Детонит-Вардар прво гостување за сезонава. Мислам дека лагано бевме над 150 во копот. Со оглед на тоа што се работи за мирно гостување голем дел од групата се упати кон Радовиш уште сабота сабајле или петок вечер. Градските кафани веќе од 12 беа полни со Комити од целата Македонија, вклучувајќи го и Пиринот.
@Saber Rider пиша подетално за денската екскурзија, прекрасна атмосфера и топол пречек од домаќините, и самите во голем дел вардарци. Кај нас на трибина имаше десетина радовишани, а ме радува тоа што имаше и беровчани, штипјани, велешани, кратовчани и веројатно од други градови кои не ги забележав. Уште еднаш се покажува дека Вардар е Македонија. Сезонава ќе имаме доста гостувања на истокот, се надевам оваа бројка ќе расте.
Мора да се напомене дека на оваа утакмица имавме и членови од Пиринска Македонија кои дојдоа со свое знаме Комити Пирин што стоеше на оградата цела утакмица. Многу е убаво чувството дека Вардар и Комити се дел од македонскиот идентитет на нашите во тој предел.
Навивањето беше под ниво, т.е. океј за такво гостување. Повеќе од пола група заседнала во кафана 3-4 саати пред утакмица, стадионот е многу отворен и тежок за навивање, сонце пука директно, а полиција не дава да се оди до продавница по пиво/вода. На тоа ако се додаде второлигашкиот фудбал кој е мачен за гледање, разбирливо е навивањето да не биде wow. Од друга страна, дечките кои се грижат за изгледот на трибината уште еднаш покажаа дека се на ниво далеку над нашава тифо сцена. Прво полувреме на ограда стоеше стих од песна „Вардар але секогаш и секаде“, а во второто полувреме си стоеше ударното знаме и коцка во средина. Ме мрзи да барам слики. Знаменцата, како што пишав, се надевам ќе станат редовен дел од репертоарот на групата. Трибината изгледа одлично кога ќе се дигнат повеќе од 100 знамиња. Поготово кога ветерот ни оди во прилог. Пирото беше повеќе од добро за гостување, иако полиција сигурно ни собра барем 10 бакљи.
За мене најпозитивен момент е што на крајот на утакмицата играчите добија силна поддршка. Навивавме заедно десетина минути по завршувањето на утакмицата. Им се порача дека Комити стојат позади нив и така ќе биде се додека гледаме дека се борат и го даваат својот максимум.
Следен викенд играме со Борец, повторно во Маџари. Технички освен за КЧ и КМ, за останатите групи и стадионот во Маџари е како гостување. Очекувам повторно солидна тристотка за домашен терен во втора лига. А за недела не коментирам. Има време до тогаш.
