Од минатата година и јас го држев предметот, за мојата група на сосема поинаков начин и со сосема поинаква содржина.
Предметот е замислен за развој на апликации контролирани од серверот, а не апликации контролирани од клиентот или интернет пребарувачот - значи пред сѐ серверски и сервисно-ориентиран развој. За клиентско програмирање си има друг соодветен и прикладно именуван предмет, кој не го држам јас.
Наставата тргна од нула, основен HTTP протокол (колку за запознавање), па скриптирање на серверска страна со неколку програмски јазици (пример C, Java, PHP, Perl, Javascript), па постепен развој на целосна веб апликација (од почетни прикази до комуникација меѓу слоеви, пристап до база директно и со ОРМ, автентикација и авторизација преку OAuth - примери со најава преку трети сервиси) и сето тоа со 3 различни технологии (и со Java и со Dotnet) и 3 различни патерни за развој - меѓу кои и MVC.
Часовите ги водев целосно во развојна околина, споено предавања и вежби, 100% практично врз конкретен функционален код, кој постепено се гради до целосна апликација. Објаснувањата се во развојна околина, по можност 0% слајдови. Фалеа часови поради целата ситуација, но предвидени беа и теми за интеграција на апликации, исто практично.
Кај мојата група имаше 100% практични задачи и немаше испит. Задачите беа групен развој на поголем проект и мини индивидуални задачи. Проектите беа со било која технологија, под мое насочување. Постоеше можност да се спои проектот на тој предмет, со проектот од друг предмет (на пример со Бази во зимскиот семестар).
Веројатно е потешко на предмет каде сѐ е проектно и нема испит, но за овој предмет тоа е најдобриот начин, барем според мене.
Информации за проектите што ги водам и по овој и по други предмети има тука:
https://develop.finki.ukim.mk/
Контакт и мој личен веб сајт имате во потписот, има таму термини за консултации, повелете ако ве интересира повеќе. Ако ве интересираат предмети од областите Софтверско инженерство и Информациски системи, како и поспецифично поврзано со Бази на податоци, повелете.
Нема да реплицирам повеќе тука за да оставам слободна дискусија (и некој ако сака, слободено да ме критикува
.
За жал, принципот на организација на ФИНКИ ушто од самиот почеток е таков да секој семестар одново се носи одлука кои професори кој предмет ќе го држат. Значи сѐ што ќе прочитате тука за предметите од било кого сфатете го условно, бидејќи професорите може да се сменат.
