Ќерка ми ќе биде 13 месеци кога ќе одиме на одмор, па сакав да се спремам психички и физички околу тоа што ме очекува. Кога беше 4 месечно бебе ја штитевме од сонце и си седеше во скут кај нас. Сега веќе кога е една година работите се малку по различни па се надевав некој да сподели искуство. Плажата ќе е песочна, долга и широка. Малата сеуште не е проодена, но можно е и тоа да се случи во секој момент.
Ова ми се врти во глава:
1. Облека: од оние купаќите што го покриваат телото и имаат UV заштита. Обувки за заштита од жежок песок. Шеширчиња.
2. Ќе биде мачкана со фактор за UV заштита.
3. Ќе и купам некаква гума за да си се шлапа во плиткото
4. Мало базенче за да се шлапа до нас под чадор
5. Играчки за во базенчето
6. Лопатки и слични играчки за играње во песок
Препорака за нешто друго? Сакам да поминам со што е можно помалку стресови, иако очекувам да има турбуленции
Со мајка и сеуште не и даваме да гледа во телефони (и екрани воопшто), па ќе треба некаква занимација за да биде колку толку мирна.
Благодарам однапред!
Најдобро си го познаваш детето и напразно би ти давале совети останатите.
Многу често луѓето си делат совети само од сопствена гледна точка, а не сфаќаат дека не се сите деца исти и тоа што важи за едно дете, не важи за други.
Некогаш не можеш да влијаеш на карактерот на децата, ниту врз нивната желба за јадење, спиење и плачењето, трите работи што го менуваат степенот на тежина на родителството.
Во друштво имам другари кои имаат деца како бајчиња. Мирни, не се плачковци, каде сакаат ги носат, без никакви проблеми. Светот го прошетаа со авиони, додека наполнат децата 2 години.
Од друга страна сме останатите што немавме таква среќа
Другар еднаш леташе со авион и рече наредно ќе летал кога ќе направат децата 15 години. Мојот не може да издржи пат со кола подолг од 2 часа. После тоа и да сакаш не можеш да возиш, ушите ти ги распарува од плачење. Цела Македонија ја шетаме, ама секаде со преспивање и паузи. За авион не сакам ни да помислам, уште сега знам какво урлање ќе биде. И за мене тоа е бесмислено, само измачување за детето и го изложуваш на непотребен ризик, а него му е сеедно дали ќе трча во парк во Сарај или ќе шета во Барселона. Секако 5 метра еден саат ги одиме, во количка не седи, не знам која би била поентата да летаме некаде, освен да се фалиме дека сме биле.
И ние не му даваме screen time и глумиме кловнови 24/7, а немаме помош од никого. Некои што имаат константна помош од родители, па макар и јадење да им зготват или да им ги носат/земаат од градинка имаат бар едно 500 пати полесно родителство.
Да се вратам на темава.
На досегашниве одмори, искуството ни е дека не сакал да чуе да влезе во вода (да го брцаш) и се' друго му било поинтересно во првата година. Ниту во Охрид/Дојран, ниту во Грција. На море бевме кога имаше 9 месеци и седењето на плажа беше мачење за него. Одевме рано, до 11:30 веќе бевме дома, после одевме пак накај 5-6 попладне.
Немавме помош од други, бидејќи бевме сами, па тој што не е во вода мораше да внимава цело време да не изеде песок детето. Цело време се боревме со песокот. Играчките не му беа интересни на плажа, само песокот. Дете на 13 месеци веќе може да копка по песокот и веројатно тоа ќе ви биде главна занимација. Не сме носеле базенче, бидејќи и дома џабе му го купив, се утепува плачејќи во базенчето.
Во море го брцавме по 10-тина минути, ама ич не сакаше, цела плажа слушаше како се дере (со неколку светли моменти). Да не зборувам за облекувањето купачи и преслекувањето после тоа, мислиш некој го коле со нож. Тука исуствата се различни, има бебиња уживаат да лебдат во гуми во плиткото. На другар детето на две години плива растура. Пак ќе кажам, горе-доле сам си го познаваш детето најдобро.
Од практичниве совети, кои горе-доле си ги набројал, би ти препорачал (и убаво е секој што оди со мало дете да го има) фактор за сончање, купачи со UV заштита и секако - лекарства. Никогаш не можеш да знаеш дали ќе налеташ на стомачен вирус или било каква болест. Ефералган, Блокмакс, Нолпаза, електролити за деца (не памтам како се викаа) и слични срања што веќе сум заборавил како се викаа. Носко и физиолошки раствор
Ако не земате лежалки туку одите самостојно на плажа, имаш убави големи чадори во Џамбо, а би ти препорачал и едно големо шаторско крило за да си лежи на него. Да не се замараш да се пика меѓу пешкири иииии да лапа песок
на одмор кога одевме Охрид, во ладата натоварени до трт, шатори матори, ние со брат ми назад легнати, пекол внатре, па еве не, не умревме 
