Испревртен факт не може никако да биде спасувањето човечки животи.
Главната разлика помеѓу итна употреба наспроти целосно одобрување од ФДА е тоа што се потребни два месеци мониторинг, а не шест месеци. Е сега, кога ќе погледнеме ретроспективно на вакцините, пациентите генерално развивале несакани ефекти во рок од два месеци од аплицираната вакцина. Сега имаме повеќе од шест месеци искуство со овие вакцини и аплицоирани милиони дози, па не сме забележале ништо до сега што ќе не натера да веруваме дека ризиците ги надминуваат придобивките. Целосниот преглед на процесот е во тек и веќе слушаме дека Pfizer ќе има целосна дозвола од FDA до септември а и Moderna наскоро потоа. Тогаш очекувам да престанеш да збориш само за Фајзер и фокусот да го ставиш на Синовак и Синофарм.....затоа што и тие се итна употреба.
Налетав на податоци до 9 август. Според CDC, 8054 вакцинирани луѓе, позитивни на корона, дел од нив хоспитализирани, дел починати (веројатно улога треба да има и возраста на пациентот и евентуални коморбидитети). Оваа бројка наспроти 166 милиони целосно вакцинирани Американци. Види, баба ми има 93 години. Уредно си се вакцинира со Астра Зенека. Без разлика на вакцината, дури и да не е корона вирус во прашање, на таа возраст и еден најобичен вирус може да ја убие баба ми. Дури и да не е вирус во прашање, смртта е составен дел од животот и сосема очекувано е да настапи кога тогаш. Така што, настрана вакцините сите си имаме свој почеток и крај и ако на некој на 90+ години му дошол моментот, сулудо е ние да збориме за ефикасност на вакцина. Вчера баш ми збореше како паднала во двор и едвај успеала да стане. И тоа можело да ја убие на таа возраст.
Прво дека вакцините навлегувале во јадрото на клетката и ја модифицирале ДНК, после дека вакцините предизвикувале неплодност, па магнетизација, па сега итна употреба бла бла бла. Не знам што ќе биде вашиот следен аргумент, ама колку побрзо ги отфрлите таквите теории на заговор, а се информирате од релевантни извори, толку побрзо ќе се приближиме да крајот на ова лудило.
Мене лично не ме револтира толку многу тоа што некои неуки луѓе се скептични по прашање вакцинација, туку највеќе ме нервира развивањето разноразни непоткрепени теории на заговор кој дополнително ја хранат скепсата на народот.