- Член од
- 4 ноември 2017
- Мислења
- 2.213
- Поени од реакции
- 4.180
Не реков дека е лош. Денес даде 3 гола, ама и три пати промаши. Не викам дека немаше добри асистенции, ама имаше и доста лоши. Да бидеме реални.
А, денес јасно беше дека ќе не сомелат швабиве. Тие муабети - изгубивме глави, направивме грешки - се одлепија. Тоа се глупости. Кога тогаш ќе дојдеше момент кога овие ќе нагазеа на гас, и немаше да може да ги следиме. Ќе изиграат 10-15 мин супер озбилно. Ќе се одлепат, и тоа е тоа. Стално е така кога има разлика меѓу екипи во квалитет. Како пред недела кога Битолчанине играа со Монпелје, водеа прво, и после овие за 15 мин им направија серија 11-3, и им покажаа кој е кој.
Јас уште не сум продаден дека е полн погодок ово Јасухира. Ги гледав сите подготвителни натпревари, кои не се репер ептен. Пак ќе кажам, не викам дека е лош, само не сум убеден толку дека е топ како што го прават луѓе. Мислам дека е Јапонец, тоа им го прави посимпатичен на сите.
Дечкото е брз, пробивен, и има осет за додавање. Не се споредува со Карапалевски, кој воопшто не е пробивен, ама тоа не е достигнување, ја лани барав да го пуштат Мартин да си оди од клубот, зошто според мене нема потенцијал да се подобри.
За Јапонецов, мора да се има предвид дека се работи за човек кој нема 70кг, и е висок метро седумдест два. Не викам дека тоа е одлучно, не е, ама треба да си прилично талент да функционираш на високо, па и на средно ниво со тие предизпозиции. Овој поминал во Ним и во Висла и не импресионирал во двата клуба до степен да направат напор да го задржат. Во Ним дошол ради повреда на 6 месеци договор да пополни дупка во ростер по желба на претседателот кој го гледал на младинско првенство, а кога потпиша за Вардар, му ја гледав статистиката во Висла, поголема минутажа во домашно првенство добивал само во некои небитни натпревари. Во ЛШ, во некои не ни влегол. Океј тоа е врвот, па е донекаде и разбирливо. Сепак, има 23 години, а Борко рече дека во договорот за позајмица, од Висла дале можност да му го откупиме. Што ти кажува дека не сметаат тие многу на него. А го гледале на тренинг, на натпревари цела година. Ја базираат таа проценка на нешто.
Сепак, не значи дека ако не е доволно добар за нив, дека нема да биде за нас. Ама, уште е рано според мене да се расфрламе со изјави дека некој е полн погодок кога уште е почнато сериозно натпреварување. Ќе видиме работи како ќе се развиваат. Јас секогаш сум скептичен по природа за млади недокажани играчи. Ќе видиме. Дај боже да е топ.
