...таман си, најдобар избор си направил!
Немал избор, тоа му дале, тоа беспоговорно си примил, како и секое друго добро и послушно дете.
Отпорот ги остави занемени партиите од власта. Сеуште не можат да се соземат од изборниот резултат, а си прогнозираа 22:6! Нивното лошо менаџирање ги прелеа сите чаши, а покрај тоа и јавниот долг се зголеми, што штетата, поради хипохондриците, ќе ја плаќаме на долг рок.
Мерките навистина им беа непотребни, посебно не пред избори. Ни малоумник нема да имплементира систем на казни, мерки кои немаат ни допирна точка со логиката само затоа што се грижеле за јавното здравје, а притоа полни сали и прави митинзи без да се придржува кон своите препораки, од каде ќе бара народна поддршка! И сега постои смртна опасност јас да влезам во Мол, со маска, а нема никаков проблем да бидам овца на некој партиски митинг одржан во некоја зграда!
На ноќта на вештерките им посакувам дебакл. Да ги удри и на психа малку, затоа што притисоците и од политичките привезоци ќе се зголемат, а и опозицијата ќе бара нови избори. 250К е очај. Очај. И зошто опозицијата да не бара, има солидна предност пред позицијата и во број на гласови, и во број на добиени општини и во број на советнички места.
Оваа, сепак, не е Политика и да се вратам на Ковид. Ковидот е само политичка алатка со која опозицијата доби позитивен политички резултат. Мора да се политизира затоа што ова досегашно менаџирање целиот здравствен систем го фрли во бездна. Во сите топ црни статистики сме, и во Европа и во светот. Зимата е пред нас, Филипче веќе го најави новиот бран, ќе видиме како ќе се одвиваат наративите околу истиот со оглед на тоа дека имунизацијата кај нас е мртва. Пар 100тина граѓани на ден се вакцинираат со прва доза! Башка онаа за сезонски грип му касни, а нема ни интерес за трета доза (под 800 граѓани, според статистиката од вчера).
Конфузијата си ја направи самиот режим. Не требаше да дозволи мерки да предлага Владата, сѐ требаше да оди преку комисијата. Направија огромна штета и огромни политички грешки. Грешки кои чинеа човечки животи.
Нас не ни требаат мерки, нас не ни треба војска и задолжителна вакцинација. Уставниот систем е тој, требаме да живееме во истиот граѓански концепт. Дали вакцината ја сопира трансмисијата? Не. Оваа вакцина е лично добро. Тука сопира целиот наратив за планини, острови и општества. Мила слободна волја и тоа е сѐ. Ако сакаат правен преседан, што веќе и направија, тогаш мораат да се менуваат и дел од темелните вредности на Уставниот поредок, што е доста опасно. Може да доведе до дестабилизација и политичка и економска криза.
Планирам да направам тест за антитела за да знам дали лани го прележав или не, може ќе има некаков индикатор на тој тест. Чисто за тест не би фрлал пари, па би го направил во комплет со други тестови (како оној за крвна слика). Веројатно во наредниве месеци. Сепак постам цели 10 години во однос на здравствени прегледи. Ова е само план, може и нема да се изреализира.