https://off.net.mk/vesti/mislenja/noviot-bog-klimatskite-promeni
Новиот Бог- климатските промени
5 август 2023 - 14:51
Короната веќе не е ин, сега најдоа нова религија. Климатските промени. Нешто толку тривијално и јасно за секое дете. Климата се менува откако постои Земјата. Но сега ние ќе испаднеме паметни ако секој ден нагласуваме дека климата се менува. Имате бонус поени ако „негаторите“ ги обвините дека ги загрозуваат вашите деца или ја повикате владата да забрани туширање или возење кола.
Урагански ветар, каков што не се сеќаваме на нашите простори, ја погоди континентална Хрватска, нанесе голема штета и однесе четири животи. Вистинска природна катастрофа. Ова беше поттик за дежурните паничари во медиумите и политиката повторно да го побараат она што секогаш и постојано го бараат - поголема државна контрола, повеќе јавни трошења и осиромашување на населението.
Многумина тоа го сфатија како можност да ги изразат своите доблести на коронашки начин, а ние знаеме како се прави тоа - ќе измислиш непостоечки непријатели и ќе ги обвиниш за загрозување на животите на вашите најблиски. Овој пат добар пример сигнализираше уредникот на Вечерњи лист.
За каков лик и дело станува збор, доволно е да потсетиме дека тоа е човекот кој во 2020 година ја водеше жестоката кампања на Вечерњи против Шведска и Швеѓаните, кога ги обвини Швеѓаните дека ги убиваат своите стари луѓе со морфиум затоа што штедат на кислород. Шведска уште долго беше во неговиот фокус, па трипати ја објави веста (?!) дека Шведска воведува карантин, иако тоа никогаш не се случи.
Маркас и неговите колеги од Вечерњи лист никогаш не ги корегираа дезинформациите што редовно ги објавуваат, ниту пак почувствуваа потреба јавно да им се извинат на читателите. Тоа значи дека нивното дезинформирање на јавноста не е случајно и ненамерно, тоа е модус операнди.
Човекот тоа го прави за живот. Замислете го вие тоа. Некој да те праша што работиш за живеење, но мораш да одговориш искрено, па мораш да кажеш: „Знаеш, јас сум уредник, платен сум да манипулирам и да лажам“. Добро тогаш, можеби некому правиш услуга. Дали твојата дезинформација е корисна за некого? „Па... да, корисна е за владата - онаа во Брисел и онаа во Загреб. Затоа нè плаќаат, да шириме тегобност и паника. Кога луѓето се во страв и паника, тогаш политичарите можат полесно да проневерат милијарди евра, како што го правеа додека ги плашевме луѓето со корона“.
Значи, човекот им е корисен на Пленковиќ и на Урсула. Не е тоа ништо необично, има уште такви, но навистина е слатко кога ваквите ликови, кои буквално живеат од ширење страв и паника, ќе почнат да обвинуваат некој друг дека им ги загрозува животите на нивните деца.
Не знаеме кои се овие луѓе кои ги негираат климатските промени кои Маркас ги нападна во својот твит. Јас лично не сум наишол на таков човек. И да постојат некаде такви поединци, тие се крајно небитни, како рамноземјашите. На кој начи таков поединец би можел да го загрози животот на децата и на идните внуци на Маркас, тоа би било логично прашање - кога би знаеле дека тој е разумен човек. Но бидејќи знаеме кој е Маркас, што работи и што има објавено досега, ваквите прашања се излишни. Знаеме дека треска глупости и измислува.
Многу полесно би било да се поврзе тој и другите уредници на медиумските портали, кои објавуваат по стотина „вести“ дневно со намера да шират вознемиреност и паника, со илјадници смртни случаи во Хрватска. Дури и во времето на короната, анксиозноста беше на самиот врв на коморбидитети.
Но, ним не им е гајле за тоа. Короната веќе не е ин, сега најдоа нова религија. Климатските промени. Нешто толку тривијално и јасно за секое дете. Климата се менува откако постои Земјата. Но, еј, сега ние ќе испаднеме паметни и добри ако секој ден нагласуваме дека климата се менува. Дополнителни поени добивате ако ги спомнете грозните „негатори“ на климатските промени и ги обвините дека ги загрозуваат вашите деца. Уште дополнителни поени добивате ако ја повикате владата да воведе некои мерки, на пример да им забрани на луѓето да се тушираат или да возат кола, што и да е. А највисоко ниво се секако кампови за непослушните.
Сето тоа веќе го имаме видено. Коронашите продолжуваат со истата реторика и жестокост, само го сменија богот или предметот на нивната квази-религија. Се префрлија од вируси на клима. Не се прославија баш со спречување на вирусот. Баш да видиме како ќе им оди да ја сопрат природата.
Марио Накиќ
