Самото учење за нив и дека треба да се почитуваат како сите други луѓе нема никаква штета врз малолетници - затоа законот им е бесмислен и дискриминаторен. Мене лично не ми требало да учам за еднаквост, ама на многу, многу луѓе овде им треба.
Ајде вака:
Дали геј и лезбејската популација треба да ги има истите права како и останатите? Апсолутно да.
Јас сум за тоа правото на цивилна заедница меѓу истополови лица да биде гарантирано и со Уставот на Македонија.
Законот за заштита од дискриминација сигурно бил потребен, но во случајов е потребен и закон за заштита на децата и нивната кревка психа од пропаганда која прави несогледлива штета врз идната зрела личност.
Геј и лезбејската заедница има еден огромен проблем.
Таа е држана како заложник на политичките партии за остварување на нивните цели - дограбување до власт;
и е заложник на транссексуалците и сексуалните работници, кои немаат ништо заедничко со поимот
сексуална ориентација,
туку со родов идентитет (или подобро речено - родова конфузија) и идејата да се тргува преку полово општење.
Зошто во
развиените, демократски, цивилизирани држави, каде “лгтљ+-“ популацијата ги има остварено сите права, вклучително и правата на брак и посвојување деца, дебатата денес е фокусирана на
правата на децата (под 14 годишна возраст) да можат да бидат подложени на хормонални терапии за промена на нивниот пол, дебата за лични заменки и исмевање или легални последици кон оние кои немаат намера да ги употребуваат (Џордан Питерсен за малку не ја изгуби работата заради тоа), дебата за намалување на законската возраст за стапување во сексуални односи, или како на пример во Македонија, инфилтрирање на сексуалните работници под плаштот на некакви заеднички, општи права, со барањата на геј и лезбејската популација?
Зошто геј и лезбејската популација воопшто се бави со овие прашања, во ист момент кога барем десет држави низ светот сеуште имаат смртна казна за хомосексуалност, а Иран и во пракса ја спроведува, секојдневно. Каде се овие “лгтљ+-“ здруженија да се организираат и наместо на разголени паради, како нормални луѓе да излезат пред амбасадите на Иран и да протестираат, барајќи од нивните влади да воведат економски и политички санкции кон Иран и сличните на неа?
Геј и лезбејките имаат проблем внатре во “лгтљ+-“ круговите. Хетеросексуалната популација не е непријателот.