Потценети филмови

[YoucancallmeV]

Оваа тема ја отварам како филмоман за други филмомани да си дадат предлози за филмови кои заслужуваат да се гледаат ама поради некоја причина се хејтани, со низок рејтинг, не добиле доволно внимание и публицитет итн. Со еден збор потценети филмови. Веќе ми е смешно кога со некој ќе збориме за филмови и да ми препорача некој негов омилен филм и ќе ми каже Shawshank Redemption или Matrix. Нели, вау, како ли се сети.

Ајде, ја ќе почнам со 2, едниот е комедија која не го добила вниманието што го заслужува ниту има добар рејтинг:

Water (1985) - https://www.imdb.com/title/tt0090297/

Одличен филм, одлично сценарио, просечна накај добра глума, лабав и лесен за гледање, лесно му давам 7.5/10.

Вториот е интересен кај да се смести, да го сместам во комбо на сај-фај и филозовска драма. Малку е налик на Сансет лимитед, се случува во една кабина цел филм, но со различни теми на разговор.

The Man from Earth (2007) - https://www.imdb.com/title/tt0756683/?ref_=nv_sr_srsg_0_tt_8_nm_0_in_0_q_man from ea

Еден од присутните има доста интересен живот, и зборат за се што му се случило и покриваат разни теми како филозофија, историја, религија итн. Исто лесно му давам 7.5/10.

Ќе имам и натака други филмови, но толку во моментов. Повелете вие. Happy watching!

 

[mendieta]

" Lost Highway " "Inland Empire" ако сакате психолошки трилери од Д. Линч

 

[Shawn Spencer]

" Lost Highway " "Inland Empire" ако сакате психолошки трилери од Д. Линч

Насловот вика потценети, а не преценети филмови.

 

[Manga]

Дефинитивно прв што ми доаѓа на мисла е ..

Sorcerer - 1977



​

Иако држи солидна оценка, овој филм е потценет уште пред да почне да се прикажува по кино салите...

Ја имал несреќата да се прикажува заедно со Star Wars 1977 и тоа масивно ја намалило неговата изложеност за да биде букиран по кино сали, второ - насловот нема никаква врска со сценариото и не е фантазија филм или нешто слично, трето - критичарите во тоа време не биле одушевени од тоа што нуди филмот, всушност ова е еден од најтензичните драма трилери што сум ги гледал, името на камионот е Sorcerer оти самиот камион е главниот карактер во филмот.

Филмот е направен како монументално дело и предизвик од страна на Вилијам Фридкин кој во 70тите важел за еден од двајцата најдобри режисери (он е режисер на The Еxorcist и The French Connection - два филма што грабаат оскари) заедно со Френсис Форд Копола - meanwhile Копола го правел легендарниот Apocalypse Now и целата продукција длабоко во џунглите за тој филм била озогласена као нешто епско и невозможно ... Фридкин слушнал за тоа и сакал и он да има таков предизвик па собрал екипа за да го снима Волшебникот во џунгли. Филмот бил озогласен поради тешкотиите при снимање и кавгите и Фридкин смета дека и покрај сето тоа ова е неговиот магнум опус.

Филмот вреди да се погледне, се работи за група на карактери кои судбината ги носи да живеат близу до џунгла и се одбрани да донесат карго високо ризичен експлозив со помош на камиони низ непроодна и опасна џунгла,има прекрасно субтилна музика од Tangerine Dream, убава кинематографија и тензија ипол.

 

[Shawn Spencer]

Sorcerer може не успеал пошто е римејк. Скоро го гледав, океј филм, али далеку од францускиот оригинал The Wages of Fear (Le Salaire de la Peur) што е веројатно еден од најдобрите трилери некогаш снимени.

 

[Manga]

Sorcerer може не успеал пошто е римејк. Скоро го гледав, океј филм, али далеку од францускиот оригинал The Wages of Fear (Le Salaire de la Peur) што е веројатно еден од најдобрите трилери некогаш снимени.

Не верувам дека мнозинство во 1977 ќе се замара дали некој филм е римејк, дел од тие што отишле да го гледаат отишле ради насловот оти мислеле дека е висока фантазија како жанр кој станува популарен во тоа време, повеќето други гледале Војна на ѕвездите оти било културен феномен ... францускиот е црно-бел и има барем појасно име за што да очекуваш во време без интернет. Дали е далеку од оригиналот, се сомневам .. римејкот ми остави поголем впечаток.

 

[Tyler Durden]

Обично холивуски римејкови се послаби од оригиналот, ама овдека тоа не е случај, сценава со мостот е вистинско ремек дело и тензија која што ретко може да се прикаже на филм.



Вилијам Фридкин е еден од најпотценетите режисери, а од неговиве филмови дефинитивно вреди да се спомне и To Live and Die in La (1985), прејак филм. Последниве 25 минути од филмов се апсолутна лудница.

 

[SK-92]

Има многу потценети филмови ама вака на прва без листање од поновиве, прво нешто што ми иде на ум е Warcraft кој скоро го репризирав и морав исто како и првиот пат да гуглам после тоа за да разберам зашто остана без продолжение.
Стварно не го разбирам хејтот и не знам кои биле очекувањата на оние хардкор фановите ама филмот е солиден.

 

[Гостин]

Има многу потценети филмови ама вака на прва без листање од поновиве, прво нешто што ми иде на ум е Warcraft кој скоро го репризирав и морав исто како и првиот пат да гуглам после тоа за да разберам зашто остана без продолжение.
Стварно не го разбирам хејтот и не знам кои биле очекувањата на оние хардкор фановите ама филмот е солиден.

Мене само ми текнува дека ми беше мех, заборавив и што беше приказната. Како и да е, треба да се направи филм со дејството на Warcraft 3.

 

[wot]

" Lost Highway " "Inland Empire" ако сакате психолошки трилери од Д. Линч

Насловот вика потценети, а не преценети филмови.

Ама да, не се потценети бидејќи се едни од најдобрите филмови. Inland Empire мене ми е најдобриот од Lynch, дури го имав во топ четирите на Letterboxd, но го замени Stalker на Tarkovsky пред некоја година. Другите на таа топ листа покрај Stalker се Enter the Void, Persona и Fight Club. Треба да размислам дали ова има сеуште смисла.

The Man from Earth e исто еден од доста зборените на форумот исто, филмови како овој кои со декади беа во топ 100 на имдб и остали листи, не може да ги сметаме потценети.

Некои филмови на кои се сеќавам кои ме оставиле баш со тоа "еј овој добар излезе, доста потценет" ми биле:

A Boy and His Dog (1975)
Dead & Buried (1981)

Првиот е со бившата пудлица на @мкд владе а крајот е баш и во негов стил. Препорака до него најмногу за филмот, во 1975 вака мислеле дека постапокалиптично сценарио во 2024 ќе изгледа.

 

[Reds United]

Дискутабилно ќе биде дали успеал или не. Генерално има добар рејтинг на IMDB, ама оскуден список на номинации и награди.

The Legend of 1900

По мене фантастичен филм, буди некоја носталгија (во стилот на далеку поуспешниот Cinema Paradiso на пример), Тим Рут ретко добра главна улога (кој што почесто игра споредни улоги), добра приказна, добра музика, режија, сценографија.

Се на се, мене овој филм ми е 9,5/10.

 

[Kangchenjunga]

Јас Biutiful (2010) би го споменал, режија Inarritu, главна улога Bardem. Потценет затоа што по премиерата добива доста поделени мислења од филмската критика, а и од комерцијален аспект е неуспех.

Инаку апсолутно се согласувам за The Sorcerer (1977) споменат претходно. Го имам и The Wages of Fear (1953) гледано, добар филм, меѓутоа мислам дека е обележан од времето во кое е направен. The Sorcerer го нема тој проблем. Саундтракот е исто така врвен, максимално ја доловува целата тензија, suspense атмосфера. Мене омилена сцена ми е климаксот.

 

[Гостин]

Office Space е многу потценет филм. Генерално комедии никој не ги ебава 2%, а филмот е ремек дело.

 

[Tyler Durden]

Јас Biutiful (2010) би го споменал, режија Inarritu, главна улога Bardem. Потценет затоа што по премиерата добива доста поделени мислења од филмската критика, а и од комерцијален аспект е неуспех.

Инаку апсолутно се согласувам за The Sorcerer (1977) споменат претходно. Го имам и The Wages of Fear (1953) гледано, добар филм, меѓутоа мислам дека е обележан од времето во кое е направен. The Sorcerer го нема тој проблем. Саундтракот е исто така врвен, максимално ја доловува целата тензија, suspense атмосфера. Мене омилена сцена ми е климаксот.

Многу eerie атмосфера има, во секој момент мислиш дека може да се деси нешто лошо, како да гледаш хорор филм. Фридкин одлично ја има пресликано атмосферата од Exorcist во филмов, а истата атмосфера ја има и во French Connection и To Live and Die in L.A.

 

[Zlatikevichius]

The Man from Earth e исто еден од доста зборените на форумот исто, филмови како овој кои со декади беа во топ 100 на имдб и остали листи, не може да ги сметаме потценети.

Истото ќе го речев. Башка и го има во нашиот нов каталог на филмови за тапчовци. И плус со 7.8 оценка на IMDB. Ама ај реков да не мудрувам многу.