Нокаут - Нокаут 2.5/5
До последен момент се мислев дали 2.5 или 3 да ставам, ама навистина има многу несериозни песни и би било неправедно да дадам 3 тука, па ова ќе е редок случај да одам со пониската оцена, ама мислам дека е праведно.
Фатална опсесија - Оваа е една од песните од албумот која се пее до ден денес, по концерти, на свирки ја свират кавер бендови. Никогаш не ми се допаѓала нешто посебно, ама има и многу поглупи песни на Нокаут. Генерално Нокаут има добри балади кои ми се драги како Лебедот бел, но овие диско брзиве (кои претежно ако не и сите се крадени), навистина не ми се допаѓаат. Рефренот ми е особено доста глупав тука, тоа сецкање на зборови во рефрен ич не ми се допадна, океј е текстот во строфите измеѓу рефренот, стиховите со Цезар, Шекспир итн.
Бум - Песнава е тежок промашај, пробав нешто да и најдам добро, ама не успеав. Ова е некоја песна во Нови Дечки стил, воопшто не ми се допадна.
Ел мамбо - Ова пак е Ристо бомбата стил... Што да се каже, тотално несериозна песна, непевлива, неслушлива, глупирање кое до некаде може да се оправда кога ќе се види колку години имале тогаш.
Би се викал те сакам - Најдобра песна во албумот, топ3 песни на Нокаут до ден денес. Песна без која не може да помине некој нивни концерт, особено ако е unplugged.
Тарас буљба - Ова на Студени Нозе ме потсети дури. Не ми се допаѓа, ритамот сличен ми е како Фатална Опсесија, може и врска си нема ама така ми звучи. Текстот е преглуп, ама најмногу не ми се допаѓа начинов на пеење/рецитирање, како пијан човек, па на моменти ќе издолжуваме зборови, на моменти ќе се лигавиме, смееме, ќе викаме како на трибина, како некое демо да си имале на заебанција па си го уфрлиле во албум. А пола во албумов им се такви “демо на заебанција“ квалитет песни.
Ти си луд - Оваа ми е подобра од минатата, не ми се допаѓа, ама е послушлива, рефренот е каде каде попевлив.
Еј Би Си - Оваа сигурно е крадена, познат е и оригиналот. Има и навивачка верзија од песнава. Можеби нивна најпозната песна или барем во топ3. Отсекогаш ми сметале неартикулираните звуци после рефренот, лаења на кучиња итн. Текстот е доста глупав, ама па рефренот е заразен, ритамот краден е интересен и целата песна лесно влага во уво и е певлива. Меѓу подобрите на албумот е реално.
Временска машина - И оваа е меѓу најпознатите на албумот. Уште една песна од категорија побрзи песни за журка, диско ритам. Тежок просек е, ама се носи добро со времето, уште се врти на сите забави, рефренот е певлив, ритамот заразен, може да се каже и за неа дека е меѓу подобрите од албумот.
Сина светлина - Не е лоша оваа песна, доста е и заборавена и потценета. Не дека е нешто посебно добра, ама имаат поглупи попознати песни. Инструменталката ми е супер. Скроз ми е непотребно стенкањето на крајот.
“Ми треба нешто вакво зошто памет не ми доаѓа“
Ни лук јал ни лук мирисал - Оваа е претходникот на “Телефонскиот број не постои“ значи. Не ми се допаѓа, не ми задоволуа доволно категории ова да е песна, ќе ја ставам во иста категорија со многуте прдешки заебанции песни.
Нокаут - Ептен лошо почна, уши да те заболат. После малку се подоправи, па на “рефренот“ т.е. скандирањата Нокаут, пак ми беше лоша. Горе доле уште една лоша песна од албумот.
Дождот - Подобра е од повеќето други песни на албумот. Уште една потценета песна од албумот. Имам замерки во пеењето на рефренот, а страшен потенцијал има со целиот сетап, добар е текстот и музичката прогресија ми се допадна. Во горна половина на албумот е секако оваа.
