инсталираа уште пред официјалната презентација.

Вака на прв поглед, си викам супер - лесно иде додавањево, за 2 минути додадов и лична и карта и возачка.

И после ми улета едно видео од промоцијата, во кое министерот одговара на новинар:

Прашање: "Ако утре ме сопре полиција, дали со прикажување на дигиталната возачка дозвола и лична карта ќе ме казнат?"

Одговор од министерот: "Со дигиталната, ако ја носите и пластичната, нема да ве казнат". (Ах, шегобиец еден!)

И тоа е сѐ што треба да знаете за апликацијата m.Uslugi и зошто ја одинсталирав по брза постапка, Да бевме 1995-та, па можеби ќе успееја да договорат барем во видеотеки да беа признати како валиден документ. Вака, додека не видиме некаква реална корист - чао, адиос.

Како што сфаќам јас, еве за кои работи може, а за кои не може да се користи дигиталната лична карта/возачка дозвола преку m.Uslugi.

✅ Може да се користи:
- За изнајмување на VHS ленти во видеотека;
- За купување на цигари / алкохол (само ако апла личиш на полнолетен);
- Да ја користиш како тема за разговор кога ќе снема други теми.
- Да ја покажеш на шалтер, за службеникот да ти каже: „Ама треба оригинал.“
- Да ја покажеш на другар што нема дигитална лична карта, за да му падне самодовербата;
- Како доказ дека си ја инсталирал апликацијата;
- Да ја покажеш на баба ти, за да ѝ објасниш дека личната карта веќе не мора да ја носиш, освен кога мора да ја носиш.
- Како дигитален доказ дека и државата има апликација.

⛔ Не може да се користи:
- Како валиден документ при контрола на полициски службеници;
- Во државни институции: МВР, општини, судови, УЈП, Централен регистар и др.
- При купување и регистрација на телекомуникациски услуги;
- Како валиден документ во банка;
- За гласање на избори;
- За регистрација на возило;
- Во здравствени институции;
- За поминување граница;
- За склучување договори;
- При вработување;
- На нотар;

Дали ја инсталиравте апликацијата и кои се вашите впечатоци?

 

[Цацимкд]

Не ја инсталирав и не планирам да ја користам додека сум жив. Самиот министер кажа дека институциите не се спремни за скенирање скур кодови. И препорачувам на сите што ќе го прочитаат мислењево да не ги лепат личните информации на изволте додека не дознаеме која фирма ја работи апликацијата и каков статус имаат во ајти секјурити.

 

[LepiDzoni]

Izmenite od zakonot vleguvaat vo sila na 1 Juni 2027. Ima vreme do togas. Ova e samo eden sneak peak.
Poleka Petre, treba prvo infrastruktura da izgradat za verifikacija, skeniranje itn.

 

[Acid]

Izmenite od zakonot vleguvaat vo sila na 1 Juni 2027. Ima vreme do togas. Ova e samo eden sneak peak.
Poleka Petre, treba prvo infrastruktura da izgradat za verifikacija, skeniranje itn.

Ги тераше некој со сила да ја промовираат апликацијава као некој вау, дигитален-бум?
Мислам, да преставуваш како револуционерно решение нешто што и ДО СЕГА беше достапно е несериозно.
Е-Услуги одамна функционираше за добивање на дигитални услуги, а „дигиталните лична карта и возачка“ не вредат ништо повеќе од тоа да си чуваш слика од нив во телефонот. Дека апликацијава „ќе ги намали редиците на шалтер“ - маломорген.

Може ли барем децава да ја користат за добивање пијачки и влез во диско?

 

[Lurtz]

Јас не и тешко дека и ќе ја инсталирам. Не дека не сакам олеснувања/новотарии ама ми делува на кажано, недокажано. Како и здравствените картички кога ги критикував па многумина ме нападнаа. И излезе дека бадијала ги плаќавме. Напишав тогаш и зошто.

Второ, не знам дали треба сам да ставиш слика, кај колегата видов дека му се појавува, но без слика што значи невалидна за идентификација. А пак мора да се идентификуваш, значи ништо посебно нема да смени.

Трето, постари или луѓе кои имаат обични мобилни, нема да можат ова да го користат.

А четвртото за крај, зошто кога веќе имаме електронски кодови од личните документи во мвр, истите тие институции не ги преземат па преку нив да не идентификуваат.

Има многу дејности за дигитализација што треба претходно да се средат, но ова не беше баш приоритет, посебно не без слика и недоречено (као и сејф сити).

Башка што службеникот ќе мора пак да направи копија (мора) и да ја испечати за да ја стави во досие на хартија. Затоа што законски таква документација мора и на хартија да се чува. Триста хартиени копии нотарите и банкарите ти чуваат, цело досие.

Автоматски споено мислење: четврток во 14:57

Да не ги заборавам и поздрав до ПИОМ каде е хаос со стажот, а ја рекламираат новинава и за М1/М2 образец.

Има многу што да се средува претходно ама жабата и коњот.

 

[Ireal]

во Катастар ќерката сврши работа со дигитална венчаница, оригиналната некаде и ја задржале, а разбирам да бара на увид а копија да задржи. Патем, на ВРЕМЕТО се ЗАБРАНИ фотокопирање на лична карта, ама тоа бидна " вежи мачку о реп", т.е. копираа и копираат на пример во банка, после некој ко ќе напраи дубара со тнр брзи кредити во кеш, на МВР му се отвара работа. Инаку еве на пример проверка на Телефон и Емаил адреса се вршина шалтер ама ДИГИТАЛНО, добиваш пин на телефонот и помеил....

 

[Ron Burgundy]

Булшит ствари. Исто ко со плаќање со мобилен. Многу поедноставно е со картичка да ти е лична или плаќање. Со ова додаваш чекори у процесот.

 

[Zlatikevichius]

Се сеќавате кога, уште пред 15 години направија дигитална здравствена легитимација? Ни собраа по 350 мислам беше, денари - во тоа време многу пари, го наполнија буџетот. За 5 години, кога истече важноста на картичките - пу, пу - не важи. Џабе сме плаќале, веќе нема да важат, се враќаат старите здравствени легитимации.

Ова му доаѓа ко дежа ву, само што, фала Богу, сега не не тераат да плаќаме. Само чуму помпезноста, еве да ме убиеш - не знам.

 

[LepiDzoni]

Ги тераше некој со сила да ја промовираат апликацијава као некој вау, дигитален-бум?
Мислам, да преставуваш како револуционерно решение нешто што и ДО СЕГА беше достапно е несериозно.
Е-Услуги одамна функционираше за добивање на дигитални услуги, а „дигиталните лична карта и возачка“ не вредат ништо повеќе од тоа да си чуваш слика од нив во телефонот. Дека апликацијава „ќе ги намали редиците на шалтер“ - маломорген.

Може ли барем децава да ја користат за добивање пијачки и влез во диско?

Se slagam deka e neseriozno. Momentalnata funkcionalnost ne e ni na MVP nivo.

No nejse, jas sum optimist. Novite zakonski izmeni sto stapuvaat na sila vo Juni 2027, megju drugoto predviduvaat mnogu interesni noviteti.

Prvo, deka novite digitalni paricnici mozat da se koristat za pristap do servisi i od privatni i od drzavni provajderi.

Potoa spored istive zakonski izmeni, paricnicite mora da podrzuvaat interfejsi i protokoli (API ili SDK) za baranje i verificiranje podatoci i atributi.

A isto taka dozvoluva na site zainteresirani pravni lica da mozat da ovozmozat prifakjanje na digitalni paricnici.

 

[Zlatikevichius]

Prvo, deka novite digitalni paricnici mozat da se koristat za pristap do servisi i od privatni i od drzavni provajderi.

Какви се тие нови дигитални паричници и што ќе овозможуваат повеќе што веќе не ни е достапно со Google Wallet, на пример?

 

[lunatik]

во Катастар ќерката сврши работа со дигитална венчаница, оригиналната некаде и ја задржале, а разбирам да бара на увид а копија да задржи. Патем, на ВРЕМЕТО се ЗАБРАНИ фотокопирање на лична карта, ама тоа бидна " вежи мачку о реп", т.е. копираа и копираат на пример во банка, после некој ко ќе напраи дубара со тнр брзи кредити во кеш, на МВР му се отвара работа. Инаку еве на пример проверка на Телефон и Емаил адреса се вршина шалтер ама ДИГИТАЛНО, добиваш пин на телефонот и помеил....

Дигиталните документи с еисто веродостојни како и другите со печат.Тоа што кај на симаме вработени по институции што уште не знааат за нив е проблемот.Ги признаваат и во многу држави преведени со овластен преведувач.Конкретно имав искуство во Хрватска два пати досега со документ за неосудуван преведен на Хрватски завршив работа.Предноста е што можеш да ги вадиш онлајн или од канцеларија за услуги без разлика на место на раѓање што досега беше проблем бидејќи мораше да одиш во град на место на раѓање за да вадиш потврда за неосудуван или извод.

 

[Ptolomej]

Не планирам да ја инсталирам апликацијата , ниту сега ниту в`година . Не гледам никаква поента во ова , башка што не сум баш сигурен дека е 100 % сигурно да имаш вакви лични податоци на мобилниот . Иначе некој спомна погоре дека е незаконски да се копираат лични карти и пасоши . Можи да е така ама во хотелот кај шо работам на рецепција нон стоп ги копираме документите за лична идентификација на гостите ( и странски и домашни гости ) . Сигурен сум дека и во други хотели прават така . Acid нешто рече дека не сакал да носи паричник со него и се му било дигитализирано , а јас па напротив скоро ништо не ми е дигитализирано и си го носам " дебелиот " паричник со мене . До толку сум против дигитализацијата што никогаш не сум платил никаква сметка со некоја он-лајн апликација за плаќање . Да не се разбериме погрешно , не сум против развој на технологијата , туку конкретно зборувам за дигитално плаќање сметки и дигитални документи , затоа што мислам дека со тоа се нарушува приватноста .

 

[Zlatikevichius]

Иначе некој спомна погоре дека е незаконски да се копираат лични карти и пасоши . Можи да е така ама во хотелот кај шо работам на рецепција нон стоп ги копираме документите за лична идентификација на гостите ( и странски и домашни гости ) .

Незаконски е, освен таму каде е утврдено со посебен закон дека може да се прибираат такви лични податоци, каков што е случајот со хотелите. Со закон за пријавување на живеалиште и престојувалиште, изгласан во 2023, хотелите и другите сместувачки капацитети може да чуваат такви лични податоци како копија од лична карта. Само ко што знам, според законот за лична карта, должни се да издадат потврда во која ќе пишува дека направиле копија од твојата лична карта и заради кои цели и како истата ќе се чува.

 

[Lokvan]

Ко за некој што своевремено има оставано секакви податоци на сајтови ко mommymilkers точка ком, по што цела Африка и Азија му ги баратаат сите можни лични податоци, немам образ да зборам за заштита на лични податоци. Ама дека неможам да ја користам по банки и полиции, не им ја симињам.

 

[Joey-Jojo Jr. Shabadoo]

Ако некад почнам да користам смартфон, ќе почнам да размислувам дали да ги стаам возачката и личната на него. Али пошто план ми е да го откачам и обичниот мобилен за неколку години, ништо од дигитални документи кај мене.
Треба да го прашам министерот дали може на статичен да се монтира лична карта. Онаков со вртење, како што треба. Моментално барам таков за да го сменам овој што ми е сега, со дигитални бројки и копчиња.