Број 1 причина зошто ги сакам Арапите за нови газди е целиот циркус кој што се случува околу клубот последните десетина години. За Јунајтед да се врати таму каде што го сакаме треба многу промени. За такви големи промени треба многу финансии и многу амбиции - нешто што го нема во Глејзери и Ратклиф. Треба да дојде некој кој ќе фрли многу пари, ќе донесе прави луѓе насекаде во клубот, ќе промени инфраструктура, и се друго од корен. Такво нешто гледам само со Катарската опција.
Не треба да си многу експерт, едноставно види (за огромна жал) другиот клуб од Манчестер како е воден. Имаш пример како со финансии се прави моќен клуб. Сите испити ги имат положено - стадион, академија, прв тим, регрутација, се имаат на ниво, освојуваат ПЛ со по 100 поени, еве освоија и тројна круна. Останува уште да видиме каква транзиција ќе имат после Пеп. Засега одат само во нагорна линија. Ја имат и моќта да ги фаќат во криминал и ништо да не им можат - тоа е вистинска моќ, и за такво нешто треба многу пари. За жал таква е играта веќе, и ако сакаме да се вратиме на врвот, треба да почнеме да ја играме.
Сето ова што се случува моментално со Де Геа, Маунт, и другите ситуации е директно поврзано со финансиите и буџетот со кој што располагаме, и неговото менаџирање години уназад. Ете и Челзи најде начин да го заобиколи ФФП и регулациите, уште еден доказ дека со пари и амбиции може да се најде решение. Ние немаме ни пари ни амбиции моментално. Само да не го изгубиме и Тен Хаг во ова безредие, и да се вратиме целосно на нула.